بدلت ومشطت شعري وكعدت افكر اني ليش ضاله هنا الهسه وسيف ليش مايكول اهلي وين راحو راسي راح ينفجر من التفكير ردت اروح لسيف وصلت باب الغرفه وستوقفني صوتهم وهم يحجون ضليت جامده بمكاني وايدي على حاكي ودموعي على حدي واني اسمع شيحجون
مريم / سيف ليش مادكول لريام كلشي وتخلص سيف / شكللهة ابوج باعج لناس حته يفك دينه لو اكللهه انكلبت السياره باهلج وماتو منين ابدي كليلي لو اكللهة ابوج اخذ مهرج وشرد بي بس ماتهنه الله يغفرله ويرحمه مريم / بس لازم تعرف لو حته تنصدم وياالايام تتعود وتفتهم السالفه لشوكت اضل ماتعرف سيف / انشألله اكللهه ماكدرت اصيطر على دموعي وشهكت شهكه كلهه سمعتهه وركضت للغرفه وقفلت الباب وكعدت على اركبي وابجي بصوت مسموع والطم واجر بشعري واحجي بصوت مامفهوم وكلهه التمت يم الباب ويدكون بي
ريام / شلوووونننن كدرررر يسوييي بيةةة هيج شششلللونننن والله جنت احبه صححح اخواني جانو يكرهوني بس جنت متحملتهم ليش يربييي ليش هذا امتحانك صعب حته جنازتهم ماشفتهه شنو سويت بحياتي وهيج جاي اتجازه ابجي والطم وهم يدكون بالباب رحت كعدت بزاويه الغرفه ولميت رجلي الصدري وكمت ابجي بلا صوت صارت صنته عبالهم سويت بروحي شي سيف ضرب الباب قوي ونكسر كلهه طبت كمت كل قوتي اضرب بسيف احجي واعيط واضرب بي ريام / كله من وراك انت حرمتني منهم الله ينتقم منك الله ياخذك تعبت اني حسو بيه مااكدر اتحمل يوميه صدمه صيرو بمكاني اشهك وابجي وهوه سحبني لحضنه ويمسح على شعري ويهدي بيهه حسيت براحح اشرلهم كلهم يطلعون شالني واخذني لغرفته ونومني على صدره ويقره على راسي اية الكرسي نمت وكعدت بليل بعدني على نفس النومه وهوه ماكو طلعت ورحت للحمام غسلت وبدلت ملابسي ورتبت شعري ونزلت لكيتهم كلهم كاعدين بالصاله شافوني نزلت كلهم باوعولي بشفقه اجتني مريم حضنتني سحبتني وكعدتني يم سيف اني استغربت ضليت اباوع عليهه وهيه تبتسم ابو سيف / عمو شلون صرتي ريام / زينه سيف / بابا وجهج اصفر ليش ماتاكلين مريم روحي جيبيلهه شي تاكله ريام / مالي نفس اكل عوفوني مريم / راح اجيبلج اكل وقصب عليج تاكلين مو بكيفج شوفي روحج شلون صايره راح تنكطعين ريام / اصلا ماجوعانه مااريد شي سيف / ليش شماكله وماجوعانه من البارحه ماماكله مريم روحي جيبي شي خل اشوف منو ماياكل مريم / اوكي هسه اجيبه راحت جابت اكل وحطته كبالي اني مامديت ايدي ومااحس اله سيف كام يلف لفات ويحت كبالي ويخزر بيهه حته اكل اني كمت اكل طلعت ميته جوع هوه يجيب ويحط كبالي وكلهه تباوع علينه اني هلكد مااكلت ردت اتقيئ ريام / كافي والله شبعت بعد مااكدر يسف / هوه انتي شكلتي مريم تعاي شيلي الصينيه وجيبيلهه حليب وعسل مريم / ماشي ريام / بس اني مااحب الحليب سيف / مو بكيفج تشربينه وانتي الممنونه مريم جابت الحليب وهوه باوع عليه ورفع حاجبه وخزرني اني جريته وشربت منه شويه رد خزرني مره ثانيه ريام / اي شبيك تخوزر مو دا اشرب سيف / السانج لا اكصه كلهه تباوع علينه وحاصرتهم الضحكه شربت نص الحليب ردت اكوم وباوع عليه وحجه سيف / تخلصين الحليب يله دكومين سويت روحي ماسمعته خليت وطكيتهه ركضه هوه يركض وراي ويصيح سيف / والله هسه اذا ماتجين تكملين الحليب نهايتج على ايدي ريام / كافي جلبت كتلك مااريد اكل وكلتني كوه وهسه الحليب والعباس مااشربه حلفت اني ارمض وهوه وراي وكلهه تضحك علينه صعدت على درج ردت بس اشرد منه مااحس اله طبيت بغرفته وهوه طب وراي وسد الباب وقفله اني الخوف تملكني اجه تقرب مني وعيونه ذبلانه وشعره نازل ريام / والله هسه اشرب الحليب بس عوفني اريد انزل حباب ولاجنه يسمعني دفعته وطفرت للباب ماينفتح احاول ويا وماينفتح اوف هسه