တရားဝင်သမီး လက်ထပ်ထိမ်းမြားခြင်း

Part 33

ပတ်ဝန်းကျင်မှာရှိတဲ့ ဧည့်သည်တိုင်းက ခေါင်းညိတ်ပြခဲ့ကြတယ်။ သူမ ပြောသလိုမျိုး အတိအကျ ဖြစ်နေခဲ့တယ်။ အောက်ခြေကလူတွေက တစ်ခုခုကို ကောင်းကောင်းလုပ်ခဲ့မယ် ဆိုရင်၊ သေးငယ်တဲ့ တစ်ခုခုကို ချီးမြှင့်တာ နားလည်ပေးလို့ ရနိုင်ခဲ့တယ်။ ဒါပေမဲ့ ဘယ်သူ့ငွေကိုမှ လေတိုက်ပြီး ယူသွားလို့ မရဘူး။ ရက်ရောတတ်တဲ့ လက်တစ်စုံ ရှိပြီး၊ သူ့လက်အောက်ငယ်သားတွေကို ရတနာ သေတ္တာဘူးပေးဖို့ဆိုတာက အဲဒီလူရဲ့ ဦးနှောက်က မပျက်စီးနေဘူးဆိုရင် ဖြစ်လာမှာမဟုတ်ဘူး။ အဲဒါအပြင် ကျန်းလီ အခုလေးတင် ပြောလိုက်တာကရ သူမရဲ့ ငွေအားလုံးကို တတိယကျန်းသခင်မလေးရဲ့ မွေးနေ့လက်ဆောင် ဝယ်ယူဖို့ရာ အသုံးပြုခဲ့ပြီးတော့ ကျန်ရှိနေတာက လက်ဝတ်ရတနာတွေပဲ ဖြစ်ခဲ့တယ်။ အသိစိတ်ရှိနေတဲ့အချိန်မှာ လူတွေကို အားလုံး ပေးကမ်းလိုက်ဖို့ဆိုတာက မဖြစ်နိုင်ခဲ့ဘူး။ အဲဒါက မတန်ဘူး။

ရှန်းချောင်က ကျန်းလီကို အံ့သြမှင်သက်စွာနဲ့ ကြည့်နေခဲ့တယ်။ ကျန်းလီရဲ့ လိမ်လည်မုသား ပြောနေတဲ့ပုံမပေါ်ဘဲ၊ ရိုးသားဖြူစင်တဲ့ အမူအရာရှိနေတာကို တွေ့ရတော့ ရှန်းချောင်က စိတ်ရှုပ်ထွေးသွားခဲ့တယ်။

သူမရဲ့ မျက်လုံးတွေက ကျန်းလီရဲ့ ရတနာသေတ္တာငယ်မှာသာ ကပ်ညှိနေခဲ့တယ်။ ကျန်းလီက သူမကို ဆုလာဘ်တွေ ပေးအပ်ချီးမြှင့်ခဲ့တဲ့အခါမှာ၊ သူမက အဲဒါတွေကို ပျော်ရွှင်စွာနဲ့ လက်ခံခဲ့တယ်။ ဒါပေမဲ့ အခြေအနေနိမ့် လူတစ်ယောက်ကို ဒီလောက်များတဲ့ အရာတွေကို ပေးကမ်းချီးမြှင့်တဲ့ သခင်တစ်ယောက်က သာမန်မဟုတ်တာကို သူမက သဘောမပေါက်ခဲ့ဘူး။ ကျန်းလီက တိုင်းပြည်အတွင်းက ရိုးအသူတစ်ယောက်သာ ဖြစ်ပြီးတော့၊ လောကရဲ့ နည်းလမ်းတွေကို နားမလည်တာကြောင့်မို့ ဆိုပြီး၊ သူမက တွေးထင်ခဲ့တယ်။ ဘယ်လိုပဲဖြစ်ဖြစ်၊ ဒီနှစ်သက်အားရစရာ ပစ္စည်းတွေကို မြန်မြန်ဆန်ဆန် လက်ခံလိုက်ခြင်းက သူမကို သေဆုံးစေမဲ့ အမှတ်တံဆိပ် ဖြစ်လာတာကိုတော့ သူမက မသိခဲ့ဘူး။

ကျန်းလီ ပေးပို့လာတဲ့ မွေးနေ့လက်ဆောင်ကို ကျိရှုရန်က သူမရဲ့ လက်ထဲကို လွှဲပြောင်းပေးလိုက်တယ်။ ဒါပေမဲ့ ရှန်းချောင်ရဲ့ ပါးစပ်က သိပ်မကြာသေးခင် ရက်တွေကတည်းက အရမ်းမိုက်ရိုင်း လာပြီးတော့၊ သူမရဲ့ သတ္တိကလည်း ကြီးမားလာခဲ့တယ်။ ဆံထိုးကို မြင်လိုက်ရတဲ့အချိန်မှာ သူမရဲ့ စိတ်တွေက လှုပ်ရှားသွားခဲ့တယ်။ ကံကောင်းထောက်မစွာနဲ့၊ ခြံဝင်းထဲက အစေခံမိန်းကလေးတွေက ပစ္စည်းအတုတွေကို ထုဆစ်နိုင်တဲ့ လက်မှုပညာသည် အကြောင်း ပြောနေတာကို သူမက ကြားခဲ့ရတယ်။ သိပ်မကြာခင်မှာ၊ သူ့ကို ရှာတွေ့ခဲ့ပြီးတော့ တစ်ပုံစံထဲ တူညီတဲ့ဆံထိုးကို ပြုလုပ်ပေးဖို့ သူမက ငွေပေးပြီးတော့ ခိုင်းစေခဲ့တယ်။