مهما طالت ستمضي ____________
حديثهمُ شيء وحَقيقتهم شَيء أخر.
حديثهمُ شيء وحَقيقتهم شَيء أخر.
أنا مو متوحد أنا ما أحب الناس .
مشاعرك مو ورث حتى تحافظ
عليها ، صارح قبل لا تموت !
چبيرَة جروحنا ونضحَك لخاطركُم ..
•••••••••••••••••••••••••••••••••••••••••••••••••••••••••••
صباح لاخر يوم ابيت جدي دا الم بالغراض نريد نشيل ابيتنه الجديد وكلنه فرحانين اني وخواني المهم رحنه للبيت الجديد ورتبنه الغراض جانو ويانه مرت خالي ونسوان عمامي نضفو البيت ويانه كملنه وسوينه عشه وتعشينه وكالمن راح البيته واحنه من التعب كبل نمنه وصادف ثاني يوم العيد والقاربنه عدهم عرس
ساعه 7 اصبح كلهه كاعده عبالك دوام مو عيد وخواني يتعاركون
ريام / اوفففففف شلون بله يعني مانام
احمد اخوي /كومي لج ماشبعتي نوم
محمد اخوي /عوفهه هاي تنبل مال نوم شيشبعهه
ريام / كمت دخلت للحمام سبحت ولبست فستان بصيط العيد وسويت شعري كيرلي وحطيت مكياج خفيف شفت روحي طلعت حلوه بوست روحي هههه
سمعت هوسه بره رحت اشوف شكو لكيت عماتي جايين رحت سلمت عليهم بعدين لكيت ماما اسوي غده
ماما حبيبتي كل عام وانتي بالف خير
ام ريام / وانتي بالف خير بنيتي
شفت بابا بره هم عايدته
باباتي كل عام وانت بالف خير
ضليت وكفه يمه حته ينطيني عيديه بس مانطاني كلش انقهرت لان انطه لاخواني واني لا ضليت مقهوره
ام ريام / لج ريام وينج حيوانه تعاي
ريام / ها ماما
ام ريام / امشي بدلي راح اروح البيت عمتج يله
ريام / اوك
رحت بدلت وكملت ورحنه البيت عمتي عدهم عرس وصلنه وماما باركتلهم وشفت بنات اقاربنه تقريبن بعمري كلهم مجموعين شافوني ونضراتهم ماتبشر بخير
رحت يمهم وسلمت عليهم
هلو بنات شلونكم
الكل / هلا بيج وحده منهم حجت
زهراء/ اكلج منو نافش شعرج هيج وضحكت بستهزاء والكل ضحك
اني منا مقهوره وانوب هيه تقهر بيه هسه الزمهه اكطعهه بس منا العالم شيكولون عليه عفتهم ورحت كعدت يم ماما ضليت كاعده واباوع عل نسوان شلون يركصون وشويه واجتي بنت عمي هدى طرت من الفرح لان بس هيه احب اكعد وياهه رحت حضنتهه بقوه
هدى / ههههههه لج حيوانه كسرتي ضلوعي
ريام/ غير مشتاقتلج والله جنت كلش ضايجه
هدى / ليش شنو الي ضوجج
ريام / لا ماكو شي لا ينشغل بالج
مر اليوم عادي ورجعنه من العرس ورحت ابدل وبعدين نمت لان اخواني الله يسلمهم مخلوني انام
مرت الايام عادي واجى تاريخ ١٣/١١جا يوم ميلادي ماما سوت الكيكه بالبيت وزينتهه وكتبت اسمي عليهه بحيث صارت كلش حلوه
وبنات عمي اجوي واني رحت بدلت ملابسي لبست فستان بصيط وحلو
وشعري عفته مفتوح لان هوه مو كلش طويل وناعم وخطيت بس حمره لون بناتي رحت يم البنات
الكل / كل عام وانتي بالف خير عقبال الف سنه
