_لا تگولين هيج لا تجيبن طاري الموت گدامي
_وانت هم لا تگول هيج على نفسك
_اني غير وانتي غير انتي روحي وماكو شخص يگدر يعيش بدون روحة
نزلت راسي بخجل وگلت بابتسامة
_يعني هسة ما راح تعوفني
_ههه واني شوكت گلت اعوفج
_ما افتهمت لعد وهاي الجنطة شني وهذا لبسك
_ههه هو صح راح اسافر بس بشكل مختلف
_يعني شلون تسافر
_امممم يعني انسافر كلنا سوية
_كلنا!!!!؟
_اي كلنا لعد ليش طلعت الصبح
_يعني ما طلعت علمود تروح تحجر تا تسافر
_لا رحت حجزت لكلنا هو وين اكو حجز بنفس اليوم
_شنوووو يعني توا جنت تجذب
گمزت من حضنة متعصبة ما مصدگة يعني كل هذا جان جذب وگدر يضحك علي
جرني لحضنة باسني من رگبتي وگال بضحكة
_ليش معصب الحلو
_كل هذا وتگول ليش معصبة لبش جذبت علي
_ما جان عندي غير هاي الطريقة علمود ترجع أري حبيبة گلبي القديمة
_وخرر وخرر زعلت
_اني اعلمج شلون اراضيج
صار يدغدني واتي تخبلت اضحك واصيح يوخر بس هو يزيد الدغدغة نقطة ضعفي اتخبل منها ما وگف الا من شافني انتهيت من الضحك
ردت اگوم بس هم رجع جرني درت وجهي علساس زعلانة لزمني من حنجي ودار وجهي عليه باسنة منة وگال
_محضرلج مفاجأة بمناسبة
_مفاجأة وخر لا تضحك علي
_افااااا واني شوكت ضاحك عليج
_صدگ تحجي لعد هذا توا شنو جان
_هاي ما يعتبر جذب هاي تعتبر فكرة ذكية شلون تراضي بيها حبيبتك
_اي بيع براسي حلوة بيع
_اني شوكت بايع حلوة براسج تعاي گوليلي هاي اول مرة اسمع بيها ليش الحلاوة هم تنباع بالراس
_لا تضحك علي واترجم الكلام بالمعنى الحرفي وهذا مثل بس يمكن مو هيج اهم شي المضمون
_واني هم سويت دراما بس مضمونها جان اراضيج بس بربج شلون جنت مو بالله محد يلحگني بالتمثيل
_هممم يعني بس لا تغير الموضوع شنو المفاجأة
_اذا عرفتي ما راح تبقى مفاجأة
_امانة گول شنو هي بليز
_نو نو تبقى مفاجأة بالليل تعرفين
_اممم بس ما گلت وين نسافر
YOU ARE READING
غموض جارنا
Romanceواني جاي امشي انصدمت من الشفتة والدنيا مغرب والمكان يخوف ومهجور بس اراضي زراعية ردت اصرخ من الخوف بس ايد منعتني وگالت لا تصيحين ديري بالج لا تصيحين بقلمي سناريآ
بارت 35 والاخير
Start from the beginning
