كيف أتوبك يأجمل ذنوبي وأوقف عند حدي وأنت ذنبٍ لا غفره الله ولا لي عنه توبه

البارت الثامن عشر

-
صباح اليوم الثاني بعد مرور اليوم الصعب على الكل وبالذات وهَج ووجد ولكن مرّ اليوم بسلام بسبب صراحة عزام ومؤاساة مُهاب وجاء اليوم اللي يمشون فيه لحايل
طلع مُلهم من الفندق وهو شايل الشناط ويركبها السيارة وبعد ماخلصوا ركبوا ومتوجهين لحايل التفت لاامه بأبتسامة: يووو يايمه مااشتقتي لريحة حايل؟
ام مُلهم: اي والله ياوليدي اشتقت لريحة حايل واهل حايل وبيتي
بيسان بتعب:اي والله يازين بيتنا تبعنا من الروحه والجيّه
وهَج سندت رأسها وظهرها على المرتبة:بالعكس حبيت ايامنا بجده
مُلهم: على كل شي صار لتس المفروض انتي اكثر وحده بتكرهين جلستنا
وهَج ضحكت: صارت اشياء حلوه والله حتى تعبي حسيته حلو
مُلهم :والله يمه بنتك متخلفه احد يحب تعبه؟ مريضه
وهَج تذكرتك وقتها مع عزام وكلامه لها وعصبيته ورغم انها صدته كثير الا انه مايمل وهو يحاولها ويحاول فيها:خلني انا متخلفه شتبي والله ايامنا حلوهه
بيسان: خلها ذي ماتقدر تقول غير الله يشفيها
وهَج ضحكت بكل صوتها وكلهم مستغربين فرحتها الغريبة
-
عند مُهاب ووجد
التفت مُهاب لشناط اللي بالأرض وهم راحت عليهم الطيارة ورجع انظارة لوجد اللي نايمه وملتمه حول نفسها تنهد بتعب وهو مانام كل الليل وكان خايف عليها لانها تتحلم وتفزّ كثير قرب الكنب لعند رأسها وانسدح ونام ويده بيدها وهو كل شوي يفزّ خايف انه صار لها شي وهي نايمه بس خوفه عليها لسبب مجهول يتعبه كثير
بعد نص ساعة فزّ ولا شافها بمكانها وقف بسرعه وهو يناديها بجميع أنحاء الشقه:وجد ياوجد وينتس!!!
طلع من المطبخ وبيدها قهوتها ناظرته بتعب ومرت من جنبه وجلست على الكنب جاء وجلس جنبها:شلونتس صرتي احسن؟
وجد ببرود:الحمدلله
مُهاب عدل جلسته ومسك رجليها ولفها تجاهه:طيب دامك صرتي بخير علميني وش اللي صار معتس امس وش الا نهيار اللي شفته؟
وجد : انسى كل شي شفته كنت بوقت انهيار ومحد قدامي غيرك
مُهاب : لا مو على كيفتس ماراح انساه وش فيه ابوتس وش النظرات اللي تقولين عنها وجد فهميني كل شي
وجد التفت لشناط اللي مجهزه: راحت علينا السفره؟
مُهاب : مو مهم السفره السفر نحجز غيرها ماتهمني واليوم بنطلع ونروح بيتنا بس اول شي قولي لي وش صار؟
وجد تجمعت الدموع بمحاجرها وكانت تحاول قد ماتقدر تخفيها تكلمت بنبرة بكي : اول شي بسألك ليش انت تعاملني كذا؟
مُهاب بلع ريقه من سؤالها :مو هذا موضوعنا
وجد رمت كوب القهوة على الأرض وانكسر وصارت تصارخ وعيونها تنهمر من الدموع: الا هذا موضوعنا اتكلم اشبك بس ساكت ايش تبي مني انا بس ابي اعرف المعنى اذا انتقمت حترجع الأشياء لاابوك الفلوس والمنصب !!! حيرتاح ضميرك!! ايش بيصير علمني ليش تكرهني لذي الدرجة والله مااعرفك ولا اعرف حاجه عنكك تدري لما خطبتني ايش قلت!!! قلت اني ماابي مو مرتاحه له خايف من اسمه ماتوقعت ان لك من اسمك نصيب
مُهاب للمره المليون ينصدم من كلامها ويعجز عن الرد:مُهاب
رفع عيونه لها ونطقت بكلمتها اللي اكره شي لمُهاب واكرهه كلمه يسمعها سمعها لما كان صغير بين امه وابوه مايبي يسمعها وهو كبير بينه وبين شريكة حياته:طلقني خلاص انتقمت طلقني
مُهاب انصفق: وجد اصبري وراح نتفاهم تكفين
وجد صرخت بكل صوتها: ططلقققنننيي يامُهااببببب
مُهاب مسك كتوفها:طيب اسوي كل شي تبينه وعد بس عطيني ثلاث أيام مُهله واوعدتس اسوي اي شي تبينه
وجد دفته عنها:وايش معنى ثلاث ايام
مُهاب: معليتس بس ثلاث ايام واللي تبينه بيصير وعطيتس وعد
وجد ببرود : طيب
مُهاب: تبينا نروح لبيتنا
وجد : مارتبت كل الأغراض
مُهاب : طيب حبيبتي قومي رتبي وانا بشيل اللي حاطه انتي لين تخلصين واليوم بنتغداء برا لا تسوين شي
وجد استغربت وعقدت حواجبها من كلمته واول مره يطلق عليها"حبيبتي" قامت ببرود وراحت تكمل أغراضها وترتبها
-
بيت ابو عزام
دخل عزام البيت وشافهم كلهم مجتمعين تقدم وسلم على رأس ابوه وامه وجلس جنب امه وصبّت له قهوة وبتقهوى :اقول يمه
ام عزام : سّم
عزام تنحنح: لا تكلمين خالتي اصبري شوي احس استعجلت
ام عزام بعصبيه: عزااامم خلك رجال وقد كلمتك انا قلت لخالتك اول ماقلت لي ووافقت وبنتفق على الملكة وانت للحين تحس نفس مستعجل تستهبل ياعزام!!!
