في الصبح اذن الفجر
عند ابو منصور
اللي ما نام زين من التفكير في فيصل
و اول ما سمع صوت الاذان قام و راح للحمام يتوضا
و بعدها طلع و راح للمجلس يصحي عياله
و قال فيصل نايف قوموا صلوا الصلاة الفجر
ياويل اللي يتاخر
نايف : ابشر يبه .
اما فيصل قام متضايق و ما رد على ابوه و راح للحمام
َو نايف قام راح للحمام يتوضا
و بعدها كلهم اطلعوا من البيت و راحوا للمسجد
و صلوا و خلصوا من الصلاة و اطلعوا من المسجد
اما ام منصور صحت من بدري و قومت بناتها
و بعدها كلهم راحوا يتوضون ويصلون
و عند ابو منصور
هم في الطريق رايحين مشي للبيت الجد فهد كالعاده
الا فيصل وقف عن المشي و قال : اسف يبه على اسلوبي امس و كلامي
و مافي شيء بخاطري عليك يبه . و راح يحب راس ابوه كاعتذار
ابو منصور وقف والتفت عليه و قال : لا يا ابوك عادي
اهم شيء ما يبقى شيء في خاطرك علي
فيصل قال : يبه ترى مالي نفس افطر
و بروح اطلع اتمشى و اغير جو قبل يبدا دوامي
ابو منصور قال : فيصل وانا ابوك
والله ابي افرح قلبك
و افرح فيك و ما ابي تاخذ خاطرك علي وانا ابوك
والله احبك و اخاف عليك وكيف ما ابي افرح فيك وانت ضناي
لكن تعرف عاداتنا وتقاليدنا
ويشهد الله اني من امس ما نمت زين
من تفكيري فيك
و اذا على الفطور ما اغصبك عليه
و خذ راحتك وانا ابوك لكن انتبه لنفسك
فيصل ابتسم و قال طيب . وراح يركب السياره و راح
و نايف تكلم اول ما شاف فيصل راح
و قال : يبه تتوقع فيصل بيروح معانا اذا جينا نخطب اليوم
اخاف انه زعلان علي و ما يروح معانا
ابو منصور : اي ان شاء الله بيروح
و هو مو زعلان عليك لان انت مالك دخل باللي صار
نايف : طيب يبه منصور وينه ما عاد صار يجينا
ابو منصور : منصور عشان عنده دوره في دبي
واليوم خلاص خلص منها وان شاء الله بيجينا
نايف انصدم و قال : يبه كيف عرفت كلمته
ابو منصور : لا ما كلمته الا ثلاث مرات بس ما سالته
و لانه علمني مده الدوره عشان كذا قاعد اعد الايام
نايف ضحك بصدمه وقال : اها يبه يعني طلعت تعد الايام
ليه طيب
ابو منصور : من خوفي عليه صرت اعد الايام
نايف ابتسم و قال : لاتخاف ان شاء الله مافيه الا العافيه
و الله يحفظك لنا ويطول بعمرك .
وبعدها كملوا مشي للبيت الجد فهد وجلسوا
وبعد دقائق افطروا
وعند فيصل ظل يفكر وبعد راح ل الاسطبل
و راح و دخل الإسطبل وشاف ريان خويه
ريان اول ما شاف فيصل قال : اخيرا جيت
لي فتره ما عاد شفتك
وينك يا رجال اختفيت
فيصل : اسف والله بس تعرف دوامي
( معلومه ريان خوي فيصل من ايام الطفوله
وفيصل يجي ريان بين فتره وفتره نرجع للروايه )
ريان : معذور وكيف حالك
فيصل : بخير الحمد لله و انت كيفك وأخبارك
ريان : الحمدلله بخير بس والله من زمان وانا ودي اهديك خيل عربي اصيل و من الحين اقول والله ان تاخذها
فيصل : لا والله ما اخذها اصلا انا جاي اشتري خيل منك
وفي خيل اعجبتني وابي اشتريها
ريان : دامها اعجبتك اعتبرها هديه من الحين
فيصل : لا والله
ريان : فيصل انتهى انا حلفت اول واحد .
وبعد محاولات اقتنع فيصل و راحوا يشوفون الخيل
وبعدها فيصل اخذ الخيل وراح لمزرعه ابوه
و ركب الخيل و نزلت دمعته لمن تذكر هذاك الموقف
لما كان يتسابق مع ساره و تذكر كلام عماته و وجده وجدته
لما رفضوا انه يتزوج من ساره
و قاعد يغني و يقول بصوت حزين :
مافي غيره سكن روحي حبيبي وانا احبه
لو قالوا تمنى اتمنى عمري قربه .
YOU ARE READING
لو كان حبك ذنب والله ما اتوب
General Fictionروايه تجمع بين الماضي والحاضر و الروايه من وحي الخيال اتمنى ان تنال على اعجابكم معاكم الكاتبه ساره البقمي
