Chapter 34 STTA
January 09, 2024
Chapter 34ယင်းမင်ကျန်းက အိမ်တွင်ရှိနေပြီး အခန်းရှင်းနေသည်။ သူက တစ်အိမ်လုံးရှိနေရာတိုင်းကို စေ့စေ့စပ်စပ်ရှင်းလင်းနေပြီး ဧည့်ခန်းထဲရှိနေရာတိုင်းကို သုတ်သင်နေသည်။ တစ်အိမ်လုံးတွင် ယင်ချန်း၏အငွေ့အသက်တိုင်းကို လိုက်၍ပိုးသတ်နေသလိုနှင့်ပင်တူသည်။
အမှန်တွင်သော သူက ယင်ချန်းကို အဝေးသို့ပို့ချင်ခဲ့သော်လည်း ကျိုးကျွမ်က သဘောမတူခဲ့သောကြောင့်ဖြစ်သည်။
ဖြစ်နိုင်လျှင်တော့ ယင်ချန်း၏အိမ်တွင် လုံးဝ မနေချင်ပေ။
ထို့အပြင် လှူဒါန်းသည့်ပိုက်ဆံကလည်း…
ယင်းမင်ကျန်းက ဆိုဖာပေါ်သို့ အဝတ်စုတ်နှင့်သုတ်လိုက်ကာ သူ့ဘာသာ တိတ်တဆိတ် စဉ်းစားလိုက်သည်။
ငါပိုက်ဆံရှာပြီး လှူထားတဲ့ပိုက်ဆံတွေကို ပြန်ပေးရမယ်…
ဆောင်းရာသီပိတ်ရက်က ရောက်လာတော့မည်ဖြစ်သည်။ ကျောင်းက သူ့ကို နားခွင့်ပေးထားသည့်အတွက် ဤတစ်ခေါက်ပိတ်ရက်ကို သူစောစောရတော့မည်ဖြစ်သည်။ သူတကယ်လည်း ကျောင်းမသွားချင်ပေ။
သူအလုပ်ရနိုင်တာပဲမလား။
တံခါးလော့ဖွင့်သည့်အသံကို ဝင်ပေါက်ကနေ ကြားလိုက်ရသည်။ တံခါးက ပွင့်လာပြီး ကျိုးကျွမ်က အထဲသို့လျှောက်လှမ်းလာသည်။ သူမက လက်ထဲတွင်လည်း သေတ္တာနှစ်လုံးကို ကိုင်ဆောင်ထားသေး၏။
“မာမား” ယင်းမင်ကျန်းက ထရပ်လာသည်။
ကျိုးကျွမ်က သူ့ကိုတွေ့သောအခါ အပြုံးနှင့်ပြောလိုက်သည်။
“မင်ကျန်း ဒီကိုလာ မာမားသားကို ပစ္စည်းကောင်းလေးတွေ ပေးစရာရှိတယ်”
ယင်းမင်ကျန်းက ခဏမှင်တက်သွားရသည်။ ထို့နောက် သူ့မျက်ဝန်းများက သူမ၏ခြေထောက်နားရှိ သေတ္တာများဆီသို့ ရောက်သွားသည်။ သေတ္တာအကြီးတစ်လုံးနှင့် အသေးတစ်လုံးဖြစ်သည်။
ကျိုးကျွမ်က သေတ္တာများကိုယူ၍ ထမင်းစားစားပွဲဝိုင်းပေါ်သို့ တင်လိုက်သည်။ သူမက ဗုံးအသေးကိုဖွင့်လိုက်ကာ အထဲမှ အနက်ရောင်ဖုန်းလေးကိုယူ၍ သူ့ထံ ကမ်းပေးလာသည်။
DU LIEST GERADE
သနားစရာကောင်းတဲ့ ဗီလိန်လေးကိုကယ်တင်ခြင်း
Aktuelle LiteraturOriginal Title Saving the Tragic Adonis •Associated Names 拯救美强惨反派[穿书] •Type Web Novel (CN) •Genre Comedy School Life Shounen Ai Slice of Life •Author(s) Dōng Fāng Huáng Guā Eastern Cucumber 东方黄瓜