وكتك حصرتني البجيهه حباب افتح الباب اريد اروح يم البنات شبيك مو دا احجي وياك رحت اريد اضربه شالني وشمرني على جربايه راسي الطخ بالحايط وبعد ماحسيت دخلت بالضلام كعدت على ريحه ديتول عيوني ينفتحن وينسدن راسي ثكيل انتبهت كاعد ولازم راسه بثنين ادي وبصفى كاعد محمد ريام / اخخ راسي سيف / اسف ريومتي موقصدي اذيج ريام / ماصار شي عادي اصلا تعودت يوميه بالمستشفى اني سيف / تكدرين دكومين لو اكومج حته اروح للبيت ريام / لا اكدر اني اكوم طلعنه من المستشفى صعدت بالسياره اجه سيف كعد يمي ومحمد يسوق وصلنه للبيت تلكني البنات يحضنن بيه ويتحمدلي على السلامه مريم اخذتني لغرفتهه كالتلي ارتاحي اني لفيت راسي ونمت كعدت الصبح على هوسه بالبيت غسلت وبدلت ملابسي ونزلت لكيتهم كلهم مجموعين حته خواته المتزوجات جايات وكاعدين يتريكون صبحت عليهم مريم خلتني اكعد بينهه بين سيف اباوع عليهم شلون ابوهم يشاقيهم وهم يضحكون ويسويلهم لفات وينطيهم واحد واحد ومايفرق بينهم طلبت من ربي يحفضهم فزيت من صفنتي ومريم تحجي وياي وكلهه صافنه عليه مريم / ريام شبيج صافنه مو دا احجي وياج ريام / اسفه مو قصدي بس جنت افكر بشي مريم / بشنو تفكرين حبيبتي احد مضوجج ريام / اني شنو كعدتي هنا بيناتكم ادموعي ترست عيوني واني اسمع ابوسيف ابو سيف / بابا شنو هذا الحجي البيت بيتج انتي بنتي اول مره واخر مره اسمع هذه منج مفهوم ويله تريكي حته اروح للمزرعه يله بناتي تحضرو حته كلنه انروح مسحت عيوني واكلت لفه جبن وكمت لكيت البنات بالمطبخ رحت اساعدهم وماقبلن واصريت وكوه يله خلني سويت مقبلات وكالو راح نشوي سمك وسويت جدر تمن احمر ومريم وخواتهه خبزن خبز حار كملنه ورحت سبحت مريم انطتني جبه وشال لبستهن وطلعنه البنات صعدن ويا ابوهم واني سيف صاحلي بسيارته فتحلي باب الكدام صعدت واني ساكته وهوه ساكت الطريق كله احسه يباوع عليه واني اسوي روحي مااشوفه ساعه كامله يله وصلنه جانت مزرعه تخبل ضليت اباوع على جمالهه جان بيهه بيت زغير كلش حلو وبحيره سيف كال هاي بيهه سمك حته انصيد الولد نزلو الغراض والبنات فرشو الفراش واني وياهم الولد كالو احنه راح انصيد سمك والبنات لمو حطب حته نشوي كملنه الحطب ورحت اني ومريم يمهم انشوفهم شلون يصيدون اباوع على سيف يصيد ومكيف لان صاد ثنين سمكات وفرحان ومحمد وفراس ولا سمكه وابو سيف واكف فوك راسهم برزل بيهه وهمه صايرين اعصاب متنه ضحك عليهم سيف وابو شعلو الحطب وبدو يشوون واحنه بدينه انوزع الكل بالسفره كملنه بدينه ناكل مريم دكللهم هذا الاكل كله ريام سوته سيف ضل يباوع عليه جنه مامصدك مريم / ريام عاشت ايدج الاكل كلش طيب هاي من شوكت هيج اطبخين ريام / هههههه الف عافيه ابو سيف / عاشت ايدج بنتي والله يخبل الاكل ربام / بالعافيه عمو رشا / ريام منا وهيج كلما اجي لاهلي انتي اطبخين خوش ههههه مريم / ها ها تره بديت اغار شنو طبخي وطبخ امي كام مايعجب ريام / ههههه انشألله اضل اطبخلكم تدللون سيف / بس اني ماعجبني كلهه باوعت عليه اني دمي كام يفور خزرته وسويت روحي مامهتمة ضحك واردف وضحك سيف / ههههههههه شبيكم هيج باوعتولي والله كلش طيب كامو يضحكون كملنه اكلو ولمينه الغراض ورجعنه للبيت اني صعدت ويا البنات والطفال سيف اخذهم ويا وصلنه للبيت البنات ضلو ينضفون واني صعدت للغرفه مال مريم غبرت ملابسي وكعدت اتذكر حياتي قبل شلون جانت من جنت اتوسل بامي وابوي حته ياخذوني وياهم لبيت عمي حته بس اشوف هدى واضل اشكيلهه وهيه تواسيني ومن سافرو خارج العراق شكد بجيت وراهم يعني اني مابقالي احد هنا خوالي من جنت زغيره اخر مره شفتهم هسه اذا اشوفهم كبالي مااعرفهم مشت الايام والاشهر