عزام : يمه تعوذي من بليس بس انا احس اني استعجلت ابي افكر شوي
ام عزام : عزام انتهى انت لها وهي لك غير هالشي مابصير راضيه عليك لو تموت ياعزام
عزام نزل الفنجال بقوه اللي خلاه ينكسر :يمه استهدي بالله انا قلت ماابيها مااني اخذه لا هي ولا غيرها
وقف عزام وطلع من عندهم وهو معصب بشكل مو طبيعي وطلع برا البيت
-
4:00
مطار جده الدولي
نزل من الطيارة وبيده شنطته وهو يتأمل جده وجوها طلب تكسي وركب وعطاه موقع البيت ومشى وهو يتأمل شوارعها
بعد ساعه بالضبط وقف قدام بيت ابو عزام
نزل من السياره والتفت لصاحب التكسي: انتظرني مابطول
وقف عند الباب ودق الجرس مره ومرتين وثلاث لين سمع صوتها جايه سمع صوتها وهو متلهف عليها متلهف وججدًا:مين؟
ماهر تنحنح : انا
استغربت الصوت: معليش بس مين انت؟
ماهر استغرب انها ماعرفته: انا ماهر
وتين انقلب لونها وكأنه احد صفقها على وجهها كانت ساكته ولا هي قادره تتكلم كمل : وتين ماعرفتيني افتحي الباب
وتين تذكرت كل شي صار لها والغصه بقلبها راحت تركض عن الباب ودخلت داخل واجهها وِسام :شفيك وتين؟
وتين ماردت عليه وكانت تركض لفوق وراحت لغرفتها وسكرت الباب بقوه وِسام خاف عليها وفزّ على صوت الجرس وطلع وفتح الباب وشاف قدامه الشي اللي ماكان متمني يشوفه : نععمم خيييير
ماهر ابتسم على جنب: كذا تستقبلون ضيوفكم اللي جايين من السفر؟
وِسام عصب ودفه عن الباب :تخسي ما انت ضيفنا والله لا يحيك
ماهر عصب : احترم نفسسك وغصبًا عليك ضيفك وخطيب اختك
وِسام : تخسي ولا يخسى الا انت وان كانك رجال وقف لين يجي عزام ويعلمك الحق صح
ماهر: على اساس خايف منك انت والزلابه اخوك ولا ابوك كلكم تخسون ونشوف خله يجي
وِسام ابتسم: والله الزلابه انت وشرواك ولا لو انك رجال وشنب ماحجزت اول تذكره ورحت ولا عاد شفنا وجهك لو انك رجال واجهتنا يارخمه
سكر الباب بوجهه ولا سمع رده ماهر انقهر من كلامه وحلف مايعديها على خير ركب التكسي وراح لبيتهم
-
بحائل
وصلوا ونزلوا الأغراض والتفت مُلهم على الشخص اللي جاي ناحيته ابتسم وهم من زمان عنه سكر باب السيارة ونزل يرحب فيه : هلا هلا والله بالقاطع
فهد ابتسم: هلابك ياعشيري والله وينك انت القاطع رحت جده ونسيتنا
مُلهم: والله مانسيتك بس صارت لي مشاكل يوووو وانا اخوك
فهد : عسى ماشر
مُلهم فتح باب بيتهم: تفضل وخلنا نتقهوى ونسولف رأسي مصدع
دخلوا وجلسوا بالمجلس وطلب من خواته يسوون لهم قهوه وشاهي
فهد: اسلم وش صاير
مُلهم وهو يصب القهوة : والله سوالف كثير اختي طاحت ووديناها المستشفى وصارت أشياء
فهد : عسى ماشر وشلونه الحين؟
مُلهم: الشر مايجيك بخير الحمدلله مُجرد هبوط بالضغط
فهد: الحمدلله على سلامته يارب
مُلهم: الله يسلمك انت شلونك وش اخبارك
فهد: ابد والله على حطت يدك ماصار به شيٍ جديد
رفع رأسه لمُلهم وكمل: ملكتك بكره ولا ناسي؟
