كيف أتوبك يأجمل ذنوبي وأوقف عند حدي وأنت ذنبٍ لا غفره الله ولا لي عنه توبه

البارت الرابع

-
صباح اليوم الأول لوتين ببيت اهل مُلهم
10:10ص
الكل صاحي وجالسين على الفطور بالحوش بالجو الحلو والكل لابس ثقيل وملتمين حول الفطور التفت مُلهم يتفقد وتين: اقول وتين وينها؟
بيسان غمزت له بدون لااحد ينتبه: نايمه
فتح عيونه بذهول من حركتها وقام من الفطور: الحمدلله
ام مُلهم: وين رايح؟
مُلهم: ابد يمه طالع لاابوي بالمحل
ام مُلهم: سمعت ابوك يقول يبي يبيع المحل
مُلهم: اي قال لي وش نسوي لازم يبيعه لاننا بنروح جده
أثير: متى بنمشي؟
التفت عليها ولا رد وكملت: انت شفيك تطنشني
مُلهم: متى ماتعدل اسلوبتس مع الكل
قام من بينهم وراح يغسل يديه وصار يعدل لثمته ويحطها تحت فمه وصار يمشط شاربه والتفت على صوت باب الغرفه اللي فتح وشافها بلبسها وشعرها المفتوح وواضح توها صاحيه من النوم وكانت تكح والواضح دخلها برد رفعت رأسها وشافته وفزّ والتفت عنها وحط يده على عيونه مو مصدق اللي شافه: يابنت استرتي قبل تطلعين
رجعت على طول للغرفه وصارت تكلمه من ورا الباب: والله اسفه ماكان قصدي توقعت محد فيه وبعدين ايش فيكم تصحىا الصباح توقعت محد صاحي وبعدين رايحه دورة المياه  تكرمون" وراجعه ماحروح بعيد عشان كذا مالبست اسفه
مُلهم: معليه حصل خير البسي واطلعي اهلي بالحوش
لبست وتحجبت وطلعت له: ليش تصحوا تونا الساعه 10
مُلهم وهو ملتفت عنها : ذي عاداتنا مافيه نوم بعد الفجر
وتين رفعت حاجبها بصدمه: الحمدلله ماني بينتكم
رفع يده وصار يحك حاجبه: ماتدرين وش ربي يحطتس بوه يمكن تتزوجين لتس شمالي
وتين: لا ماابي اتزوج من هنا ابي من جده 
مُلهم انتلثت اعصابه من كلمتها والسبب مجهول: طيب مو كأنتس تقرقين واجد توكلي لااهلي برا
وتين استغربت عصبيته اللي جت فجأة: طيب اشبك عصبت ابي دورة المياه
بعد عنها وكان يقلدها بعصبيه: تفضلي لدورة المياه اخت وتين
تركها ومشى وهي بمكانها مستغربه سبب عصبيته
-
عائلة أبو عزام
وصلهم بلاغ من الشرطة بأنهم مالقوا لوتين أثر بالبر ولا حول مكانهم ولا بأي مكان ممكن تكون متواجده فيه
الضابط:والله ياطويل العمر مالقينا لها أثر ابد
ابو عزام:مايصير يافهد لازم لازم تلقاها
الضابط : ابشر اول مايوصلنا بلاغ نقول لك
ابو عزام: طيب بس حاول قبل الليل
الضابط: ان شاءالله مايصير خاطرك الا طيب ياطويل العمر
سكر الجوال والتفت لعزام: بّشر يبه
ابو عزام: والله على هالحال مافيه شي جديد
عزام: ماعليه ان شاءالله يلقونها طمن قلبك
ابو عزام: ان شاء الله يارب
-
حايل
بين عائلة ابو مُلهم
1:12م
دخل البيت وهو تعبان نزل شماغه وهو انهلك من وضعه ينتظر بس وقت بداية الوظيفه حاله اتعبه جدًا وكونه رجال البيت بعد ابوه ولازم يصرف عليهم كلهم وهو مايلقى شي له ياكله دخل وتأفف ومر من عند غرفة البنات وسمع صوتهم مع وتين وعرف لو خلاها زيادة بيبتلش فيها وفوق ماان وضعهم بادي يصعب زيادة زادت وصارت عدد زيادة بالعائلة دق الباب وطلعت بيسان:سّم مُلهم؟
فزّت يوم سمعت اسمه وبان هالشي عليها والتوتر والاحمرار اللي ملى وجهها ابتسمت وهَج: شفيتس ارتبكتي يوم سمعتي اسم اخوي؟
وتين: لا شدعوه ماارتبكت عادي
وهَج ابتسمت وصدت عنها اما عند مُلهم وبيسان ابتلش كيف يقول لها : اسمعي قولي لوتين تجهز واجهزي بنوديها لااهلها بجده
بيسان  : لا تكفى مُلهمي خلها انبسطنا معها مره
مُلهم أبتسم وحضن رأسها على صدره: يروح مُلهمتس والله مااقدر بنت الناس واكيد يدورون عليها معليه اذا سكنا بجده اوعدتس كل شوي انتي عندها وهي عندتس تمام
