မင်းအွန်လိုင်းဖြစ်မယ့်အချိန်ကို စောင့်နေတယ်(ဘာသာပြန်)

148:အဲ့ဒါကိုထပ်ပြောလိုက်!

"မင်းရဲ့ဖိုင်ထဲမှာ ငါမထည့်ထားပေးလိုက်ဘူးလား?"

ဟဲကျင့် လန့်သွားပြီး "ရှောင်လီက ခင်များရဲ့ဖိုင်ကိုပေးတုန်းက ကျွန်တော်ဖိုင်ပဲတွေ့တာ ကျန်တာဘာမှမရှိဘူး ရှိခဲ့ရင်တောင်ကျွန်တော်လက်ခံမှာမဟုတ်ဘူး"

ဒါရိုက်တာ ရှု ၏ မျက်နှာသည် ဖြူဖျော့လာပြီးနှုတ်ခမ်းများ အနည်းငယ် တုန်လှုပ်သွားကာ

"ရှောင်ဟဲ မင်းအရမ်းတွေ ရိုးသားဖြူစင်လွန်းလို့မကောင်းဘူးဆိုတာမကြားဖူးဘူးလား?အဲ့လိုမှ
မဟုတ် မင်းမှာမိတ်ဆွေတွေသူငယ်ချင်းတွေရှိမှာမဟုတ်ဘူးဆိုတာလေ မင်းနဲ့မင်းရဲ့စရိုက်ကို ပြန်ဆန်းစစ်ဖို့ငါတော့အကြံပြုချင်တာပဲ"

ဒီစကားပြောပြီးနောက်မှာတော့ သူကဒေါသတကြီးဖြင့်ထွက်သွားတော့သည်

ဟဲကျင့် သူပြောတာကို နားမလည်ပါချေ။ တကယ်လို့ ရန်လိုတဲ့ မက်ဆေ့ချ်ကို အခုလေးတင်လက်ခံရခဲ့တာဆိုရင် သူဒါရိုက်တာရှုဒေါသထွက်တာကိုနားလည်နိုင်ပါသေးတယ် ။ဒါပေမယ့်အခုက မက်ဆေ့ချ်ကရှင်းရှင်းလင်းလင်းကြီးကို ဒီမတိုင်ခင်ပို့ထားခဲ့တာပင်။အဲ့တော့ အဲ့ဒါကဘာအကြောင်းလဲ?

ရုံးပြန်ရောက်ပြီးနောက်ဟဲကျင့်သည်သေချာအောင်လို့ရှောင်လီကိုမေးကြည့်လိုက်သေးသည်။ရှောင်လီကလက်ကိုဝှေ့ယမ်းကာဖြင့်

"မင်းဘာတွေပြောနေတာလဲ?ကျွန်တော်တော့ဘာမှမတွေ့ဘူး!"

ဟဲကျင့် တွင် စစ်ဆေးရန် စာရွက်စာတမ်းများနှင့် အစီရင်ခံစာများ အများအပြားရှိသည်။ ဒီထက်ပိုပြီး တူးဆွဖို့လည်း အစီအစဉ်မရှိချေ။ပြောရမယ်ဆို သူကမှန်ကန်တဲ့လုပ်ရပ်ကိုလုပ်ခဲ့တာပဲလေ ပြဿနာလာရှာမှာကို စိုးရိပ်စရာမရှိပါပေ။

သူ့လို ကုမ္ပဏီသေးသေးလေးတွေမှာဆို ရည်ရွယ်ချက်ဆိုးတဲ့ လူငယ်တိုင်းက အလွယ်တကူ လာဘ်ပေးလာဘ်ယူလုပ်လေ့ရှိလေသည်။ ဒါပေမယ့် ဟဲကျင့်ကတော့ မလုပ်ပါချေ။ အကယ်၍ သူသည် ပြဿနာကို စတင်ခဲ့မည်ဆိုလျှင်တစ်ဖက်လူက သူ့ကို ထိန်းချုပ်ရန် တစ်စုံတစ်ခုရှိနေမည်ဖြစ်သောကြောင့်ထိုအရာကိုရပ်တန့်ရန်ခက်သွားပါလိမ့်မည်။ ထို့အပြင် တစ်စုံတစ်ရာ မှားယွင်းသွားပါက ဟဲကျင့်သည်လည်းသူ့တာဝန်ကို သူယူရပေလိမ့်မည်။ ဒါရိုက်တာ ရှု ၏နည်းလမ်းသည် ကောင်းသည့်နည်းလမ်းမဟုတ်ပေ။သူသည် အကျိုးမြတ်ကိုရယူလိုပါက ပိုမိုကောင်းမွန်သောနည်းလမ်းကိုတွေးလို့ရပါ၏။သူ့လှည့်ကွက်က တစ်စုံတစ်ဉီးမှသိရှိသွားရန်အချိန်ကြာကြီးယူရန်မလိုအပ်ပါချေ။