مُلهم تلعثم وهو ماوده يبين شي لفهد ولا وده يقول له شي يحب فهد كثير ويخاف يضيق خلقه: شدعوه أنسى ماني خبل يااخوي
ضحك فهد: مدري حسيت
مُلهم ابتسم وبداخله مليون سؤال وحيره وأفكار
فهد : اقول لك بسألك
مُلهم: سّم
فهد بتوتر وهو يحك رأسه: ثامر عنده خوات صح؟
مُلهم رفع حاجبه: وانا شدراني
فهد سكت وكمل مُلهم: ليكون
فهد قاطعه : لا لا لا تفكر فيني بالشينه ياخي
مُلهم عدل جلست وصب له قهوة: دام السالفه فيها ياخي تكلم شفيك
فهد قال له كل شي صار معه من لما راح بيقول لهم عن ثامر لين اخر موقف صار بينه وبين فَلك
مُلهم ضحك: اخصصص والله وطلعت حبيب 
فهد : مُلهم وعمى ماقلت لك عشان تضحك
مُلهم : شدعوه فرحان لك
فهد : مالت عليك وعلى فرحتك بروح انا
مُلهم زاد ضحك: وين رايح تعال
فهد طلع من عنده وهو يضحك لان مُلهم احرجه وكثير
مُلهم اللي انسدح وسكر باب المجلس ونام لانه فعلًا تعبان من الطريق وجدًا
-
جده
بالكوفي جالسه تشرب قهوتها وتحضر مشروع جامعي وتذاكر للاختبارات وكانت عيونها بين الابتوب والورق التفت على جوالها اللي يدق وشافتها وتين ردت على طول:هلا والله وتين
وتين: اهلًا فيك ورد تقدري تجيني البيت؟
ورد: شفيك ايش صاير؟
وتين: تقدرين ولا لا ابيك بموضوع
ورد : تمام بدق على امي واقول لها واشوف وارد لك
وتين: تمام انتظر ردك
قفلت من وتين ودقت على امها على طول وبعد دقيقه ردت عليها : الو ماما
سُلاف :هلا
ورد: بروح لصديقتي مُمكن؟
سُلاف عقدت حواجبها: مين هي ؟
ورد : وتين اللي قد قلت لك عنها تكفين ماما تو دقت علي قالت تعالي البيت ومنها نبي نسوي مشروع الجامعة مع بعض ونذاكر
سُلاف : قلتي لاابوك؟
ورد ضحكت: اعتقد قلت لك عشان تتكفلي بالموضوع بابا صعب اقنعه تكفين لا ترفضين
سُلاف ابتسمت: تمام روحي وانتبهي لنفسك الساعه 9 وانتي عندي
ورد انبسطت : ابشري ابشري
سكرت الجوال ورتبت أغراضها واخذت قهوتها وحاسبت وقامت بحماس بتطلع من الكوفي ومن الطرف الثاني دخل شخص وضربت فيه وانكبت القهوة على عبايتها والابتوب شهقت بقوه وهو نزل الخوذه وهو مفجوع ماانتبه لها وهي كانت جايه بسرعه ناحية الباب: اسف اختي ماكان قصدي
ورد عصبت :وش يفيدك أسفك ووين اصرفه!! تشوف ان القهوة انكبت على الابتوب بعقلك انت كل شغلي فيييه ماتشوف ولابس لي خوذه بالكوفي غبي انت غبي
ذيّاب تأفف منها: اول شي مايمدي اقول بسم الله وانتي جايه تركضين حتى مايمدي انزلها الناس الراقيه تمشي بخفيف مو كأنها نهاية الدنيا ومعليه الابتوب مو كثير عليه مااعتقد بخرب من نقطة قهوة الا اذا انتي ماتتعاملين الا بالرخيص ما ادري
انقهرت ورد من كلامه وكبت باقي القهوة بوجهه: عشان تحترم الناس مره ثانية ياعديم التربية
تركته وطلعت من الكوفي وهو واقف مكانه مصدوم من حركتها وانقهر بشكل كبير رجع لبس الخوذه ولحق سيارتها....
