قبل لا نبدي قصتنا اتمنى تنتبهون لـ اطفالڪم قبل ليصيرلهم نفس لـ الي صار بـ قصتي الي دمرتلي طفولتي وتنتبهون عَليهُم ومتخلوهم بـ مڪان ولا تخلوهم يࢪوحون لـ أي مڪان وحدهم وهسه نبدي بـ طفولتي المأساويه.....
*********** اني بنت عراقيه عمࢪي (13سنه)، عائلتي مڪونه من (امي + ابويه + اختي اصغر مني + انا).
مثل أي عطلة عادية قررنا انروح لـ غير مُحافظة انغير جَـو ونتونس بـ العطلة حتى ننسا تَـعب الدࢪاسة.
لڪينة مُـتنزة صغير ڪلنة خلـِ نستراح بي لان الطريق بَعيد وچان بوڪتها وقت صلاة فـَ چان اڪو مسجد و ابويَ وامي راحوا يصلون اختي چانت صغيرة ومَتعرف فـَ چانت بَس ويَ امي اما اني مُستحيل اڪعد بمڪاني لازم العب واتحرك وللأسف صار الي مَچنت متوقعتة...
فجأة واني العَب ماحسيت بـ شيء الة واشوف الدنيا ڪلها سودة واغمى عليَ... فتحت عيوني ولڪيت نفسي بغرفة ڪلش مقࢪفة وقديمة وچانت اڪو امرأة ورجال واڪفين اول مشفتهم ضليت اصيح واصيح واستنجد بس ماڪو نفع تقدمت عليَ هاي الـ امࢪأة وڪالت..
_سلوا: اذا متسڪتين اڪتلچ بـ ادية هذني.
متت من الخوف مڪدرت اتحمل واني اصيح بـ امي الي دائمـًا اتڪلي بس اتصيحيني راح اڪون يمچ بس هل مرا مَلڪيتها يمي..
من شافت العجوز "سلوا" انو اني مدااسڪت اجت وضلت تضرب بيَ ضربب بـ عمري ممضروبة هيچ... اجة الرجال الي وياها چان عمرة تقريبـًا بالـ50 ڪللها
_فيصل: ڪافي لتموت البنت بين ادينة.
عافتني واڪعة بلڪاع بين المفتحة عيوني وبين الي مغمضتها وقفلت عليَ الباب.. مدااستوعب الي ديصير الخوف يقرا1000
وراها مَࢪت ايام ماادري شڪد لا ليلي ليل ولا نهاري نهار اتدمرت حرفيـًا ڪل يوم ضرب بـ ضرب..
وبيوم دخلت عليَ سلوا وفيصل (الخاطفين) وبيدهُم مااعرف شنو جان بوڪتها بس مثل الجمر او الفحم مچنت مستوعبة الة تجي سلوا تڪمش ايدي وفيصل يڪعد ؏َ رجلي حتى مااتحرك ويدخلون هذا الشيء الحاارر بـ لساني!
لساني احترك وضليت ابچي وابچي واصيح اريدهُم يرحموني بس ماڪو وسلوا شڪلها تستمتع من اتشوف شخص هيج يتعذب
سلوا چانت من جنسية "باكستانيه" وفهمت من حچيهم انو اني اذا عراقية راح افيدهُم ڪلش هواي ماچنت اعرف ليش بس چنت هيچ اسمعهم من يحچون بـ بيناتهم!.
فتحت عيوني لڪيت نفسي بلڪاع وحاطين يمي صينية بيها بس (خبر_ماء) هـٰذا چان اڪلي ومن حاولت آڪل اكتشفت انو اني مااڪدر اڪل بشكل طبيعي ولا احچي مثل العالم بسبب الحروق الي صارت بـ لساني!
حاولت آڪل واني بس ابچي ؏َ الحال الي صرت بي..
بعد ڪَم يوم اجت سلوا طلعتني من الغرفة اخيرًا راح اطلع من هاي الغرفة القذرة، طلعنة لـ الصالة لكيت فيصل و ويا وَلد انتظرنة شويَ وبعدين دخلوا اطفال بعدد كلش هواي حوالي 25 طفل اجو واحد واحد ينطون لـ فيصل فلوس!
اڪو طفل چان مَجايب ويا فلوس فـ اجة فيصل وضرب هـٰذا الطفل ضَرب الله لا يوريڪُم، اني طبعـًا مااڪدر اسوي شيء ومتت من الخوف من ڪمل ضَرب اجة وڪال لـ هـٰذا الولد الي ويا عرفت انو اسمه "آسر" هذا يطلع تقريبـًا لو بڪبري لو اڪبر مني بـ شويَ.
_فيصل: آسر اخذ الاطفال وهاي البنت وشوفو شغلڪم لان هاي كلش مهمة (واشر عليَ).
_آسر: حاضر.
طلعنة من البيت وضلينة نمشي آسر كامش ايدي ڪلش حيل يخاف اشرد ويتعاقب وفعلًا ردت اشرد بس چان لازمني حيل ومڪدرت ضلينة نمشي هواي وصلنة لـ شارع عـام آسر ڪال..
_آسر: شوفي الاطفال شنو راح يسوون وسوي مثلهم.
سكتت مارديت عليَ، الاطفال ضلوا يوڪفون سيارات ويطلبون منهم فلوس!!
اني هنا ڪلش انصدمت اني الي بعمري محتاجيت شيء هسه اجدي من العالم! ماقبلت اسوي هيچ وضليت اصيح اكله "عوفني عوفني مااريد"وچنت احچي بـ صعوبة لان لساني محروك وهوَ لازمني ميخليني اشرد.
وراها رجعنة من وڪت و سلوا وفيصل اتفاجأو انو رجعنة من وڪت وسألو وهنا آسر سولفلهم اني شسويت من ضليت اصيح وما اقبل اشتغل هنا فيصل جن جنونة و اجة بـ اتجاهي وضل يضرب بيَ مثل المخبل...
وطبعـًا سلوا مستمتعة بـ هـٰذا المنظر. سلوا چانت عدها بس بنت وحدة اسمها "افنان" وچانت بـنفس عمري.
رجعوني للغرفة وقفلوا عليَ الباب وبـ هـٰذا اليوم حرموني من الاڪل...
يتبع.....
*********** ࢪأيڪُم بـ الباࢪت الاول🔥!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
