استغفرالله ياربي يمه منجن النسوان كملت المكالمه واجتي يمي وحججت
ماما / ريام اسمعيني زين باجر راح يجي هشام ياخذ الموافقه من ابوج ويريد يحجي وياج شكم كلمه طلب الاذن مني واني طبعا وافقت
ريام / بس اني مااريد اتزوج لان بعدني زغيره
ماما / تتزوجين وقصبا عليج وين تلكين احسن من هشام
انهضمت كلش وحسيت روحي مخنوكه كملت شغلي وسويت عشه ونضفت المطبخ وطفيت لاضويه ورحت نمت ساعه 10 حسيت احد يكعد بيه كعدت واني افرك بعيوني واسمع هوسه بره بابا كعدني وطلع كال تعاي وراي لان صابين الريوك كمت سبحت وبدلت ورفعت شعري سويته كبايه وتعطرت ورحت حته اتريك
صباح الخير
الكل / صباح النور
بابا / تعاي بنيتي اكعدي يمي
كعدت يمه وباسني من راسي
ريام / بابا حبيبي اريد احجي وياك بموضوع
بابا / عيون ابوج كولي شنو الموضوع
ماما / ياموضعوع هذه الي تردين تحجين بي وشغلج ضال يله امشي للمطبخ دينتضرج اليوم اريد البيت يلمع لمع
بابا / يله ابنيتي روحي كملي شغلج بعدين نحجي
ابتسمتله ورحت اكمل شغلي نضفت البيت وسويت غدا وكملت ودخلت للحمام وماما جابتلي فستان لونه فوشي كلش حلو وكلتلي البسي لان راح يجي هشام يحجي ويا ابوج اخذت الفستان ولبسته ومشطت شعري وحطيت مكياج خفيف وتعطرت اندك الباب صحت اتفضل دخل بابا
بابا / بنيتي امج كالتلي انو راح يجي هشام يطلبج مني واني اجيت حته اخذ رايج شنو دكولين
ريام / بابا اني مااريد اتزوج حباب لا توافق
بابا / اني هم ماموافق وبعدج زغيره مومال زواج
ريام / حبيبي بابا اموت عليك
بابا / بنيتي خليج طبيعيه ولا تبينيلهم انو انتي رافضه الزواج ماشي حبيبتي
ريام / اوكي باباتي
كلش فرحت وطلعت من الغرفه واني مبتسمه شفت ماما بالمطبخ تحضر حلويات رحت اساعدهه
ريام / ماما اساعدج
ماما / لا كملت مايحتاج روحي اكعدي بغرفتج من يجون عود اني اصيحلج
ريام / اوكي
رحت للغرفة كعدت شويه وماما صاحتلي يله تعاي اجة هشام طلعت سلمت وبابا صاحلي اكعد يمه كعدت وهشام ماشال عيونه عني بحيث لعب نفسي بس مابينتله انو ضجت فتحو موضوع الخطبه بابا كال اني ماانطي كلمه اله اسمع موافقت بنتي حجه بابا
بابا / ريام بنيتي موافقه تتزوجين اني احترم قرارج
ضليت ساكته واباوع لماما وخالتي يخزرون بيه وهشام يفرك بوجهه ويخزر بلعت ريكي وحجيت
ريام / لا بابا ماموافقه اسفه لان بعدني زغيره
هشام ضل هوه وامه يخزرون بية حجت خالتي
ام هشام / والله طلبتهه من يمكم لان اعرف تربيتكم وهيه خوش بنيه وعاجبتني فا كلت اخذهه لابني
بابا /ام هاشم اعذريني ماكو قسمه بيناتهم
ضلو يسولفون سوالف عاديه واني ترخصت ورحت لغرفتي وبدلت وهمه راحو شويه واسمع عياط طلعت لكيت امي وابوي يتعاركون
ماما / يعني سويتو الي براسكم وكسرتو كلمتي وفشلتوني ويا اختي
بابا / منو كسر كلمت منو هااااا منووو انييي كلت ماانطي ريام يعني ماانطيهه كلمتي ماتصير ثنين مفهومممم
ماما / خوش لا تنطيهه بس اني ماابقه هنا دقيقه
بابا / خوش روحي خل انشوف منو يلفيج ابيته ابوج لو اخوج اشفيه