-
تعريف بسيط عائلة ورد
-
~ابو فهد~ عِنان انسان طيب وحبوب جدًا ولكن صارم وقوي وعصبي بعض الأحيان ويحب عياله وزوجته بشكل مو طبيعي وكبروا على هالحب اللي بين امهم وابوهم عمره "55" يشتغل ضابط
~ام فهد~ سُلاف انسانه طيبه وتحب عيالها كثير بس اكثر شي البنات خريجة تصميم أزياء ولكن ماتشتغل ولا تحب تسوي ازياء لبناتها بس وتحب الشغل لحالها عمرها "34"
-
-
~فهد~ اكبر عيالهم يشبه شخصية ابوه وجدًا صارم وقوي وياخذ من اطباع ابوه وجده فهد كثير بحكم انه اكبر العيال كل الشبهه فيه يرجع لاابوه وجده فهد عمره"24" يشتغل عسكري
~عزام~ توأم هو وفهد بس عكس فهد بكل شي بالشخصية والاسلوب والتعامل عزام انسان حبوب ومزوح كثير ويحب يضحك ويحب المزح ولا ياخذ الأشياء بجديه وياخذ راحته بشكل كبير عمره "24" مايشتغل ويكمل دراسته
~ياسمين~ اكبر البنات واول فرحة لهم بعد العيال والكل يحبها وتشبه شخصية امها حبوب وتحب الضحك وماتحب تطلع وتروح وتجي واغلب وقتها بالبيت عمرها 22 متخرجه من الجامعه
~ورد~ اصغر البنات واخر العنقود وأحلاهم اللي صدق اخذت حلاوة امها كلها وشخصيتها حلوه تشبه شخصية عزام كثير تحب الضحك والمزح وتكرهه اللي يستفزها او يقهرها عمرها " 19 " تدرس اول سنه جامعة
-
بيت ابو عزام
اللي جالسه بغرفتها وضايق خلقها بعد اللي صار وهي تفكر وش بيصير وواضح ان جيّت ماهر ماهي خير ابد وتخاف يرجع ويحاول ياخذها وهي كل مافيها ماهو مع ماهر ابد التفت على رسالة وصلتها بجوالها من رقم ولكن تعرف هالرقم زين تعرف كم مره كلمته وكم مره نامت على صوته وكم مره كتبت فيه زعلت على نفسها لانها تاركهه الكتابة من فترة لانها تذكرها فيه لكن حلفت انها تجدد ذكرى هالكتابة وتفكر كيف ممكن تجددها رمت جوالها بعيد عنها لما شافت الرسالة وكانت أشبهه بشي بشع تشوفه وتين وكانت محتوى الرسالة
-
يانجمةُ في سمائي
ويا زهرةُ فِي صَحرائي
وياكوكبُ في مجرتِي
ويا قمرًا أنارَ حياتي
أنا قُلت أنني سوف أعود إليك
وأنا ألان أمام شُباكِ الجميل
-
كانت خايفه تقوم تطّل مع الشباك ويكون فعلًا موجود كرهته وكرهت اليوم اللي حبته فيه وكرهت نفسها لانها حابته تدعي ان ورد توصل بسرعه عشان لا تبقى لحالها
فعلًا بعد نص ساعة وصلت ورد ودلتها الخدامه على غرفة وتين دقت الباب وجت وتين وفتحت وسلمت عليها ودخلتها والتفت للخدامه وقالت لها تسوي قهوة وتجيبها هي والحلا فوق الغرفه دخلت وتين ودخلت معها ورد وجلسوا يسولفون
ورد : وين شفيك وجهك مو تمام
وتين: والله فيني اشياء مو شي ياورد
ورد : بسم الله عليك قولي ايش صاير
وتين دخلت القهوة بعد ماجت وصارت تقهوي ورد وقالت لها كل شي من يوم الملكة ولما تركها وراح وجاها مُلهم لين يوم رجعته لسعوديه ورسالته لها: شوفي رسالته حقير حقييير
ورد:وربي مره يقهر كيف ساكته لع قولي لابوك او عزام دامه يخاف منه
وتين: مدري ماودي بالمشاكل الصدق
ورد: بنت ذي مافيها مشاكل ولا شي ذي اشياء مهمه واحس لو ماعرفوا راح يعصبون عليك ف احسن تعلمينهم اول بأول عشان لو حصل حاجة يكونون يعرفون
وتين: ان شاءالله بكلم عزام اذا رجع
ورد : الا صح ماقلت لك صارت معي سالفه يووو مع واحد غبي بكل ماتعنيه الكلمة
وتين ابتسمت: ليش ايش صاير؟
قالت لها السالفه كامله: غبي غبي ياربي وش ذا الناس اللي اقابلها وتعكر مزاجي اسبوع قدام
وتين ضحكت: ان شاءالله تتلاقون كثير ويحبك ويتزوجك
ورد صربتها مع كتفها: وتين اسكتي دام النفس طيبه عليك اصلًا تخيلي طلع يلحقني غير ضيعته وجيتك 
وتين التفت لجوالها اللي يدق وشافتها وجد: هلا حبي اشتقت لك
ابتسمت وجد: هلا فيك اسمعي انا جايه افتحي لي الباب
وتين استغربت نبرة صوتها: ليش صاير شي ؟
وجد :شفيك يعني ما ازوركم الا يكون صاير شي تعبانه من تنظيف البيت والتعزيل وبرتاح سوي عندكم
