PLAYER | yoonmin | (mizo)

23.Kissing

Tui taka ka mulai chu ka phone riin min tiharh a, zing dar 6 chiah chiah ani. Min lo call tu chu ka en a, eomma maw?

"Eomma, enge nita, engkim a tha maw?", men pawh meng peih lo in maimichhing chung chuan ka bia a.  "Engmaw! Appa in tawhsual a tawk maw?!", ka thuchhuak zawk. "Awle ka rawn haw nghal ang ee", thochhuakin ka jacket chu ka ha nghal mawlh mawlh a.

Ka thawmah chuan Jimin chu alo harh a. "Suga hyung, i va hmanhmawh hmel ve, enge thil thleng a awm ami?", a rawn ti a.

"Jimin-ah ka kal nghal a ngai, appa accident a!".

"Ani maw! Avan zialo ve".

"Ka kal phawt ang, kinah ka rawn bia ang che", tihleh inher ka rual a.

Jimin chuan, "lawkin min lo nghak lawk rawh hyung, ka va thlah ang che", tiin a thochhuak a.

"A ngai lo Jimin-ah ta tangin bus emaw taxi emaw pawn ka kal thei lawm, nang chu la mu rawh", ka ti a. Motor ka kenloh tum tak ani.

"Min hnial duh suh hyung, i hmanhmawh tih ka hria lawm", kawrlum aha a, drawer ah chuan chahbi phawrh in kan inzuichhuak a.

Jimin chuan motor a khalh a, kan inbe tlem viau.

"I pa chu ana viau em?", Jimin chuan a ti a.

"Na lutuk lo e, mahse eomma chauhin a buaipui theih avangin ka ngaihtuah ve deuh".

"A pawi ka tihpui hle mai che hyung".

In chu kan thleng a, Jimin chu lo lut ve tura ka sawm chuan a duh tlat lo a, motor atang chuan rawn chhuak ve lo in a tlan let leh nghal a.

Inchhung ka luhrual rual chuan eomma chu ka ko nghal a, min chhang mai lo. An room lama thawm ka hriat avangin an room lam chu ka pan a.

An room chhuatah chuan eomma chuan appa ban alo tuam mek a, chhuatah te chuan thisen farna tlem hmuh tur a awm bawk.

"Eomma, appa, enge awmzia, enge thleng?", ka tawngri an hriat chuan an rawn hawichhuak rual a.

"Bawiha ilo thleng tawh maw, zingah mamawh lei tura i pa chhuak kha misual tuemawin kut an lo thlak palh alawm mawle", eomma chuan a ti a.

"Bawiha ka tha e, ngaihtuah awm ka nilo e", appa chuan a rawn ti ve a.

"Ngatinge min rawn phone mailoh eomma? Ka rawn lei haw mai tur ania", khumah chuan ka thuthla a.

"Engmah nih loh hi bawiha, hei ana hleinem, a dam leh vat mai ang", appa in a tih chuan a inthlahrung tih ka hrethiam mai.

Ka rawlthar tan tirhchhoh, appa zu in thinlai khan lenchhuah leh zurui dangte nena insualbuai kha an hrat em em a, khatih hunlai khan appa kha ka haw thei khawp mai, eomma mittui tla zawih zawiha a siam thin vang khan ka ngei thin ani. Naupang ang mai ka la nih avangin eng han tih theih ka neilo a, eomma rilru na kha ka thiam ang angin ka lo hnem ve thin.

Eomma chuan chhuata thisen far te chu a hrufai a, chutihlai chuan ka room ah ka chhohsan a, room ka lut chu kan thenawmpa pu Choi-a zan lenghaw ni ngei tur hi khawlaia a zai leh vak vak thawm hi ka hre nghal zat a, tukverh bulah chuan kalpheiin pardah chu tlem ka keuhawng a, ka rin ang ngeiin pu Choi-a chu ruizeta kal pai tuang tuang chung chuan alo zai vak vak a. Zankhua khua in a lengbo thin sia, khawnge a riah ve thin ang le tih te chu ka ngaihtuah mai mai a.

Breakfast ei tura ka chhuk leh chuan eomma chauh alo awm a, appa awmna chu ka zawt a, pu Choi-a a va thilthlai thu in min chhang a, thian inkawmngeih tak kha an ni bawk a, appa'n hliam tuar mah se, a thianpa zuirui buaipui chu a thulhphah chuang lo ani hi.

Breakfast eizawh chuan eomma chu bazar turin a chhuak a, appa erawh inah a awm thung. Keichu ka hna kal turin ka insiam a, eomma lo haw chu ka nghak leh phawt a, a lo haw chuan a rawn bawrlut hle.