لو كان حبك ذنب والله ما اتوب

البارت ٢

لاتنسون الصلاة والسلام على نبينا محمد
اللهم صل وسلم عليه

بعدها اجلسوا يفطرون حصه و عبدالله و ساره و العيال
خلصوا و ساره راحت تاخذ شور
بعد ما خلصت البست قميص مريح
و راحت تمشط شعرها طويل و تذكرت فيصل
و ابتسمت و غنت بصوتها العذب
و قالت :
ياتيني الشوق في ذكراك
ذكرى تضيع عناويني
اذكر عيونك وحلو حكاك
عينك على الحظ ترضيني .
و انسدحت على السرير وظلت تفكر

(نسيت اقول لكم ترى ساره صوتها حلو )

نرجع للروايه
مر الوقت ولما جت الساعه 7:40
ساره حطت مكياج خفيف كالعاده وتجهزت
وطلعت مع اخوها محمد
و راحوا للجامعه و نزلت ساره من السياره
و محمد بعدها راح للمستشفى
عند ساره دخلت الجامعه ونزلت العبايه
وحطتها في الشنطه و رتبت شكلها
و شافت صديقتها هيفاء
و راحت لها ركض و ضمتها
و تقول حي الله باحلى صديقه في هالدنيا
هيفاء : ياقلبي يا ساره
ساره : كيفك وأخبارك طمنيني عنك
هيفاء : الحمدلله بخير وانتي كيفك
ساره : الحمدلله بخير و الله يجعلك دوم بخير
هيفاء : امين وياك
ساره : الا بسالك ما تعرفين شي عن فيصل و اهله
هيفاء : والله ما اعرف شيء عنهم
ساره غنت
وقالت : سقى الله يوم كنا ما نعرف ان للمفارق يوم
هيفاء : ساره الحين هو يدري انك تحبينه
ساره : ما ادري والله
بس مستحيل ينسى ايام الطفوله
هيفاء : ما تدرين يمكن تزوج ونساك .
ساره اشتبت الغيره بقلبها وضربت هيفاء على كتفها بقوه
وقالت : فال الله ولا فالك
و بعدين انا سمعت انه ما تزوج للحين
هيفاء امسكت كتفها وقالت : اح وش فيك امزح
ساره : طيب يلا بسرعه لا نتاخر على المحاضره .
اركضوا وطقوا الباب
والدكتوره فتحت الباب وقالت ليش تاخرتوا دقيقتين
ساره قالت باسلوب لطيف : لانك يا دكتوره سحاب
والمطر ما يجي الا بعد السحاب .
الدكتوره استحت وقالت يلا ادخلوا ولا عاد تكررونها .
ساره و هيفاء راح يجلسون جنب بعض
و اجلسوا وبدت الدكتوره تشرح
و هيفاء التفتت على ساره
وقالت بهمس : والله عندك اسلوب يخلي الواحد يذوب
يا حيوانه
ساره بهمس : اص لا تطردنا الحين صدق .
اسكتوا و بداوا يحاولون يركزون مع الدكتوره

بسوي تسريع للاحداث
اذن المغرب
و بعد الصلاه راح فيصل للمركز عشان المداهمه
نواف اول ما شاف فيصل قال : ارحب
فيصل : البقاء
نواف : جاهز يلا ترى بنروح
فيصل : اي جاهز
نواف : يلا اجل توكلنا على الله .
و راحوا للمكان عشان يداهمون
وصلو و داهموا المكان
فيصل قال بصوت عالي : ارفعوا ايديكم المكان محاصر .
و امسكوهم واخذوهم للسجن وحقق معاهم فيصل

عند بيت سعد
سعد قال : اليوم ابوي عازمنا للعشاء كلنا
نوره : طيب .
و راحت ل غرفه بناتها و طقت الباب و دخلت
و قالت تجهزوا بسرعه جدكم عنده عزيمه
عهد : ليش اليوم بتحدد
نوره : الحين مو وقت الاسئله يلا تجهزوا
ندى : طيب ابشري يمه
شهد : انتظروني دقيقه باخذ شاور
نوره : طيب بس بسرعه .
و نوره طلعت و راحت لغرفتها تتجهز
و اما البنات
شهد ادخلت الحمام واخذت شاور سريع و طلعت
و البست فستان ازرق و امشطت شعرها
و حطت مكياج وخلصت
وندى كانت تدور على فستان حلو تلبسه
في الاخير لقت لها فستان احمر حلو لبسته
وراحت تحط لها مكياج و حطت مكياج وخلصت
و عهد البست فستان بني وقعدت تحط مكياج
و حطت مكياج وخلصت
و بعدها كلهم راحوا للبيت الجد فهد