وتين: لا والله شدعوه حياك البيت بيتك ياحبيبتي
سكرت الجوال والتفت لورد: اختي المتزوجه جت بعرفكم على بعض
ورد : الله وجد اكثر وحده متحمسه اتعرف عليها على كثر ماتكلمتي لي عنها
وتين معليك باقي بعرفك على العايلة كلها وبعرفك على عايلة يووو عسل لو تعرفينهم بس اصبري علي
ضحكت ورد: ابد انا معك
-
عند مُهاب ووجد بالسيارة
ابتسم وهو يمد القهوة عليها اللي شراها لها: روقي قبل تروحين لااهلتس
وجد ببرود: شكرًا
مُهاب: العفو بس بسألتس بتطولين عندهم؟
وجد :ليه عندك شي
مُهاب: لا بس ما احب اجلس بالبيت لحالي ودي بتس قدامي
وجد: اعتقد جلستك لحالك افضل بكثير من انها تكون معي بالنسبة لك
مُهاب:والله انتس كذبتي ماقد حسستتس اني ماابي اجلس معتس ولا ابي جلستس
وجد : اوكِ
مُهاب وهو يناظر ساعته: شوفي الحين 7 يعني 9 او 10 بجي اخذتس
وجد :لا تجي قبل ارسل
مُهاب: يصير خير
وجد مسكت الباب بتنزل ومسكها مُهاب ولفت وجهها له ومسك فكها وقربها له وطبع قُبله على شفتّها يسترجع فيها طاقته وهو يعلن بداخله انهزامه الكبير قدامها ماقدر يقاوم حلاوتها وكيف هي كاشخه وبزياه لااهلها
وجد كانت مصدومه من اللي سواه مُهاب حمر وجهها وزاد الحر حولها التفت بحرج وهي نست اصلًا انها بتنزل ضحك مُهاب بكل صوته وهو يشوفها تنزل : انتبهي لنفستس
دخلت وهي تحس بشعور غريب شعور اول مره يجتاح قلبها سندت نفسها على الباب وتنهدت بكل حب وشافت وتين جايه لها وتضحك: ياعيني صرنا نشتاق اول ماننزل
ضحكت وضربت كتفها وسلمت عليها: بلا حركات بزران بس صار معي شي وصرت كذا معليش اصبري شوي ويروح المفعول
وتين ضحكت: كلنا ندري وش هالشي الشي اللي مسح نص روجك
شهقت وجد : صادقه
فتحت شنطتها ووقفت عند المرايا تعدل روجها وشكلها:مين عندك؟
وتين: صديقتي تعالي بعرفك عليها
وفعلًا طلعوا فوق وتعرفوا على بعض واخذتهم السوالف
-
صباح اليوم الثاني
10:30
صحى وهو يفكر بكل شي بيصير اليوم اليوم ملكته ولا قدر يسوي شي يوفقها ولا قدر يتحرك يحس نفسه مربوط من كل النواحي يدعي لو تدعي هالليله على خير وترفض عذّوب وتفكه من الهم اللي هو فيه قام وتروش ولبس وطلع وشاف امه وخواته يفطرون جلس بيفطر معهم التفت على صوت اثير :صباح الخير مُلهم
مُلهم ابتسم بضيق : صباح النور
اثير لاحظت ضيقه وكلهم لاحظوا : مُلهم ثامر ينتظرك بالمجلس روح افطر معه
قام من عندهم وراح بدون اي كلمة زيادة ووهَج عرفت كل شي وانه ماقدر يوقف الملكة ابدًا وهَج وقفت والتفت لاامها:يمه عادي اروح لعذّوب
ام مُلهم : بنروح شوي كلنا تروحين مع هالصبح ليه؟
وهّج: عادي بروح اساعدها يمكن تحتاج شي ولا شي وبرجع
ام مُلهم:طيب خلي مُلهم يوديتس لا تروحين لحالتس
وهَج : زين بروح البس اذا طلع مُلهم قولي له لا يروح
طلع مُلهم وجنبه وهَج وهو ساكت وهادي ولا تكلم ابد ووهَج حاسه بالي فيه وتدعي انها تسوي الصح ولا تسوي الغلط
دخلت بيت ابو فهد وشافت ام فهد جالسه بالصالة لحالها تقدمت وسلمت على رأسها:السلام عليكم
ام فهد ابتسمت: هلا والله عليكم السلام يابنتي شلونتس وشلون امتظ وخواتتس
وهَج: والله الحمدلله كلنا بخير انتي شلونتس شلون البنات
ام فهد: والله الحمدلله كلنا طيبين يابنتي تبين شي؟
وهَج: اي والله ابي عذّوب وينها
ام فهد : عذّوب فوق بغرفتها ليه عسى ماصاير شي
وهَج: لاابد تطمني بس قلت بجي اشوفها واساعدها
ام فهد : اي زين يابنتي الله يعطيك العافية
طلعت وهَج لعذّوب فوق وشافها جالسه ومتملله ولا جهزت شي وكأنه اليوم ملكتها
فزّت اول ماشافتها: هلا وهَج
وهَج ابتسمت وسلمت: هلابتس يعيني. شلونتس؟
عذّوب : بخير الحمدلله انتي شلونتس
وهَج: والله الحمدلله تمام مااشوفتس جهزتي شي ليه ؟
عذّوب وهي كانت بتموت لو ماتكلمت: ماابي هالشي يتم
وهَج انصدمت: ايشش!!
