ကံကောင်းသော ဇနီးသည်

6. a poor one

" အစ်မ! ကျွန်တော် ညစာလာပို့တာ "

လီမန်က ကလေးသံလေးကြောင့်တောင့်မခံနိုင်တော့ဘဲ တံခါးကိုဖွင့်ကာ ဂရုတစိုက်ဖြင့် သူ့ခေါင်းတစ်ဝက်ကိုထုတ်လိုက်သည်။ ချောမောကာ ပိန်လှီသည့်ကောင်လေးက တံခါးဝမှာ တစ်စုံတစ်ခုကိုကိုင်ထားပြီးရပ်နေတာကိုမြင်လိုက်တော့ သူမတံခါးဖွင့်လိုက်ကာ ပြုံးလိုက်ပြီးနော​က် သူမလက်တွေကိုအချင်းချင်း ဆုပ်နယ်နေမိလိုက်သည်။

ပန်းကန်လုံးက သူမလက်ထဲရောက်လာပြီး

" အစ်မအတွက် ရော့! "

ဒါကစားဖို့လား? လီမန်ကသူ့လက်ထဲကပန်းကန်ကိုကြည််လိုက်ပြီးနောက်ပြောလိုက်သည်။

" ကျေးဇူးပါ "

ကောင်လေးက ရှက်သွားပုံရပြီး ချက်ချင်းလှည့်ကာထွက်ပြေးသွားတော့သည်။

လီမန်က နူးညံ့စွာပြုံးလိုက်မိသည်။
ရွာအဝင်ဝမှာ သူမကို ကြိုးတုပ်ထားကြတဲ့ လူတွေကလွဲလို့ ဒီမိသားစုကတော့ သူမကိုအရမ်းဂရုစိုက်ပုံရပြီး ရိုးသားတဲ့ခံစားချက်ကိုပေးသည်။

ပြောင်းဆန်ပြုတ်တစ်ပန်းကန်နဲ့ ပူပူနွေးနွေးငှက်သိုက်နှစ်ခုက ပြောင်းဖူးရဲ့ချိုမြိန်မှုကိုဖြည့်စွမ်းပေးရာ လီမန်ရုတ်တရက်ဗိုက်ဆာလာသလိုပင်ခံစားရသည်။ သူမက အိပ်ရာဆီသို့လှည့်ကာပြန်သွားထိုင်ပြီးနောက် စတင်စားတော့သည်။ (AN/ two hot nests ဆိုတော် ငှက်သိုက်ဖြစ်မယ်ထင်ပေမဲ့ ကိုယ့်အထင်သူတို့ကဆင်းရဲတာဆိုတော့ ငှက်သိုက်တော့သောက်နိုင်မယ်မထင်ပါဘူး ငှက်ဥပဲထင်ပါတယ် ဘာပဲဖြစ်ဖြစ်ရေးထားတဲ့အတိုင်းပဲပြန်လိုက်ပါတယ်)

ပြောင်းဆန်ပြုတ်ဇွန်းကို ပထမဦးဆုံးစားလိုက်ချင်းမှာ အရမ်းမွှေးတယ်လို့ခံစားရပြီး အသက်တစ်ရှိုက်နဲ့တင်သူမအကုန်စားပစ်လိုက်တော့သည်။ ထို့နောက်တော့သူမအစာအိမ်က အလွန်ကို သက်သောင့်သက်သာရှိနေခဲ့၏။

ဒီပန်းကန်ကိုအလွတ်ကို မီးဖိုချောင်ထဲ ဘယ်လိုပြန်ပို့ရမှာလဲ?
သူမအပြင်မထွက်ရဲပေ။

ကံကောင်းထောက်မစွာနဲ့ လီယန်ကသူမရဲ့အကျပ်အတည်းကို ခန့်မှန်းမိပုံရပြီး သူကအချိန်တွက်ပြီးတာနဲ့ သူမစားပြီးလောက်သည့်အချိန်တွင် ရှောင်းဝူကို ပန်းကန်သိမ်းဖို့လွှတ်လိုက်သည်။