"မလွှတ်တာက အက္ခရာသာ USကိုရောက်သွားရင် ပြန်လာမယ်လို့ထင်နေလို့လား အမရာ"
"ခရာက လေးလေးကိုရော အန်တီနှင်းပန်းကိုပါ သိပ်ချစ်ပါတယ် သူ့ကိုနားလည်မှုပေးလိုက်ရင် သူ့ဘက်က အခြေချဖို့အထိ စိတ်ကူးမယ်မထင်ပါဘူး ခရာ့ကိုလွှတ်လိုက်ပါလား USကဘွဲ့နဲ့ဆို ခရာ့အခြေအနေက သိပ်မြင့်မားသွားမှာ အာဆီယံထက် နိုင်ငံတကာမှာပါဝင်ဆံ့သွားမှာလေ လေးလေးကိုယ်တိုင်လည်း အဲ့လိုမြင့်မားစေချင်လို့ Lawကိုယူခိုင်းခဲ့တာမလား"
ချက်ကျလက်ကျထောက်ပြလိုက်သော သွေးရဲ့စကားကြောင့် လေးလေးက မငြင်းဆန်နိုင်တော့သလို နှုတ်ဆိတ်သွားတော့သည်။
ဒီလောက်ဆို ခရာ့ကို USလွှတ်ဖို့ လေးလေးစဥ်းစားနေလောက်ပြီဖြစ်ကာ လောင်းကြေးနိုင်မှ သွေးထပ်ပြောလိုက်ရင်တော့ အဆင်ပြေပြီ...
သို့ပေမယ့် အခုအချိန်မှာ ခရာ့ကိုနိုင်စေချင်သလား၊ ရှုံးစေချင်သလား သိပ်မသဲကွဲတော့.....
💛💛▫▫▫💛💛
အိမ်ရှေ့မှာရပ်နေသော သူမကိုမြင်တော့ ကိုယ့်မျက်လုံးတွေကို မယုံနိုင်သေးတာမို့ ဒီအတိုင်းရပ်ကြည့်နေမိသည်မှာ အကြာကြီးဖြစ်၏။
သူမသည် ဆံနွယ်ရှည်တွေကို ဒီအတိုင်းဖြန့်ချထားပြီး ကုတ်အင်္ကျီအပြာရောင်လေးကို စကဒ်အဖြူလေးနှင့်တွဲဝတ်ကာ ခရီးထွက်လာသည့်ပုံစံ။
သူမ တန်ခိုးဆီလာတာလား…
အခု သူ့ဆီရောက်လာတာကရော လမ်းကြုံဝင်တွေ့ခြင်း သက်သက်လား...
"နန်းသွေးအမရာ"
ခေါ်သံကြောင့် သူမဖျတ်ခနဲလှည့်ကြည့်ကာ တဖြည်းဖြည်းချင်း လင်းလက်လာသည့်မျက်လုံးလေးတွေကြောင့် ရင်တွေခုန်လာခဲ့မိသည်။
ထို့နောက် သူမက အိတ်ကလေးကိုလွယ်ကာ အနားကိုချက်ချင်းရောက်လာ၍ ကားပေါ်တက်ဖို့ မေးဆတ်ပြလိုက်သည်။
သူမသည် ကိုယ့်ကိုခဏတာတွဲရုံသက်သက်မို့ အိမ်အထိလိုက်လာတာကို ဘယ်သူမှပြန်မသိစေချင်။
"မင်း ဘယ်ကိုလာတာလဲ တန်ခိုးဆီလား"
"ဟင့်အင်း"
ခေါင်းလေးခါပြီးငြင်းဆိုသံလေးကြောင့် စိတ်ထဲတစ်မျိုးဖြစ်သွားပြီး ကားကိုစက်နှိုးပြီးမှသော့ကိုပြန်ပိတ်လိုက်ကာ သူမဘက်ကိုလှည့်ကြည့်မိသည်။
ကိုယ့်ကိုခပ်စူးစူးလေးပြန်ကြည့်နေသော သူမရဲ့အကြည့်တွေမှာ အလွမ်းရိပ်တွေဖြတ်ပြေးသွားသလို စိတ်ထဲထင်ကာ ဒါဟာသူပဲစိတ်ထင်နေ၍လား။
YOU ARE READING
Players
Romance"Real lifeမှာ စကေးကြမ်းလွန်းတဲ့ စနိုက်ကြော်ဆိုတာမရှိဘူး ပျော်ဝင်သွားတဲ့ယောကျာ်းဆိုတာပဲရှိတယ်" "ခေါင်းလေးပဲညိတ်ပေး Bae မင်းငြီးငွေ့ရလောက်အောင်အထိ ငါချစ်ပေးမယ် မင်းငါ့ဘဝထဲဝင်ရဲပြီဆိုတာနဲ့ ဒီလူကမင်းရဲ့အပိုင်ပဲ" "လိုတရမီးခွက်စောင့်ကြီးတော့မဟုတ်ပေမယ့် ဒီ...