عذّوب: اسفه ادري اخوتس وتحبينه والله مو نقص فيه بس انا ماابي تكفين وهَج والله ماابي
وهّج : لا تتأسفين حبيبتي انا اصلًا جايه اقول لتس ارفضي والحمدلله انتظ ممن الاساس ماتبينه لان كلكم ماتبون بعض
عذّوب : وش اسوي؟
وهَج: كلمي فهد انا متأكده ماراح يردتس ولا بيقول لتس شي قولي ماابيه مو مرتاحه اي عذر ارفضي انتي
عذّوب: وليس هو مايرفض؟
وهَج: عذّوب هوب حبيبتي افتحي عقلتس شوي لو هو رفض بيقولون فيتس العيب بس اذا انتي رفضتي مُلهم مابيصير عليه شي
عذّوب وكأنها نست هالنقطة: اي والله راحت عن بالي شكرًا مره وهَج
وهَج: مابيننا شكر ياقلبي بس حاولي تسوين هالشي
عذّوب :الحين يجي فهد وبكلمه
وهَج قامت: زين يلا استأذن تبين شي
عدّوب: سلامتتس
طلعت وهَج ورجعت للبيت ومُلهم كان ينتظرها برا وللآن الصمت سيد الموقف ولا تكلم ابد ابد بس يهوجس وباله ماهو معها
-
ببيت مُهاب ووجد
وافقه فوق الكرسي ترتب أغراضها بالدولاب اللي فوق وكانت مبسوطه وتغني مع نفسها ومروقه من الصباح وشعور شروق الصباح وحلاوة الهدوء تحبه جدًا
دخل مفاتيحه بالباب وفتح الباب ودخل وارتفع صوته يناديها
التفت بتشوفه والتوت رجلها وماوصل مُهاب لها الا صوت صوختها اللي ملّت البيت كله ركض لها ورمى الأغراض بالأرض وراح لها :بسم الله عليتس شفييييتس شلون طحتي
أشرت على الكرسي وهي تبكي تأفف بضيق وحط يديه تحتها وشالها لبسها عبايتها وطلع فيها ركبها السيارة ورا وركب وتوجهه لمستشفى: الله يهديتس ياوجد شلون تركبين فوق الكرسي
وجد ببكاء صامت عصبت:كله منك لو ماناديتني كذا بقوه ماكنت فزّيت لك
ابتسم بخفه وهي صايره تقول كلام بدون ماتنتبه له:طيب الحين نروح المستشفى ونشوف وش بها
وجد: اسرع بالله لا تطول يوجعننييييي
مُهاب: استهدي بالله الحين نوصل ان شاءالله
-
حائل
يوم ملكة مُلهم صحى من النوم وهو تعبان نزل رأسه وحط يديه على عيونه
يستوعب كل شي يصير تأفف بضيق وقام للحمام "تكرمون"يتروش
-
بيت ابو فهد
دخل فهد وهو يشوف عذّوب تفطر تقدم وسلم وجلس قدامها وصار يفطر معها وهو حاس انها من بداية اليوم ماهي على بعضها ولا كأن ملكتها اليوم تنحنح:وش بتس؟
عذّوب بضيق:مافيني شي
فهد عارف ان فيها شي بس ماتبي تقول: عذّوبي تكلمي وش بتس
عذّوب نزلت دمعتها على خدها: م ابي مُلهم
فهد انصدم: وش السبب؟
عذّوب: انا من اول م ابيه بس امي غصبتني عليه ولا حتى موافقه ماهي مني كله ضغط من امي تكفى يافهد
فهد فزّ ومسك كتوفها: ابشري بي لا تشيلين هم ماله نصيب عندنا والله يوفقه بطريقه
عذّوب ابتسمت: صدق!!
فهد : اي والله صادق ومين مُلهم عند اوخيتي
عذّوب حضنته: الله يخليك لي
فهد : ويخليتس يلا روحي ارتاحي مابه ملكة اليوم
جت ام فهد على كلمة فهد الأخيرة:نععممم!!! وشو مافيه ملكة اليوم ليييه!!