بيسان ابتسمت: تمام
مُلهم: يلا روحي اجهزي وخليها تجهز بنام لي شوي والعصر نمشي
بيسان وهي تكرهه طريق السفر والروحه والرجعه: تكفى مُلهم قول لوهَج تروح معك قسم مااحب الطريق والروحه والرجعه
مُلهم: اللي يرضيتس قولي لها وقولي لوتين
بيسان : زين
راحت ودخلت عند البنات: وهَج وتين أجهزوا مُلهم بياخذكم لجده
وهَج شهقت: ليه ياخذنا ؟
بيسان ضربت رأسها بخفه: تروحون تودون وتين وترجعون
وهَج: يووو مو رايقه
بيسان: يابنت انتي تدرين مااطيق طريق السفر ومايقدر يروح مُلهم لحاله ف روحي
وهَج: متى يمشي؟
بيسان: يقول العصر
وتين: ياربي بنات وربي حبيتكم مره وماابغى اروح عنكم حتوحشوني
بيسان : يقلبي والله انتي اللي بتوحشينا وبنشتاق لتس وقلت لمُلهم خلها قال "صار تقلد طريقة كلامه"يروح مُلهمتس والله مااقدر بنت الناس واكيد يدورون عليها معليه اذا سكنا بجده اوعدتس كل شوي انتي عندها وهي عندتس تمام
ضحكوا عليها وعلى طريقة كلامها
وتين بتسأول: دقيقه بيسان ليش تنادينه مُلهمي
وهَج: لانها تموت فيه وهو يموت فيها والأغلى عنده عشان كذا
وتين: وااووو تجننونن
وهَج غمزت لها: تجننون ولا يجنن
وتين ضربتها بخفه: يحيوانه ماقصدي شي ترا
بيسان ووهَج صاروا يضحكون: اوكي اوكي بنصدق
صاروا يضحكون ويجلسون مع بعض واللي كانت اخر جلسه قبل يصحى مُلهم ويروحون....
-
بيت جديد اول مره نمرّ عليهم..
حاط مرتبته ومنسدح بالحوش وبيده كاسة الشاهي وباليد الثانية دخانه يدخن وينفثه
يتأمل الغيوم وينتظر آذان العصر رفع جواله وشاف الساعة 3:11م رجع جواله على الأرض
ومايمدي ينزله الا ودق جواله ورفع وكان "مُلهم"
رفع جواله ورد عليه : هلابك مُلهم
مُلهم وصوته مليان نوم:هلابك زود يافهد
فهد: شفيه صوتك مليان نوم
مُلهم: اي والله توي صاحي
فهد ضحك: قم قم شد حيلك رايح مكان؟
مُلهم: اي والله طالع جده
فهد: وش بتسوي؟
مُلهم: ابد معي أمانه برجعها لااهلها والوظيفه طالبين مني أوراق
فهد : تبي مخاوي؟
مُلهم: لا ابد باخذ اختي معي
فزّ فهد لوهلة حس انها حب حياتي حس انها وهَج: اي زين بس اختي تقول تبي اختك وهَج تقول خلها تجي كنت برسل لك ونسيت
مُلهم: وهَج بتروح معي قّل لها تجيها بعدين
فهد بحُب : زين زين فمان الله
رجع جواله على الأرض وطفى السجارة وشرب كاسة الشاهي ورجع انسدح وهو يتأمل الغيم ويحضن الفروه له لان الجو بارد بشكل كبير صار يتأمل السماء والحب بكل مافيه يطلع من عيونه غمض عيونه وتنهد بحب ورجع يصب له كاسة ثانية من الشاهي حط شاهيه بين شفايفه وسمع صوت الآذان شرب الكاسة وقام نزل فروه على فراشه وراح للحمام "تكرمون" خلص وطلع اخذ فروته وطلع للمسجد ويصلي ودعوته المُعتاده" يارب وهَج لي وانا لوهَج واكتب لي الوظيفه وارضي عني وارحم ابوي وطول بعمر امي "
-
4:11م
طلع المسجد وركب سيارته وصار يدق بوري لوهَج ووتين بعد دقايق طلعوا وركبت وتين ورا ووهَج قدام وتوكل على الله ومشى
وهو ماشي شاف سيارة صغيره تبيع شاهي وقف عندها والتفت لوهَج: تبون شي؟
وهَج : شاي منعنع ,وتين تبين شي؟
وتين: لا مااحبهم
وهَج: ذوقي الشاهي النعناع وربي بالرأس
وتين: مااعرف والله بس اوك ابي نفسها
ضحك بسخرية ونزل من السيارة واستغربت تصرف مُلهم معها
مسكوا الطريق والظلام بدأ يسيطر على مكانهم والعالم حولهم وماكان فيه الا نور القمر ونسمات الهوى البارده وصوت حبيب المُلهم "محمد عبدهُ" وكانت نسمات الهوى والاغنية والمكان والحبيب وبدأت يغني محمد وكأن الأغنية بقلوبهم مو بالمسمع
-
على البال كل التفاصيل على البال
واحلى التفاصيل على البال
.
