PLAYER | yoonmin | (mizo)

28.Feelings

Ka mutui lai chu ka harh zawk, ka sirlam chu ka hawi vat a, Jimin alo mu tawh lo. Khawnge a kal ang?

Ka thochhuak a, Jimin chu roomah hmuh tur a awm lo. Bathroom ah ka en a, alo awm bawk silo. Inhnuai ah a chhuk anih ringin kawngka lam chu pan ka tum a, mahse balcony kawngkhar zawn ka thlen chuan pardah thli in a chhem vanga che deuh delh delh chu ka hmu a, Jimin hian kawngkhar a khar lo amaw ni le.

Kharthat tuma ka panhnaih chuan pardah thli in a chhemlen karah chuan balcony thlanglam hawia Jimin min hnungchhawn zawng a ding chu ka hmu a, ka chhuak nghal vat.

"Jimin-ah?"

A rawn hawi a, a nui sek a.

Jimin's pov :

Suga mutthilh hnuah pawh ka mut ala chhuah loh avangin ka la mengkar a, zantir lama ka message dawn chu ka ngaihtuah neuh neuh. Boyfie thil tih bak niin ka ring lo, hepa hian enge a hriat a min chhaihbuai reng le? Kan inkar a duhthu ngeia titawp hmasa tu ani a, enge ka lakah hian ala beisei fo ni? Ka taksa neih tuma min beih chiam atang khan amah hi ka hlau riau tawh! A lo nunrawngin a duh a neih theihlohna chuan tualthah mai pawh a hrehtir dawn lo tih ka hrechiang tawh tlat. Tin, hetiang thil hi a lak atang khan ka chungah thleng thut thut thei reng ani bawk.

Thawhakin ka thochhuak a, ka hawnzen zen duh tawh loh balcony kawngkhar chu ka hawng a, thil thaw heuh heuh karah chuan ka chhuak ta a.

Suga lo riah avanga chhuak ngam ve chauh ka ni pakhat, ani hi zanin hian hetah awm lo se chu zanlaiah lehnghal he kawngkhar hi ka hawng hauh lo ang. Ngawi rengin thil thaw chu ka inchhem tir a, Suga alo harh em lo ang chu maw.

Tunhnai ka rilru hi ka hrethiam lo, a chhan chu Suga bula ka awm hian, ka bula a awm pawn ani tho ang chu, ka thla a muangin ka hahdam ve huai thin, Suga hi ka thlamuanpui anih ber chu, nidangah tiang hian a bula ka awmin thlamuanna ka la nei ngai lo. He thil hi tunhnai hian keipawh ka inhre ve chauh ani. Suga phei chuan hria se chu a inbeisei kher lo ang. Ka dinhmun min hriatthiampui vanga min pui mai chauh kha ani si a.

Ka inngaihtuah lai chuan ka hnunglamah penthawm ka hria, Suga chuan ka hmingin min ko a, nuisangin ka lehhawi nghal.

"Enge i tih a? Zan a rei a tawhin thli a thaw bawk si, vawt iti lo ami, i hritlang vek mai anga sin, hawh lut ang", a rawn ti nghal bawrh bawrh.

"Suga hyung, lo la ding lawk", ka tih chuan a ding a, a rawn hawilet leh.

"Enge ni? Inchhungah sawi ila?".

Ka lu ka bu ngauh a, kan inzui lut a. Kawngkhar chu ka kalh leh te te a, khumah chuan ka thu a.

"Enge ni a Jimin-ah? Tinge ilo chhuah daih? Engtikin nge i thawh reng reng?", zawhna min zawt nghal mawlh mawlh.

"Ala reilo, ilo chhuah hma deuh lawk khan ka chhuakfel ve chiah. Ka harh laklawh a, thlifim dawn pahin ka ding mai mai nih kha". Khumah ka ke tawmin ka khupah ka khabe ka nghat a.

"Enge i sawi tum chu ni a?".

Mutchhuak tak chuan a ti a, a ham nghal bai bai, a meng tawk tawk ani ber. Chu chuan ka nuih a tiza hle. Ka nui hak a.

"Suga hyung, ihh.. I-i ta ang tak takin m-min en thei angem?".

"E-engtin maw Jimin? Chu chu engtin..?", mak a ti tih hriat takin min en a.

"A-a ngai leh lo, t-theihnghilh rawh", khumah mut ka rual a, ka inlukhup nghal hmak a.

SUGA's pov :

Enge Jimin thusawi kha ni ngai? Ka hresual zawk amawni le? Jimin thusawi kha a awmzia ka hre lo. Ka mut a chhuakin ka meng mang bawk silo, ka hresual ani ngei ang.