رديت / وانتو بالف خير حبيباتي
احتفلنه واكلنه كيك وانطوني هدايه بصيطات على كد فلوسهم ههههههه
رحت بدلت ونمت لان ثاني يوم عندي دوام
ماما ساعه 6 لج كومي راح يجي ابو الخط
ريام / اي ماما اي حكوم كمت بدلت وغسلت واكلت لفه جبن وطلعت اني وبنات عمي ضلينه ننتضر ابو الخط فجئه شفنه سياره بيهه ثنين ولد عبالك يراقبون مااحجيلكم شصار بينه من الخوف اجى ابو الخط وصلنه للمدرسه
وكفونه اصطفاف بعدين المديره كامت تنطي قرارات انو نغير الزي مالتنه
ف من رجعت من الدوام اجيت اخبر ماما
ريام / ماما المديره كالت غيرو الزي مالتكم
ماما / اي وهسه شتردين نغير زيج يله روحي بدلي وتعاي تغدي
بابا سمعنه
بابا / بعد ماكو روحه للمدرسه وتكعدين بالبيت تساعدين امج
ريام / بس بابا
بابا / ماكو بس لا اكوم اطيحه لحضج
ثاني يوم جان عندي امتحان علوم هنا كلش انقهرت وبجيت بس لا حياة لمن تنادي سلمت امري بيد الله لا البجي يفيد ولا اكدر احجي
ثاني يوم ساعه ٧
ماما / لج ريام كومي يله بسج نوم تعاي اعلمج الخبز باجر عكبه تزوجين دكوليلهم مااعرف اخبز
احمد / يله كومي من اليوم صرتي خدامتنه يله سويلي ريوك
محمد / هيه اصلا خدامتنه ههههههههههه
هنا الكل ضل يضحك عليه ويستهزء كمت من افراشي غسلت وجهي ورحت تريكت ورحت طلعت الحاويه تكرمون وشفت بنات عمي بره ينتضرون ابو الخط شافوني وجوي عليه يركضون وكالولي نفس السياره واكفه تراقب اني هنا خفت ورحت لعمامي كلتلهم ومحد صدك ثاني يوم هم نفس الشي بعدين كلت لبنات عمي اروح كولنه نحلفلهم وهنا صدوك صدكو عمي ضل اليل كله يراقب وشايل سلاح بس مالكه احد ضل يوميه يراقب وهم ماكو احد مرت الايام عادي
ودخلنه سنه جديده وصار عمري 14 بس ماسويت عيد ميلاد المهم مره من المرات اجت بيبي ام امي علينه وخالاتي مجموعين هنا كالولي روحي جيبيلنه مي اني رحت المطبخ دا اجيب مي ف لكيت خالتي وابنهه هشام عبالك دا ينتضروني اني صراحه جنت مشايفته ف هوه ماشال عينه عليه
اني حسيت شعور محلو خالتي من شافتني دخلت هيه طلعت
هشام / شلونج ريام شخبارج
رديت / هلا زينه وانت
هشام / والله من شفتج صرت بخير
اني حسيت حساس ابد محلو مدري اخذت المي وطلعت وهوه بقه يباوعلي بنضره مااعرف شلون اوصفهه الكم اني طنشته ورحت يم خالاتي واول مدخلت كلهم سكتو وجانو فرحانين وحده من خالاتي حجت ها شلونه هشام وضحكت اني بقيت اباوعلهم شويه ودخل هشام علينه هوه دخل واني طلعت احس كلبي راح يطلع من مكانه اجوي بنات خالاتي يمي كلهم يضحكولي ويغمزون بعيونهم سألتهم
ريام / اكللكم بنات اكو شي صاير
سهى اخت هشام / تؤ تؤ تؤ سوده عليه اسوين روحج ماتعرفين شصاير
ريام / سهى شبيج شداتخربطين
هناء / حبيبتي ريام ماكو شي لا تشغلين بالج عوفي سهى تحجي وحيدهه