فهد ببرود: ماله نصيب عندنا
ام فهد : وليييه ماله نصيب وش ناقص مُلهم يوم ماتاخذه وكل بنات حايل يتمنونه والأخت بكل بساطة ماتبيه
عذّوب : اي م ابيه مو شرط اذا البنات يبونه اصير انا ابيه
فهد : يمه هدي نفستس مُلهم ماياخذ عذّوب وانهي الموضوع تكفين
طلع فهد وعذّوب راحت غرفتها واهم فهد منقهره جدًا من تصرف عذّوب
-
جده
بيت ابو عزام
واقف عند الباب وهو مفكر يرجعها بالطيب ولا بالغصب ولو بدق الخشوم وحتى لو وصلت للخطف....
دق الجرس ولا لقى الجواب وبعد عدة مرات من الدق فتح الباب :السلام عليكم
غيث: عليكم السلام ورديت لانه واجب غيره توكل مالك حتى السلام عندنا
ماهر دف الباب بيده ودخل الحوش بالغصب
وصرخ بصوت عالي: ماراح أطلع من هنا الا ووتين معي غيره ماني طالع وأعلى مابخيلكم اركبوه وتين ابيها يعني ابيها
دفه غيث على الجدار: تخسي وانا ولد ابوي وينك عنها اول ولا الحين بس بغيتها تخسي ويخسون امثالك
ماهر: غصبًا عليك باخذها رضيت ولا انرضيت
طلعت وتين من البلكونه وهي تسمع صراخهم وشافت كل شي وسمعت كل شي وصرخت بقوه: والله لو تموت ياماهر م اخذتني انا م ابغاك اكرهك ابعد عني واتركنيييي
ماهر التفت جهة الصوت وشافها ابتسم: والله لااخذك
وتين: ماهو على كيفك يابابا تخسى تاخذني انا احب مُلهم ولا ابيك ياغبي
ماهر عقد حواجبه وانصدم من الجواب ولا هو اقل من صدمة غيث:تخسين انتي ومُلهم حقك ذا باخذك باخذك طالت الدنيا ولا قصرت والله لو انذبح بسبب اني اخذتك غصب والله لو اخذ روحك ياوتين
وتين خافت من كلامه وتهديده ورجعت وعلو طول راحت لغرفة عزام اللي نايم ودقت الباب وصلها صوت عزام :ادخلي
دخلت وهي تشوفه متروش ولابس وقدام المرايا: عزام الحق
عزام خاف:شفيك
وتين: الزفت ماهر برا بالحوش وعند غيث ويتهاوشون
عزام تأفف بضيق وهو اعصابة انتلفت بسبب هالماهر تعداها ونزل لهم ..
-
المستشفى
عند مُهاب ووجد
انسدحت على السرير والدكتوره تكشف على الإشاعة اللي سوتها لها وهو واقف عندها ويده على شعرها وقفت الدكتوره وتقدمت لهم: هاه يادكتوره بشري؟
الدكتوره: تطمنوا مو شي كبير مجرد كسر وخفيف بعد بي لازم ترتاح ولا تمشي عليها الا اذا اضطرت مثل للحمام"تكرمون"
مُهاب مسك يدها وشد عليها: ابشري يادكتوره معليك بتنتبه لها
الدكتوره: حضرتك زواجها؟
وجد شدت على يده وتكلمت قبله: اي زوجي
الدكتوره ابتسمت: ماشاءالله مو باين
وجد التفت لمُهاب: بنروح يلا
مُهاب ابتسم مبسوط على غيرتها الواضحه: انتظري بجيب كرسي على ماتمشين على رجلك
راح وجاب ووقف قدامها وفتحت يدينها له وحضنها وحطت يديها ورا ورقبته وشالها وحطها بالكرسي وعدلت حجابها وطلعوا من المستشفى ووقف عند السيارة وفتح الباب وشالها وتواجهه وجهه بوجهها وشاف تفاصيل وجهها وشعر رموشها وكثافة حواجبها ابتسم وركبها لسيارة ورجع الكرسي وركب ومشوا من المستشفى التفت لها :شوفي من اليوم ترا فيه قوانين لو اشوفتس شايله عود واحد والله والله والله ياوجد بزعل عليتس ما امزح ترا
وجد :ناسي ان بعد بكره اول ايام الدراسة؟
مُهاب: وطز بالدراسة عند سلامتتس ان شاءالله اذا فكيتيه وطابت رجلتس رحتي غيره لا تناقشيني
وجد بزعل :مُهاببب
ابتسم مُهاب والتفت لها :ياعيون مُهاب لبيه ياحلو اسمي منتس
ابتسم وجد بخفه ورجعت لوضعها الطبيعي:بس راح نبدأ اختبارات م اقدر م اداوم
