اجه مهيمن وكال
مهيمن / يمه حطي شي على راسه راح اجيب تكسي لان علي طالع البغداد مو هنا
خالتي ابستني الجبه والشال طلع وروحي مفرفحه من الوجع خاله بعد مااتحمل حموت حطيت راسي على جتفهه ورحت بالضلام كعدت الدكتور يحاجي بيه وحاطيلي مغذي دكتور صيحلي خالتي اريد اشوفهه
دكتور / اوكي
اجتي خالتي عيونهه حمر من البجي خاله فدوه لعينج كافي بجي هياتني مابيه شي والله
خالتي / الدكتور كال مقهورة من شي والقهر مأثر على معتج ريام ليش ماتجين تشكيلي ليش تكتمين بكلبج
خاله الدكتور جذاب لا تصدكين بي والله كلشي مابيه يله خل اروح اكره ريحة المستشفى طلعنه من المستشفى امشي وافكر يا باجر خطوبه حسام من صابرين كلبي مو راضي يطلعه واني مااكدر اتحمل اشوف ويا غيري صح احنه مامرتبطين بس نعرف انو احنه نحب بعض مااكدر احقد عليه ماادري ليش كلبي متعاطف ويا لهل درجه مااكدر اكرهه
خالتي / ريام انزلي راح اشتريلج تلفون حته اذا رجعتي لبغداد اكدر احاجيج
ماشي نزلت طبينه محل تلفونات كالتله اريد تلفون نوعيه زينه اختارينه وحطتلي شريحه طلعتهه بأسمي رجعنه للبيت رنا كالت تعاي اسويلك انستا وفيس فتحتلي البرامج كتلهه شلون اكدر اطلع الحسابات علمتني كتبت اسم
*******
مريم / لا تصيحين وتعبين محد راح يرد عليج
مريم هاي انتي شتسوين هنا راح اموت من الخوف والله مااعرف شدا يصير بجيت بحركه وهيه تبجي وياي
مريم / حبيبتي لا تخافين اني يمج
من شوكت انتي هنا وليش مخطوفين
مريم / صار سبوع لحد لان ماشايفه وجه الخاطف ومااعرف ليش خطفني يجوز اكو ثار بينه وبين سيف مااعرف
جانت تحجي وتبجي ومبين الخوف بعيونهه هسه شراح نسوي مريم انتي وين جنتي طالعه وخطفوج
مريم /طلعت من الجامعه اريد ارجع للبيت واكفى عل شارع وكفت سياره نزلو ثنين ملثمين حطو على خشمي قطعه قماش وبعد ماحسيت بشي وهاي شوفت عينج
مريم تكدرين دكومين تفلين الحبل مني خل انشوف حل نشرد
مريم / اي اي
اجتي فلت الحبل كوه هيه هم جانت مربوطه اني فليت الحبل منهه خل اشوفلي فتحه حته نعبر منهه لا تطلعين صوت ماشي
مريم / ماشي بس خايفه يجوز احد يلزمنه
لا تخافين بس نطلع منا كلشي ينحل كولي ياالله
مريم / ياالله
جان اكو شباك جبير فتحته مريم هذا اكو سياج بس نعبرة نصير احرار لزمت ايدهه طلعنه من الشباك وصلنه السياج عبرنه بدون محد يشوفنه ضلينه نركض مانعرف وين نروح جانت ضلمه
مريم / اي وشلون راح نندل منين نرجع خاف يلزمونه
امشي نوصل شارع العام ويصير خير نركض واردد بيني بين نفسي ياعلي ياعلي
دعاءالامام علي (عليه السلام )
نادي علي مضهر العجائب تجده
عونآ الك في النوائب كل هم وغم
سينجلي بولايتك ياعلي
وصلنه شارع العام ماكو سيارات جان مكطوع اوف هسه وين نروح اكلج انضل نمشي بلكي نلكه بيت نخليهم يساعدونه
مريم / ريام اكو احد جاي يمشي ورانه بس لا تخلينه ينتبه
عزة منو ولج اركضي ركضنه بكد ماعدنه قوة من الركض احس كلبي راح يوكف لازمه فستاني اليسحل وراي ولازمه ايد مريم اخاف تفلت مني جنت متمسكه بيهه بقوه لمحت بيت جبير مضوي فرحت ولج مريم هذاكه بيت خلينه نروحله يجوز يطلعون ناس خيره ويساعونه وصلنه البيت دكينه الباب بقوه محد طلع
مريم / نعبر من فوكا
يله صعدنه ثنينه بنفس الوكت مريم طفرت وكعت بالحديقه
مريم / يله انزلي شبيج جلبتي.
اتمنة تعجبكم ❤️