واجه اليوم الي راح يسافر بي سيف لتركيا صاحلنه اني ومريم انرتب جنطة السفر انرتب بيهه ومريم تبجي اهله كلهم كاعدين داير مدايره ويبجون وهوه يهدي بيهه واني ابجي وياهم عل واهس بعدين ستوعبت اني شكو ابجي صايره شكد احب الدرامه غسلت وجهي وكعدت يمهم اذا احجي اكيد راح اجفص فا خليني ساكته احسن وصلو للمطار ورجعو اني نمت نومة اهل الاكهه كعدت ثاني يوم الضهر نضفت البيت ويا مريم وسوينه غدة وكملنه طبيت سبحت نزلت لكيتهم يتغدون كعدت اتغده مشت السنين بسرعه واليوم يجي سيف من السفر والبيت كله مخبوص بليل كالو اجه سيف بعدنه كاعدين وطب هوه ويا وحده شكرة مريم شهكت وابو ماسوة ردة فعل لان جان يدري كال هاي زوجتي انتبهت علية شايل طفل يعني من زمان متزوجين يله اني شعليه حياتة وحر بيهه اني شكو ردت اطلع وهوه صاحلي سيف / ريام اريد احجي وياج ريام / نعم تفضل سيف / عمج ابو محمد عرف بيج بعدج عايشه وراح يجي ياخذج باجر حضري غراضج ريام / صدك شوكت عرف بيه هنا وهوه مو مسافر سيف / اي مسافر بس رجع وياي راح يستقر هنا واني كتله عليج هوه جان مايدري وكالي باجر اجي اخذهه تعيش يمي ماصيطرت على روحي وكمت ابجي بصوت عالي ومريم حاضنتني تهدي بيهه اخذتني لغرفتهه حطتلي ملابسي اني مستمره ابجي مسحت دموعي ونمت كعدت اصبح لكيتهم يتريكون صبحت عليهم وكعدت سيف كال عمج خابر بالطريق حضري نفسج طفرت لبست جبتي ولفيت شالي اخذت غراضي وطلعت لكيت سياره عاليه وبيضه والجام مضلل تخبل نزل منهه عمي ويا شاب ضخم لابس ملابس مال ضباط عرفت بس عمي شكله مامتغير بس شعره ابيض اني ضليت واكفه بمكاني ابجي اجه عمي حضني اني ذبيت روحي بحضنه لان من زمان محتاجه احد يحضني عمي / شلونج بابا هسه عليمن هذا البجي مادكليلي هسه اخذج يم هدى انتي وياهه مو صديقات باوعت عليه ومسحت دموعي ريام /صدك عمو عمي / اي يا بعد عمج حسام / احم احم شلونج ريام اني باوعت عليه ثواني يله رديت عليه ريام / الحمدلله وانت شلونك حسام / بخير يله اذا ماعندج شي نمشي هزيت راسي ومشينه لسياره حسام فتحلي الباب باوع عليه وبتسم صعدنه ومشينه اني حطيت راسي ونمت مدري شكد مر وقت حسيت احد يكعدني فتحت عيوني ونزلت كبال بيت جبير والمنطقه تخبل دخلت للبيت لاكتني بنيه تخبل اجتي حضنتني عرفتهه هاي هدى ضليت جامده بمكاني ودموعي تجري اجتي مرت عمي سلمت وهيه تبجي وجني بنات ثنين وياهه وكالتلي هذني جنايني وحده مرة عبدالله الثانيه مرة غيث وكالت هذا حسام الجبير ماقبل يتزوج باوعت عليه وهزلي راسه عمي كال الهدى تاخذني لغرفتي صعدت وياهه وكتلهه اريد اسبح انطتني فستان شويه قصير ونص ردن لون ماروني سبحت ولبسته ورفعت شعري ذيل حصان وطلعت غرتي القصيره وحطيت عطر ونزلت جانو كاعدين بس الولد سلمو عليه حسام ضل بس يباوع عليه اني ارتبكت وخزرته ورحت يم البنات بالمطبخ يسولفن ويضحكن تونست وياهم جاي اضحك وهدى كالت تدرين ليش حسام الهسه مامتزوج باوعت عليهه كتلهه ليش هدى / لان يحبج من زمان ماينام اذا مايشوف صورتج ومن سمع اهلج توفو تخبل عباله انتي وياهم راح شاف جثثهم ومالكاج وياهم وهاي السنين كلهه هوه يدور عليج وبلصدفه عرف انتي عايشه بيت ابو سيف الكاع ماشالته من الفرحه كلنه فرحنه على فرحته ريام / لعد اني عبالي ماتدرون بيه بعدني عايشه وجنت اتمنه اشوفكم مااحس الة اجاني صوتة يتبع••••
سأحبُكَ فِي أضعَف لحظاتَك ألى أقوى لحظاتَك .
" حِلم بِالنسبة إِلي لَمسَة إِيديك "
حَبيتَك آنهَ بكثر ماتِرمش عيّونِي !
Oups ! Cette image n'est pas conforme à nos directives de contenu. Afin de continuer la publication, veuillez la retirer ou télécharger une autre image.