ماما تذكرت هيه ماتحجي وياهم وسكتت ماحجت حته اني ماحاجتني مشت الايام والسنين عادي واجه هذا اليوم الي غير حياتي وعاني وحس كبرني بليل فرشت افراشي واريد انام اجتني لحضة ادراك اني ليش هيج حياتي كلشي مامفتهمه منهه بس مشاكل اليا وكت ابقه هيج لا دراسه لا طلعه لا طبة لا عندي صديقات عندي بس هدى بنت عمي وبالسنه حسنه يله اشوفهه واخوات ماعندي بس اخوان تالي دخت ونمت احسن الي كعدت الصبح بعدهم كلهم نايمين رحت سويتلي ريوك وكملت ونضفت البيت قبل لا اسمعلي حجايه وماما سوت غدة وتغدينه وبابا صاحلي رحتله
ريام/ ها بابا صحتلي
بابا / تعاي اريد احجي وياج بموضوع يخصج
ريام / احجي بابا اسمعك
بابا / اجوي ناس طلبو مني مره وهمة خوش ناس واعرفهم وماكدر اردهم لان عيب شيكولون عليه وانتي هذاك اليوم رفضتي ابن خالتج واني صرت وياج وكلت بعدهه زغيره بس هسه اختلف الوضع وصرتي بعمر الزواج والبنيه مالهه غير بيت رجلهه لان احنه ماندوملج
ريام / بابا الي تشوفه سوي بكيفك انت تعرف مصلحتي
بابا / عفيه هيج اريدج انتي صرتي فاهمة وعاقله بعد
ابتسمت وطلعت واحس روحي اختنكت طلعت بالحديقه وافكر شراح ايصير بالايام الجايه راح اكدر اعيش بسلام ربي راح يعوضني او لا اجه
***
اليوم يجون النسون ايشوفوني واني وضعي مايتفسر توتر ومانايمه ولاماكله والدنيه طالعه من عيني واحس تسرعت بقراري واصلا اني مالحكت اقرر كبل قبلت
بابا راح اشترالي فستان على ذوقه جان مال محجبات كلش حلو لون سمائي لبسته وشسورت شعري وحطيت بس حمره على سفتي وخدودي لان همه يردون يشوفوني على طبيعه شكلي كملت وطلعت احضر بالصينيه وحان يطبون النسوان من المطبخ ضلو يصلون على محمد بس عبالهم مو اني العروس طببتهم للستقبال ورحت اصيح ماما
ريام / ماما اجوي النسوان وطببتهم للستقبال
ماما / روحي حضري الضيافه واني اروح يمهم
ريام / تمام
رحت قدمت المي والضيافه ورجعت للمطبخ والرجفه لازمتني وجهي صار اصفر لان بدت اصير صدك اني لازم ارضا بالواقع لان هيه هاي سنة الحياة
ماما صاحتلي ادخل يمهم
سميت باسم الله ودخلت وجانت الانضار كلهه عليه واني احس روحي صخنت
النسوان جانن الربعه ثنين كبار وحدة بعمري والثانيه ثلاثينيه
وحده مرة ابو الولد والثانيه عمته والبنات خواته
المهم
صاحتلي عمته كعدتني يمهه وبدت تسأل وتفحص خاف يطلع بيه شي مايعجب
عمته / انتي شنو اسمج
اني / ريام
عمته / عاشت الاسامي شكد عمرج
ريام / ١٥سنه
عمته / مريم طلعي صورة اخوج حته الشوفه الهه
مريم / تمام عمه
عمته / هذا هوه العريس اسمه سيف مواليده 1993 ويشتغل بشركه وعنده خير من الله
اني من شفته حسيت بشي حلو مدري تخربطت اوضاعي جان حلو بشكل مو طبيعي بس بنفس الوكت حسيته يخوف لان جان لابس زي عربي ولازم اسلاح وهوه شويه ضخم وشعره خفيف وشواربه ثخان يعني صدك يخوف
عمته / ها ريومه موافقه لا تره احنه نحترم قرارج
ماما / انطونه يومين ونرجعلكم خبر ها غير الموافقه ماكو ههههههه
عمته ومرة ابو/ بيهه الخير انشألله يله احنه نترخص ها بس تردون الخبر هوه يجي يشوفهه
ماما / انشألله داده