مُهاب مسك خدها: يابنت اتركي هالامور علي انا احلها
وجد: وش تحلها مُهاب اختبارات نهائية
مُهاب : نهائي بكذا بتكونين خريجة ؟؟؟
وجد نست نفسها معه : طبعًا ياحبيبي وبكون أحلى خريجة
التسم وهو عارف كلمة حبيبي طلعت منها بشكل عفوي :وأحلى خريجة اي والله ماكذبتي خلاص اجل انا بوديك وبجيبك وانا بدخلك عند باب المدرسة ووتفقين مع وحده من صديقاتك هي تنتبه لك داخل
وجد عقدت حواجبها: لا والله شرايك تدخل معي بعد
مُهاب ضحك: ودي والله بس مافيه شي بيدي
وجد شافته يوقف عند الصيدلية: وش تبي منها ماعطتنا علاجات؟
مُهاب: ادري واصلًا الدكتوره ذي غسلت يدي منها ف بجيب لك مسكن للأحتياط وبجيب كرسي
وجد انصدمت: مُهاب ليش كرسي مايحتاج
مسك خشمها بمزح: لا يحتاج يابزر لا تقروشيني
نزل وجاب الأغراض ورجع ركب وشافها ملتفته عنه حتى لما ركب ماشافته : شفيها الحلوه زعلانه
وجد بنبرة بُكاء: مافيني شي
مُهاب: ايوه بدت النفسية تشتغل
وجد: لا تقول عني بزر ياكريه
ضحك مُهاب: مزعلك كلمة بزر؟ خلاص ياكبيره ولا يهمك احلى كبيره بالعالم واحلى زوجه
وجد: بكم شريت الكرسي؟
مُهاب: بحدود الـ400 ليش؟
وجد :غالييييي
مُهاب ابتسم: الغالي يرخص ام امه لك
ضحكت وجد : وش هالغزل اللي كأنه سب
مُهاب: فعلًا انا اسب الكرسي
وجد: مجنون صدق
مُهاب مسك يدها وباس اصابعها: مجنون فيك يا لُغتي
وجد عقدت حواجبها: لُغتي؟
مُهاب: اي انتي زي اهمية اللغة العربية بحياتي هل انا اقدر اعيش بدون لُغتي الأم؟ لا صح خلاص نفسك عشان كذا أسميك لُغتي
وجد ابتسمت: الله اسم لطيف وحلووو
مُهاب: صدقيني صدقييني ماهو أحلى منتس
التفتوا على صوت المطر اللي يضرب القزاز ابتسمت وجد:الله مطططرر
مُهاب: امطرت الدنيا وقلبي فرحان
وجد مسكت يده بشكل عفوي : طلعت حتى انت تحب المطر
مُهاب ابتسم بخفه: لا م احب المطر انا احبتس انتي بس...
-
حائل
فتح الباب وشاف فهد قدامه وسلم عليه وواضح وجهه مو على بعضه وفيه شي دخلوا للمجلس وجلس يقهوي فهد وهو حاس فيه شي: فهد وش بك ياولد!
فهد ابتسم: مابي شين بس بقول لك حاجة
مُلهم: تكلم ياخي وترتني وجهك من مشوين مو على بعضه
فهد شد على الفنجال: م ابيك تزعل مني وانت اخوي وعزيز على قلبي وتدري ان مابه احد اغليه كثرك بس
مُلهم: بس وشو تكلم
فهد: مالك نصيب عندنا والله اختي ماوده يامُلهم وامي طلعت هي غاصبتها واليوم تبكي قدامي على الفطور تقول ماودها بهالزواج
ابتسم مُلهم : مادام اختك ماودها والله مايصير شي غصبًا عليها تراها غلاها من غلا خواتي ما ارضى عليها الشينه وخلاص ابد قول لها تنام مرتاحه
فهد: يعني انت مازعلت مني ؟
مُلهم ضحك وهو وده يقول بقلبه انت خلصتني من شي خايف انت تزعل مني فيه: افا ياولد افا بس والله ماازعل لا منك ولا منها انت اخوي اللي ماجابته امي ياخسيس كيف ازعل على اخوي
ضحك فهد : الله يسعدك ريحتني

السلام علييييكممممم وحشششتوننيييي❤️❤️❤️❤️❤️❤️❤️❤️❤️
اخباركم وكل عام وانتم بخييييرر
وحابه اقول لكم بعد ان صار لنا سنه مع بعضضض يارب عقبال كل السنين وانتم معي🥹🥹
اسفه على التأخير بس اعذروني عارفين عجاجة العيد وتعبها توي اصحى على نفسي
وربي مره وحششتوني وعلى فكرة انزل بالانستا اكثر من هنا تعالوا هناك "rwiiai1"
يلا ابي تفاعل حلو لان فيه بارت ححلللووو زيكم وعلى فكرة"تفاعلكم هو يحدد الاستمرارية او الانقطاع"🫶🏻🫶🏻