والحل والترحال والنار والهيل
والقمره اللي نوّرت ليل ورا ليل
-
أبتسم مُلهم وفتح شباكه واطلق يده مع نسمات الهوى وفك لثمته وصارت النسمات تلعب بشعره وبخصلاته
.
.
.
بعد 8 ساعات وضحّت لهم أنوار مدينة جده واستقبلهم المطر الخفيف وريحة المطر الحلوه اللي يحبها مُلهم وجدًا
-
أسهر معي ليلة
وحاول تحس بلوعتي ليلة
عدّ النجوم وش كثرها
ياللي في قلبي كثرها
نام القمر في وسادتك نام
ليتك تغير عادتك
خل القمر ليلة
يسهر معي ليلة
-
مشى بأحيائها ويحس اول أحساس فيها ريحة عطر ذاك اليوم مطر ذاك اليوم وبرد ذاك اليوم والجاكيت الأسود واللثمه والعصا والبكي ووتين
بعد نص ساعة دخل حيّهم وشاف بيتهم ولوهلة بث بداخله زعل هل من الممكن ذي اخر مره يشوفها فيها؟
وصل لباب بيتهم ووقف قدام بابهم ناظر للمكان اللي نزلها فيه اول مره يشوفها فيه استغربت وهَج انه يعرف البيت بدون لا تدّله عدل المرايا وصارت على وجهها وصار يتأمله وكأنه يتأملها لااخر مره واخر لقاء واخر لمحة وأخر سرقة نظر
-
جلست أناظرك
مارف لي جفن
تقّل مسحور
وأقول إنّ الجمال أنتِ
وكَل العشق بأسبابكِ
هقيت إنّي ملكْتك
مارديت إنّ الأماني غُرور
-
لمحة وجهه وابتسمت ونزلت من السيارة نزلت وراها وهَج : تعالي تعالي
وتين: سّمي
وهَج: الله صرتي تتكلمين زينا المهم بناخذ سلفي لذكرى اخاف ماارجع اشوفتس
وتين: من غير شر ان شاءالله بشوفكم وتشوفوني ويلا نصور
وصور صوره تذكاريه بجوالها وجوال وتين وكأن مُلهم له جزء وحيز ومكان بالصوره واحمدت ربها وتين اخذت له صوره بدون لا يحس انها تبي له صوره لانها تخاف مثل مايخاف وأنه أخر لقاء....
اخذوا الصور التذكاريه وحضنوا بعض وكان الوداع النهائي لين ماقطع عليهم صوت مُلهم  اللي التفت عليهم وهم جنب بعض : وهَج
التفت له: يلا جايه
مُلهم: لا خليتس عند وتين بروح لشركة بعطيهم كم ورقه طالبينها مني واجيتس
وتين بحماس: الله اي اي خليك عندي لين مايجي
وهَج: تمام بس لا تطول
مشى مُلهم ودخلوا البنات داخل وركضت وتين وانصدمت ان مافيه احد بالبيت وصارت تنادي وتنادي وتنادي وجت الخدامة : هاي ماما وتين
وتين: اهلًا جيسي وين ماما وبابا؟
جيسي: مافيه كلهم برا
استغربت وتين وكانت تبي تتصل عليهم لكن تذكرت ان جوالها ضاع بالبر وهي تبكي وتدور اهلها تأففت والتفت لوهَج: وهَج عادي استعمل جوالك جوالي ضاع بالبر وابي اكلم اهلي
وهَج مدت جوالها: اكيد شدعوه فداتس
اخذت جوالها وحطت رقم عزام واتصلت عليه...