ادخلوا البيت لقوا الكل موجود وسلموا عليهم
واجلسوا يسولفون
و البنات حطوا لهم جلسه لحالهم وراحوا يسولفون

اذن العشاء
و فيصل رجع للبيت توضا و راح للمسجد
و جلس جنب ابوه و اخوانه
و صلوا و اطلعوا من المسجد
و سعد قال : فيصل اليوم ابوي عازمنا للعشاء كلنا
تجي معانا ولا لا
فيصل : اي بجي .
و راحوا للبيت الجد و دخلوا في البيت
و راح فيصل يسلم على عماته
وبعدها دخل المجلس و سلم عمانه و عيالهم و طلع
و جت هنادي و هند و منيره يسولفون مع ابوهم واخوانهم
وبعد ساعه
رجع فيصل و راح ينادي امه نوره و جدته يجون
و جت نوره وهي لابسه عبايه و الجده
و فيصل قال : بما ان الكل موجود
يبه يمه جدي جدتي انا ابي اخطب ساره عبدالله البقمي
على سنه الله ورسوله
نوره : الله يوفقك وانا امك
هنادي عصبت و بصراخ : ليه تترك بنات القبيله
و تروح ل البقوم
وش تبي الناس تقول عنا ترك بنات قبيلته وراح ل البقوم
اكيد في بلاء في بنات قبيلته ولا ليه ما ياخذ منهم
تبي تقطع رزق بناتنا
فيصل عصب و قال : يا عمه البقوم مافيهم شي عادي وبعدين انا ما اقطع رزق احد
الرزق عند الله سبحانه مو عندي
هند : طيب دامك تقول كذا ليه ما تاخذ من العتيبيات
فيصل : مو لازم اخذ منهم لاني عتيبي
هنادي : حسافه والله انك ولد اخوي
الجد فهد : انا مو موافق و بعدين هالعائله ما نعرف عنها شيء
الجده : و حتى انا وشلون تبي تاخذ من الناس
ما تعرف عنهم شيء
هند : فيصل خلك من هالسوالف
اذا تبي تتزوج نزوجك واحده منا وفينا العتبيه
سعد : فيصل لا تجيب هالطاري
فيصل : ايش فيكم كانكم شوي وتاكلوني
ترى ما قلت شيء غلط ابي اخذها بالحلال
وبعدين خلوا عنكم هالعنصريه .
هنا نوره ما قدرت تتحمل اكثر
و هي تشوفهم يتهجمون على ولدها كذا
و قالت بعصبيه : الى هنا وبس
الولد يبي ياخذها بالحلال وين الغلط في الموضوع.
ونوره التفت على هند و قالت مجرد قال بتزوج
قلتي يلا نزوجك واحده منا وفينا
و صح اني ما احب المشاكل
لكن مستحيل ارضى اني اشوفكم
اتحطمون احلام ولدي قدام عيوني و اسكت
و بعدين وش فيهم البقوم
تراهم جيراننا من زمان قبل ننقل هنا و اعرفهم زين
ما اقول كذا عشان فيصل لكن هذا الصدق
و بعدين هم جيران امي و طيبين و محترمين
و اعرفهم
و حتى سعد يعرفهم بس ساكت عشان ما يكبر الموضوع
لكن انا ما راح اسكت اللي يخص عيالي وبناتي يخصني
و الله سبحانه وتعالى
قال :{ وجعلناكم شعوبا وقبائل لتعارفوا
ان اكرمكم عند الله اتقاكم ان الله عليم خبير } .
اسكتت نوره و بعد دقائق
قالت : فيصل شغل السياره يلا بنروح للبيت
الجده : وش فيك وانا امك تبين تروحين والعشاء
نوره : وش تبين اسوي ياعمه
يتهجمون على وليدي كذا وما اتكلم انا ام ما اقدر اصبر
و يلا اكرمكم الله يا عمه ويا عمي .
و راحت نوره ورفعت صوتها وقالت يلا يا بنات بنروح للبيت
ندى : وش فيك يمه بدري
نوره : مو وقت الاسئله اذا جينا البيت تعرفين
يلا قدامي على البيت
ندى : طيب ابشري ولا يضيق خاطرك .
راحت تنادي شهد و عهد وبعدها راحوا للبيت
و دخلوا في البيت
و فيصل مو قادر يتحمل الضغط اللي جاء واغمى عليه
و نوره تصيح و تقول ياويلي ولدي
فيصل وانا امك رد علي
. و بكت و دقت على سعد وهي تبكي
و سعد جاء واخذ فيصل وراحوا للمستشفى
نوره اصرت الا تروح مع ولدها و راحت

انتهى