PLAYER | yoonmin | (mizo)

43.Us

"Aih hei hi box hnuhnung ber ani tawh e".

"A tawpah chuan kan zo ve thei hram ani maw?", hnathawk dang chuan a rawn ti a, vawiinah an buaiin an hah tlang bawk a, haw an chak ve tawh hlawm hle.

Ka iptea ka phone ah chu a rawn ri a, ka phone kha misuala khan min vawmchhiatsak vangin Jungkook a'n phone thar min pe a, mahse neih hlensak chu ka tum lo.

📲 : "Aw Kook-ah?".

📱 : "Jimin-ssi khawnge i awm?"

📲 : "Cafe ah, buaina a awm ami Kook? Khawnge i awm a?".

📱 : "Aih, engkim a tha e Jimin-ssi, inah ka rawn kal a..".

📲 : "Ka lo haw dawn chiah Kook, lo la awm reng rawh aw?". Call ka dah a.

Eomma leh appa te ka hmuh zawh hnu chuan cafe atangin ka chhuak a.

***

"Ouch!!", titu lam chu ka en vat.

"Y-yoongi hyung? H-hetah nang maw? Enge helaiah i tih hyung?". In ka thleng tep tawh a, Yoongi rawn kal ve mek nen kan insu a, phone biha ka kal laklawh em vang ani, vawiin hian motor keng lo in ke in ka haw a.

"Jimin-ah, lo kal ka tum a--".

"Anih a na em?", a pum anat leh vak ka hlauh avangin a kawrchhanah chuan ka va khawih a, mahse Yoongi chuan ka kut chu lasawnin kan dinna piahah chuan min kaiphei a.

"Jimin-ah..". A ngawi leh daih avangin ka lo en vung vung a.

"Umm sawi la hyung".

"Inchhungah lut phawt teh ang". A kalsawn nghal a.

Inchhung kan luh chuan sofa-ah a thu nghal a.

"Yoongi hyung, buaina i tawk em ni?". Ngaihtuah nei hmel taka a awm sawn ka ngaih a titha lo.

A aw chu a'n thian te te a. "Nei lo e Jimin-ah".

Chhang zui tawh lo in Jungkook chu phone ka tum a, mahse a pick up thei lo a.

"Jimin-ah, pakhat chauh em ni ila neih?".

Yoongi thusawi chu a awmzia ka hre lo hle mai. "Hyung, chu chu enge a awmzia ni a?".

"N-ngaihzawng mawle..". A sawipah chuan a kun daih a.

"Hyung, chu chu ngatinge i hriat duh a?". A bulah chuan ka thu thla a.

"Engtiang chiahin nge rilru min pek Jimin-ah?".

Yoongi zawhna chu ka beisei loh lam daih ani. A tir kha chuan keipawn pangngai deuhin ka en a, min puihna leh ka tana a tawrhna zawng zawng te khan amah min ngaihlut tirin ka lo ngaina ta anih kha, a laka ka rilru a hriat hnuah pawh ka la bansan ve thei mai lo a, ka hmaah reilote chhung a inlan loh hnuah tunah a rawn lang leh a, mahse a hma aiin min care sawtin ka hre thung.

"Hyung, khalam kha chu i ngaihtuah ve lo ni khan ka hria a--".

"Min hrilh rawh Jimin. Ka lakah i rilru hi ala ngai reng em min hrilh rawh. Awmdan min ti hre lo ania!". Ka banrekah rawn vuanin ka tawnglai chu min lo pawtchat a.

"Yoongi hyung, e-enge awmdan i sawi awmzia chu?".

"Jimin..". Ka hmai bul setah chuan min en a. "Min la duh em?".

Chhang lo in ka thutna atang chuan ka tho daih a, ka room lamah ka chho nghal a.

Ka inthlak lai chuan Yoongi chu room-ah a rawn lut a, en lo in ka inthlak san mawlh mawlh a, ka banah a rawn vuan a.

"I thin ka tirim em ni Jimin-ah?".

"Tirim lo e hyung".

"Min ngaidam dawn nia". Min vawnna chu a thlah a.

"Ngaihdam dilna tur a awm hleinem Yoongi hyung. Engmah tihsual i nei hleinem". A lam chu ka hawi zeuh a.

Ka thawmhnaw hlihho chu suk tura dah turin ka lakhawm a, ka kalsawn tur chu Yoongi chuan min lo dang a.

"Anih ka zawhna kha Jimin?".

"Hyung, awlsam taka theihnghilh che chu keipawn ka duh khawp mai. M-mahse ka tana ilo tawrhna zawng zawngte vang pawn ka hrereng tawh dawn si che a, nang chuan min hnaih tawh lo mahla chu chu ka tan chuan a danglamna a awm vak lo. Duhthlang thei turin zalenna i nei alawm".

Ka sawi zo chu alamah min pawt hnai a. "Duhthlan ka tum reng reng lo Jimin".

"Chu chu eng i sawina nge hyung? K-ka.. Nawrluih che ka tum lo Yoongi--".

"Min nawrlui hleinem Jimin. Ka duhthlanna, keima duhthlanna ngei alawm".

"Eng duhthlanna nge i sawi Yoongi ?", a lamhawiin ka en a.

"Kan pahnih tan mawle!". A sawi pah chuan min kuaiher a, ka hnunglam atanga min rawn kuahin, ka boxer chhung chu a zen nghal bawk a!

Ka thin chu phu dup dupin ka thawmhnaw pawmbawr tunho chu chhuatah ka thlauh a.