نور / ريام عمري انتي اني راح احجيلج هشام يريد يتزوج ف خالتي طلبت منه يشوفج
ريام / شنو شنو يشوفني توني 14 سنه صدوك تحجون
سهى / اكو هواي يتزوجون بهيج عمر مابيهه شي وانتي امبين عليج تردين رجال
هناء / ترا مابيهه شي عادي تزوجي شو انتي بس كاعده بالبيت حته للمدرسه مدا تروحين تزوجو هسه ويا الايام تحبون بعض
توني اريد احجي ماما قاطعتني
ماما / ريام تعاي اكعدي يمنه يله عيب من هشام
ريام / ماما عذرين مااكدر ادخل لان خطتكم فشلت وزواج ماراح اتزوج
ماما / قصبا عليج تزوجين مو بكيفج يله كدامي
ريام / ماما فدوه مااريد اتزوج والله بعدني زغيره
ماما / كلت مو بكيفج يله فوتي
دخلت وهشام مانزل عينه شكد كرهته اني ضليت مدنكه وخالتي ام هشام حجت
ام هشام / ريام شو باوعيلي
اني رفعت راسي وحس راح يغما عليه جسمي كله يرجف حسيت بخوف وتوترت وهوه بعده يباوع شويه وطفرت من مكاني ورحت للغرفه قفلت الباب والغرفه ضلمه كعدت وضليت ابجي واشهك شهكات عاليه شويه وندك الباب مسحت دموعي وفتحت الباب ياريتني مافتحته اني فتحته وماما لزمتني من شعري سحلتني سحل وتضرب بيه بحيث احس روحي انتهيت
ماما / لج صاق**** كح**** اني تفشليني كبال خوانتي
هيه وجاي تضربني وحس واحد دفرني دفره على صفحتي صحت بصوت عالي من الالم رفعت راسي شفت اخوي محمد يريد بعد يدفرني بس قبل لا يضربني طفرت للغرفه قفلت الباب شويه وصار البيت هدوء اني خفت افتح الباب مر اسبوع كامل واني حابسه روحي بالغرفه لا اكل ولا شرب اخليهم ينامون يله ادخل للحمام بس ضجت من وضعي بس محبوسه ف قررت اطلع وشيصير خل يصير طلعت مالكيت احد من اخواني لكيت بابا وماما كاعدين بالصاله سلمت على بابا وحجى
بابا / شو صار سبوع ماشايفج ليش حابسه روحج بالغرفه بيج شي بنيتي
اني هنا نهاريت بس كالي بنيتي رحت حطيت راسي على حضنه وبجيت
ريام / بابا
رد/ عيونه لابوج شكو
اني وابجي كتله هم ناوي تزوجني
رد / مستحيل بعدج زغيره مومال مسئوليه حبيبتي اطمأني
ريام / صدك بابا
رد / وداعتج
فرحت وكمت بست راسه ورحت غسلت وجهي ورحت للمطبخ دا اسوي شي اكله واسمع ماما تحجي بتلفون
ماما / هلا ام هشام شلونج شلونه نسيبي
ام هشام / والله بخير مادامكم بخير باجر راح نجيكم ناخذ موافقه ابو احمد
ماما / هلا وكل الهلا بيكم شوكت ماتشرفونه
ام هشام / اكلج خيه نبهي ريام خاف اسوي حركات تخلي ابني يضوج ترا ابني مايحب هيج سوالف
ماما / انشألله
استغفرالله ياربي يمه منجن النسوان كملت المكالمه واجتي يمي وحججت
يتبع ....
•••••••••••••••••••••••••••••••••••••••••••••••••••••••••••
يحسدونك على حياة مابيعرفو منها إلا صور تنزلها لما تكون مبسوط ..
هواي مايتعدن وعديتهن
🦋
