ဖွဲ့စကားမဆုံးခင်ကိုကြီးကသူမလက်ကိုဆွဲကာသူ့ပေါင်ပေါ်ထိုင်စေလိုက်တာကြောင့်ရုတ်တရက်မို့ဖွဲ့အလန့်တကြားဖြစ်သွားရသည်။
ကိုကြီးကသူမအားခပ်တင်းတင်းသိုင်းဖက်ထားရင်းသူ့ကိုတစ်ချက်လေးမှမကြည့်သောဖွဲ့မျက်နှာကိုအတင်းလိုက်ကြည့်ပြီး
''ကိုကြီးကိုကြည့်ပါဦး''
ဖွဲ့ကမကြည့််။
''ကလေးငယ်''
သူမကမဖြုံ။
သူပါးကိုဖျက်ခနဲလှမ်းနမ်းမှသူမသူ့ကိုလှည့်ကြည့်ပြီး
''ဘာလုပ်တာလဲ ထမင်းစားခန်းကြီးထဲမှာ ဖေဖေတို့မြင်သွားလိမ့်မယ်''
''မြင်ပါစေပေါ့ ကလေးငယ်ကမှကိုကြီးကိုဂရုမစိုက်တာ''
''ဂရုမစိုက်တာမဟုတ်ပါဘူး''
''ဘာလဲ မနေ့ကကိစ္စကိုရှက်လို့လား''
သူပြောလိုက်မှဖွဲ့ကတစ်ခုခုကိုတွေးမိဟန်နဲ့နားဖျားလေးတွေနီရဲပြီးမျက်လွှာချသွားလေသည်။
အမှန်လည်းဖွဲ့ထိုကိစ္စအားပြန်တွေးရင်းတွေးရင်းနဲ့ပိုပိုပြီးရှက်လာတာပင်။
''ကလေးငယ်ကလည်း ဒါကလင်မယားသဘာဝပဲလေ ရှက်စရာမှမဟုတ်တာ''
ဖွဲ့ကတုံတိဘာဝေနဲ့ဘာမှပြန်မပြော။
''ကိုကြီးပြောတာကြားရဲ့လား''
''အင်း''
ကိုကြီးကသူမနားနားကပ်ကာ
''ခုနကခွာညိုမေးတုန်းက ညစာကိုထမင်းထက်ကောင်းတာစားနေတာလို့ဖြေလိုက်ရမှာ''
ဖွဲ့မျက်လုံးလေးစုံမှိတ်ကာ
''ကိုကြီး!''
ဟုဆောင့်ဆောင့်အောင့်အောင့်အော်တော့ကိုကြီးကရယ်သည်။
မှိုင်း အောက်နှုတ်ခမ်းလေးကိုက်တာသူ့အားမကျေမချမ်းကြည့်နေသောဖွဲ့ပါးလေးကိုဆွဲ၍
''ကလေးငယ်ကလည်းစိတ်ဆိုးတတ်သားပဲ''
''လူပဲ စိတ်ဆိုးတတ်တာပေါ့ ကိုကြီးကစိတ်ဆိုးအောင်လုပ်နေတာကို ဖယ် လွှတ်တော့ အသက်ရှူကြပ်လာပြီ''
![](https://img.wattpad.com/cover/366017088-288-k908410.jpg)
YOU ARE READING
တစ်ဦးတည်းသောသတို့သမီး[completed]
Romanceလူကြီးချင်းသဘောတူတာကအမြွှာညီအစ်မထဲကအကြီးမနဲ့ပေမယ့် အငယ်မလေးကိုမြင်မြင်ချင်းချစ်မိပြီးအရယူလိုက်တဲ့ကိုကြီး
Part.8
Start from the beginning