هنا زاد الخوف وجهي صوفر احس نزل ضغطي همة راحو واني كملت شغلي وبدلت وبابا سألني وكتله موافقه وهوه كال يومين واردلهم خبر حته لا يكولون ذبو بنتهم علينه
اني احس الساني صار ثكيل مااكدر انطق بحرف ولا اكدر ارفض عبالك واحد مقيدني ومااكدر اتحرك والرجفه مافاركتني لحضه ماما شافتني هيج كالت روحي ارتاحي
صورتة مافاركت دماغي كام الخوف يزيد كلما ينقص الوقت عدت اليومين وبابا ردلهم الخبر انو احنه موافقين وكالوله باجر نجي باليل حته يشوفهه
اني سمعت هيج زادت دكات كلبي صبح الصبح وماما كالت كلشي لا تسوي اني اكمل مدري شعجب هاي الايام شويه حننت كلبهه عليه صار الضهر طبيت سبحت وتحضرت وبابا كال لا تلبسين شال لان همه طلبو اني كتلهه لا حرام كال لا هاي يسمونهه النضره الشرعيه يعني عادي
شسورت شعري وضفرته ضفيره عاديه ولبست طوك ناعم ابيض وفستان ابيض وبي حاشيه من جوه ماروني حطيت تنت لخدودي وشفتي وحطيت مسكاره وكحله بيجي بطرف عيني ومشطت حواجبي باوعت على روحي لا هاي مو اني
بابا شافني هاي شطالعه ولج شهل جمال بناتي وين اضمج خاف هسه ياخذونج ويروحون هههههههه
ريام / لا بابا مولهل درجه تره عاديه
بابا / هم حلوه وهم متواضعه الله يحفضج
ساعه وكال راح يجون العالم حضرن الضيافه
يمه اني روحي راحت من كال يله حضري روحج من اصيحج تعاي
اندك الباب وطلعلهم جانو بس الزلم جايين ماكو مرة وياهم
بابا دخلهم للستقبال اجوي هوه وابووعمه وابن عمه ضلو كاعدين ساعتين يسولفون وبابا صاحني ودخلني وطلع واني تصنمت بمكاني مارفعت عيوني من الكاع ماعبالي راح يعوفني ويطلع شويه واجاني صوته الخشن
سيف / هلا يابه تعاي اكعدي ليش واكفه
ريام / ابتسمت
وكعدت مقابيله وعيوني بالكاع والرجفهه زادت اريد اهدا ماكو وعيوني وحيدهم كامو يطلعون دموع هوه كام وكعد قريب عليه وحجه
سيف / بابا ليش هاي الدموع احد قاصبج ع زواج
ريام / لا محد بس شويه توترت لا تخاف ماكو شي
مسحت دموعي وعدلت كعدتي وانتبهت عليه لابس كله اسود وجان بارز جسمه معضل من شفته هيج احس صارت فراشات بمعتي وهوه هم ضال صافن عليه وبعدين حجه
سيف /ريومه شنو هذا الجمال يابه
ريام بتوتر/ ها منوو
هوه طكهه بضحكه
سيف / هههههههههه خرب شهل فهاوه يربي منو غيرج كاعد هنا يعني منو برأيج
شويه وحسه كام يتقرب اني صعدت الصخونه عندي لزم ايدي واني سحبتهه وشردت طبيت بغرفتي وسمعته تحمحم وطلع وكالللهم والخميس الجاي المشية والعقد وهمه باركوله وبعدهه ترخصو وطلعو وبابا اجه كاللنه نتحضر اجه بابا كال سيف راح يجي ياخذج انتي ويا حضرو للخطوبه هوه بعد راح يصير زوجج كال يله حضري روحج
رحت لغرفتي جان عندي فستان جوزي مالابسته حلو ورهمت ويا شال اسود وحذاء بيجي وحطيت مكياج خفيف وجنطه بيجي رتبت نفسي اريد اطلع اجه اخوي الزغير كال بابا يكول كملت خل تجي طلعت اركض حضنت بابا وابوس بي واحجي ويا ومنطلقه
ريام / حبيبي باباتي تدري شكد احبك بابا شلون راح اعوفك يبو طول الحلو وين اكو هيج ابو حلو وحنين بنفس الوكت بس كلي هنيالهه امي عليك