-
عند عائلة ابو عزام اللي داخلين مدينة جده وراجعين من حايل التفت عزام لجواله وهو يمشي ورا ابوه شافه رقم غريب رد وفكه سبيكر: الو؟
ردت بلهفة: عزاميييييي
عزام فزّ وسحب بريك فجأة: وتييين وينك يابنت تكفين وينك اجيك الحين قولي لي وينك ؟؟؟
وتين: أهدى عزامي انا بالبيت تعالوا وافهمكم السالفه
عزام انصدم كيف رجعت للبيت: طيب طيب جايين
سكر الجوال ودق على ابوه وقال له كل شي وكلهم انطلقوا لبيتهم على طول ...
-
عند وتين ووهَج
مدّت عليها جوالها: مشكوره وهَج
وهَج: يابنت مابيننا العفو
مسكت يدها: امي اوريك بيتنا والحديقة
طلعوا للحديقة ووهَج عليها عبايتها لكن منزله النقاب وحجابها على كتفها وصاروا يتمشون بالحديقة وتعلمها وتوريها البيت وأماكن اخوانها ومكان جلستهم: اسمعي خليك هنا شوي بجيب لنا عصير واجي
وهَج: تمام
دخلت وتين ووهَج جالسه والباب وراها صارت تتأمل بيتهم والحديقة وفجأة فتح الباب ووهَج بحكم انها بعيده عن الباب ماانتبهت ولا سمعت صوته وطاحت عين عزام عليها وركض لها وبدون لا تحس حضنها من ورا.....
-
مُلهم اللي خلص كل اشياء الوظيفه ورسميًا من الأسبوع الجاي بيداوم طلع وهو مبسوط بدت تنفرج عليه ابتسم وغمض وتنهد بحب رفع رأسه لسماء وينقط على وجهه هتان المطر حس انها انحلت خلاص بيلبي طلبات اهله وخواته وبيسكن بجده وقريب لها ولو قدر يأخذها بنى عليها أحلامه وياكيف الأحلام تتحقق والخراب بيننا؟؟
-
بيت عائلة ابو عزام
تجمدت مكانها وهي تحس بحضن خلفها وذي مو وتين وتين ماهي صلبة كذا وتين جسمها مو اكبر من جسم وهَج ذي مو وتين ذا ولد وقفت بسرعه والتفت له وانفاسها تتسارع ودموعها امتلت بمحاجرها هو خاف مايدري من هالبنت وتوقعها وتين لانها من ورا تشبهها ومن الخوف على وتين ماركز حطت يدها على فمها وصارت تبكي وركضت ودخلت داخل لوتين وصارت تناديها وعزام؟ عزام بمكانه متجمد ولا قدر يتحرك ولا يبرر ولا يسأل ولا يتأسف كان مركز بسؤاله "مين ذي؟ وش تسوي ببيتنا؟ وليه جالسه هنا؟ " بس شد عزام جمالها كان الموقف سريع لكن سرق لها النظرة مالفته شي بوجهها كثر الشامه اللي جنب عندها على طول وجمال عيونها اللي تجمدت كل مابعزام دخلوا باقي العائلة وجاء ابو عزام عنده: وين وتين؟؟؟
عزام تنحنح: داخل يبه داخل
ابو عزام: وانت ليه واقف هنا؟
عزام: سمعت صوت بسه هنا وجيت اشوف
ابو عزام: زين يلا مشينا
دخلوا كلهم داخل وينادون وتين
لكن وتين وينها؟
كانت بالمطبخ تواسي وهَج وعلى الموقف الغبي اللي صار لها وتتأسف لها بالنيابة عن عزام
وتين وهي حاضنه وهَج: وهَج والله ماكان يقصد وانا عارفه عزام واكيد يحسبك انا والله ماهو قصده
وهَج بخوف ويدها على قلبها: تكفين وتين وربي احس قلبي بيطلع ابي مُلهم ابيه
وتين: طيب اهدي اهدي الحين يدق مُلهـ.....
ماكلمت جُملتها الا ومُلهم متصل عليها مسكت الجوال وشافت اسمه: هاه شفتي مُلهم يدق اسكتي واهدي وكلميه
هدت وشربت مويا وردت عليه: الو
مُلهم استنكر صوتها: وهَج؟
وهَج: اي وهَج
مُلهم: طيب يلا تعالي انا برا
وهَج: تمام جايه
سكرت الجوال ولبست وطلعت هي ووتين وشافته جالس بالحديقة والواضح يفكر انتبه لها يوم طلعت وماشاف منها هالمره الا عيونها ومحاجرها الواسعه ورموشها الطويلة وشامة عيونها التفت عنه وركضت لين طلعت برا البيت ......

دلعتكم اليوم ونزلت لكم بارتين لا تقصرون معي بالتفاعل الحلو ورأيكم العسل
وتعالوا انستا انزل فيه اول بأول rwiiai1
ولا تنسون النجمة حبايبي🤍🤍🤍🤍🤍🤍