اول شيء السلام عليكم ورحمة الله وبركاته
و ثاني شي اسفه اني غبت فتره طويله لكن ظروف
( غبنا وغاب الابداع ورجعنا نعدل الاوضاع)قبل نبدا لا تنسون الصلاة على النبي
اللهم صلى الله عليه وسلم
يلا نبدااذن الفجر
ابو منصور راح يصحي ام منصور
و انصدم يوم لقاها صاحيه
و قال : وش فيك يا ام منصور ما نمتي
ام منصور : خايفه ما قدرت انام يا ابو منصور نغزني قلبي
خايفه واحس بصير شي
ابو منصور : تعوذي من الشيطان يا بنت الحلال
ان شاء الله ما راح يصير شي . بعدها سكت
و قال في داخله :الله يستر . و راح يصحي للعيال
و قال : منصور نايف فيصل قومو صلوا
بروح اتوضا لاجي والقى احد نايم
منصور : ابشر يبه
ابو منصور : خل عيالك يصحون و بسرعه قومو
منصور : ابشر( طبعا منصور نايم مع اخوانه
لان مافي غرفة خاصه فيه هو و اهله
و أهله نايمين في غرفه الحريم
نرجع للروايه )منصور قام و قال : ماجد سلمان فيصل نايف
قومو بسرعه لا يعصب ابوي
سلمان و ماجد قاموا و قالوا ابشر يبه . وراحوا للحمام بسرعه
نايف : ابشر . و قام بسرعه و راح للحمام و ظلوا يتهاوشون
و فيصل قام و ظل ساكت و هو يناظر فيهم يتهاوشون على الحمام
وبعدها قال بسرعه اخلصوا مو وقت الهواش
لايجي الحين ابوي و يكفخنا
سلمان : اي والله صادق عمي فيصل
وبعدين معك يا عمي نايف ياخي توني ضيف
خلني ادخل الحمام وبعدها انت وش فيك ياخي
نايف : حبيبي انت هنا مو ضيف
انت ولد اخوي وعشان كذا انطم و ادخل الحمام وانت ساكت
سلمان : طيب . وبعدها دخل الحمام و خلص وتوضا
وبعدها نايف دخل الحمام ومن بعده العيال دخلوا الحمام
و توضوا و خلصوا بسرعه و راحوا للمسجد و صلوا
و اما ام منصور قامت و راحت تصحي بنات
و بعدها راحت توضا و تصلي
و بعدها ادخلت المطبخ تسوي فطور
والبنات قاموا و توضوا وصلوا
و اما ابو منصور و العيال خلصوا من الصلاة
و اطلعوا من المسجد و راحوا للبيت و دخلوا في البيت
فيصل قال يبه يمه والله اني مالي نفس اكل
و عشان كذا بروح للخيل الين يقرب موعد دوامي
ابو منصور : طيب
ام منصور : طيب الله يصلحك .
و فيصل ناظر فيهم و راح للمزرعة
و ركب الخيل و قاعد يمشي به
و بعدها بدقائق نزل من الخيل و دق على نواف
في المكالمه
فيصل : الو
نواف : هلا
فيصل : نواف ايش رايك تجي تاخذني و نروح للمركز
نواف : طيب بس وينك
فيصل : انا في مزرعة ابوي
نواف : دقيقه فيصل انت بالعاده تجي بسيارتك وش صاير
فيصل : اذا جيت بقول لك بس انت تعال و انا بعلمك
نواف : طيب
. وانتهى المكالمهاما عند ابو منصور ناظر في فيصل الين راح
و التفت على ام منصور قال : فيصل فيه شي
ام منصور قالت : مدري
ابو منصور : طيب .
وبعدها اجلسوا يفطرون وبعد كلن راح لدوامهاما عند ابو محمد كان صاحي من بدري
وراح يصحي ام محمد و بعدها راح يصحي عياله
ام محمد صحت و راحت تصحي بناتها و البنات قامو
وبعدها راحت توضا وتصلي والبنات راحوا يتوضون وصلوا
اما ابو محمد راح يصحي العيال والعيال قاموا وراحوا للمسجد وصلوا و خلصوا من الصلاة و اطلعوا من المسجد و راحوا للبيت و دخلوا في البيت
و ابو محمد : ابي نروح للرياض عشان عندي قضيه مهمه هناك
لمياء : يبه ليش اغلب وقتك ما تروح لدوامك
بس على الجوال
ابو محمد : لان اغلب القضايا اخلصها على الجوال
الا في اوقات اضطر اني اروح عشان اخلصها هناك في مكان دوامي
لمياء : اها طيب
ابو محمد : ساره وانا ابوك روحي خذي عذر من الجامعه
عشان نبي نروح اليوم للرياض
ساره : ابشر يبه
وبعدها ابو محمد اخذ ساره و لمياء وراح للمدرسه
واخذ منهم عذر ان لمياء بتظل ايام بعدها ترجع.
وبعدها وراحو للجامعه و ساره راحت تاخذ عذر من الجامعه وافقوا الدكاتره لانهم يعرفون ساره شاطره
و بعدها ساره اطلعت و ركبت السياره و راحوا للبيت
أنت تقرأ
لو كان حبك ذنب والله ما اتوب
General Fictionروايه تجمع بين الماضي والحاضر و الروايه من وحي الخيال اتمنى ان تنال على اعجابكم معاكم الكاتبه ساره البقمي