မှုခင်းစုံစမ်းစစ်ဆေးရေးမှတ်စုများ (MM Translation)

အပိုင်း (၂)

(T/N - မဖတ်ခင် တစ်ခုကြိုပြောချင်လို့ပါ။ အရှေ့အပိုင်းတွေမှာ မနှစ်မြို့စရာတစ်ချို့ပါတဲ့အတွက် အစာစားနေတုန်းမဖတ်ပါနဲ့ရှင်။)

နောက်တစ်နေ့နံနက်အစောပိုင်းတွင် ဟွာဒူးရဲစခန်း၏ ရုပ်ပိုင်းဆိုင်ရာစစ်ဆေးရေးအခန်းရှိ အကြည်ရောင်မှန်စာကြည့်စားပွဲပေါ်တွင် အရွယ်အစားအမျိုးမျိုးသောသေတ္တာ ၃ လုံးကို ဘေးချင်းကပ်ထားခဲ့သည်။

၎င်းတို့ကို ဟွာဒူးချန်ယန်းလက်အောက်ခံဌာနခွဲက တစ်ညလုံး စုံစမ်းစစ်ဆေးမှုအပြီး မနေ့က တွေ့ရှိခဲ့ခြင်း ဖြစ်ပါသည်။

ထိုမြို့၏ စွန့်ပစ်ကားများကို နေ့စဉ် မရေမတွက်နိုင်သော လူများ ဖြတ်သွားသော လမ်းဘေးတွင် ထားရှိထားသော်လည်း ထိုကဲ့သို့ ကြောက်စရာကောင်းသော အရာသည် အတွင်းထဲ၌ ပုန်းအောင်းနေမည်ကို မည်သူမျှ မထင်ထားမိပေ။

ယနေ့တွင် လုကျွမ်းချီသည် ချောင်းဇီကို မှတ်ပုံတင်ဌာနသို့ ခေါ်ဆောင်သွားခဲ့သည်။ သူ တံခါးထဲ ဝင်လိုက်တာနှင့် မှုခင်းဆရာဝန် အမျိုးသမီးငယ်တစ်ယောက်က မတ်တပ်ထရပ်ပြီး လက်အိတ်၊ မျက်နှာဖုံးနှင့် မျက်မှန်တွေကို ကမ်းပေးလိုက်သည်။

သက်သေခံစင်တာသည် လေလုံပြီး အတွင်းဘက်တွင် လေဝင်လေထွက်အားကောင်းစေရန် တပ်ဆင်မှုကြောင့် အနည်းငယ်မှောင်နေပါသည်။ အလင်းရောင်သည် တောက်ပခြင်းနှင့် မှေးမှိန်ခြင်း အလင်းနှစ်မျိုးလုံးကို ဖြန့်ကျက်နေသည်။ ထို့အပြင် မတူညီသောမီးများသည် မတူညီသောအကျိုးသက်ရောက်မှုများရှိစေပြီး အမျိုးမျိုးသောသဲလွန်စများကို မီးမှောင်ထိုးပြနိုင်သည်။

လုကျွမ်းချီက ပစ္စည်းတန်ဆာပလာများကို ဝတ်ပြီး သူ့ကိုယ်သူ ဆင်ယင်လိုက်သည် ။

သေတ္တာများကို စွန့်ပစ်သည့်အချိန်အရ  နံပါတ် ၁၊ နံပါတ် ၂၊ နံပါတ် ၃ စသည်ဖြင့် အမှတ်အသားပြုထားသည်။ သူတို့ ပထမဆုံးတွေ့သည့် သေတ္တာမှာ  နံပါတ် ၂ ဖြစ်ပါသည်။

အခြားသေတ္တာနှစ်လုံးသည် အတွင်းဘက်တွင် အဖြူရောင်အမှုန့်များ ပါ၀င်ပြီး ဆင်တူသည့်ပုံစံဖြင့် အမျိုးသမီးများ၏ ခြေလက်အင်္ဂါအစိတ်အပိုင်းအချို့ကို မြှုပ်နှံထားသည်။