မင်းအွန်လိုင်းဖြစ်မယ့်အချိန်ကို စောင့်နေတယ်(ဘာသာပြန်)

154:ပိုင်ဆိုင်လိုစိတ်ကြီးပြီးခေါင်းမာတဲ့သူ

"ဒါဆို သူ့အဖေက ဘာမှ မပြောဘူးလား?သူကချောလဲချောတယ်အရည်အချင်းလဲရှိတယ်လေမင်းရဲ့ဆက်ဆံရေးနဲ့ ပတ်သက်ပြီး သူ့အဖေက ဘာမှမပြောဘူးလား?"

ဟဲကျင့်ရဲ့မိခင်သည် ဟဲကျင့်ရဲ့ဆက်ဆံရေးကိုပြဿနာတစ်စုံတစ်ရာဖြစ်မှာစိုးရိမ်နေခဲ့သည်။

"လွန်ခဲ့တဲ့ သုံးနှစ်လောက်က သူ့မိသားစုဆီကိုသွားလည်ဖူးတယ်ပြီးတော့ သူ့အဖေက ကျွန်တော်နဲ့အကြောင်းကိုသိထားပြီးသား သူကကျွန်တော်တို့ရဲ့ ဆက်ဆံရေးကိုအရမ်းလည်းထောက်ခံအားပေးခဲ့သေးတာ။ချင်ယွီမှာ အမေမတူတဲ့ ညီလေးနဲ့ ညီမလေးလဲရှိတယ်"

လွန်ခဲ့တဲ့သုံးနှစ်ကချင်ယွီနဲ့လမ်းခွဲခဲ့တဲ့အကြောင်းပြောတဲ့အချိန်မှာတော့သူအပြစ်ရှိစိတ်ခံစားနေရဆဲဖြစ်ကာ ချင်ယွီအဖေကိုဘယ်လိုရှင်းပြရမလဲတောင်မသိသေးပါချေ။

ဟဲကျင့်အမေက နှုတ်ခမ်းစူလိုက်ပြီး ချမ်းသာပြီး အောင်မြင်တဲ့ ယောက်ျားတွေက ဇနီးမယားကို စွန့်ပစ်ပြီး ချောမောပြီး နုပျိုတဲ့ တခြားမိန်းမနဲ့ လက်ထပ် တယ်ဆိုပြီးချက်ချင်းတွေးလိုက်လေရဲ့။သူမက နည်းနည်းလေး ညည်းညူရင်း

"ဘယ်အဖေက သားကို ဒီလိုလုပ်မှာလဲ? အမေတော့ သူ့ရဲ့မောင်နှမတွေကိုပိုဂရုစိုက်တယ်လို့ထင် တယ် အဲ့ဒါကြောင့်ချင်ယွီက အရမ်းအမှီအခိုကင်းနေတာ"

ဟဲကျင့်သည် ပြောစရာစကားမဲ့သွားရသည်။ချင်ယွီရဲ့မိသားစုကြားကလေထုကိုတွေ့ရင်ရော ဒီလိုပဲပြောဉီးမလားဆိုတာကိုသူသိချင်မိပါရဲ့။ဟဲကျင့်ကဘာမှဆက်မပြောခဲ့တော့ပေ။မိဘတွေကတော့ သူတို့ရဲ့မျက်လုံးထဲမှာကိုယ့်သားသမီးကိုအကောင်းဆုံးလို့မြင်ကြတာပဲလေ

အိမ်တွင်ကိစ္စများဖြေရှင်းပြီးနောက်တွင်တော့ ဟဲကျင့်သည် သူ၏မိဘများကို တစ်လလျှင် အနည်းဆုံးတစ်ကြိမ် အိမ်ပြန်လာမည်ဟုကတိပေးခဲ့သည်။သူသည် ပစ္စည်းတွေ ထုပ်ပိုးပြီး ထွက်သွားဖို့အသင့်ဖြစ်နေပြီပင်

သူသွားမယ့်နေ့ မနက်(၆)နာရီမှာတော့ သူ့အမေက ဈေးကိုသွားပြီး ဈေးကြီးတဲ့ပုစွန်နဲ့ ဝက်သားနက် တွေကို ရွေးဝယ်ခဲ့သည်။ သူမသည် ဟဲကျင့်အတွက်ဟင်းပွဲများစွာကို ပြုလုပ်ပေးခဲ့သည်။