/မင်း ပျင်းနေရင် ငါနဲ့လိုက်ခဲ့ ကူပြီး လူကြည့်ပေး/
/တော်စမ်းပါ ဂယူဗင်းက မလိုက်ရဘူးတဲ့/
ဂယူဗင်းက ရေမသောက်ရဘူးလို့ ပြောရင်
ရေဗူးကိုချပြီး ချက်ချင်း ဘီယာဗူး ပြေးကိုင်မယ့်အထိ ချွမ်းရွေ့က ဂယူဗင်း စကားဆို မငြင်း။
/အဲကောင်က ဘာကောင်မို့လို့ မလိုက်ခိုင်းရတာလဲ
မင်းကလည်း ငါ သူငယ်ချင်းဖြစ်ပြီး
ရည်းစားကြောက်ရလား/
ငါတုန်းကဆို ရည်းစားတွေကို ကြောက်ကိုမကြောက်တာနော်။ ဝူဟွန်းက ခေါင်းတခါခါ။
သူငယ်ချင်းလို့ပြောရမှာတောင် ရှက်မိသည်။
/ဘာမှ ကြောက်တာမဟုတ်ဘူး
ငါက ဂယူဗင်း စိတ်ဆင်းရဲသွားမှာဆိုးလို့/
ကြောက်တာမဟုတ်ဘဲ ချစ်တယ်ဆိုတဲ့ အကြောင်းကိုတော့ ချွမ်းရွေ့က မရှင်းပြတော့။ဝူဟွန်းက နားလည်မယ်လည်းမထင်လေ။
/အပိုတွေ/
/ဟေ့ကောင် ငါ ရာဇ၀င်မှာ
ရည်းစားကြောက်တယ်ဆိုတာ မရှိဘူး
မင်းနဲ့ လိုက်ပြမယ် ကြည့်နေ/
ဒီလိုကြောတာကိုတော့ မခံနိုင်။ချက်ချင်း တက္ကစီ
ငှားပြီး ဝူဟွန်း အိမ်ကို သွားသည်။ တက္ကစီပေါ်ရောက်ပြီး ခဏကြာတော့ ချွမ်းရွေ့သည်
စိတ်မလုံ။ဝူဟွန်းထံ စာတစ်စောင် ထပ်ပို့လိုက်သည်။
/ဂယူဗင်း မသိစေနဲ့/
***
ဘာပြဿနာတက်လာလဲ မသိပေမဲ့
ဒိတ်သွားလုပ်သည့် စီနီယာအစ်မက
ဂယူဗင်းဆီ လာတွေ့သည်။ဂယူဗင်းသည်
အဲအစ်မ လမ်းလျှောက်လာတာကို မြင်ကတည်းက
ခုံအောက်ပြေးပုန်းချင်မိသည်။
ဘာမှန်းမသိပေမဲ့ အဲဝူဟွန်း ဆိုသည့် တစ်ယောက်နဲ့ ပတ်သက်လျှင် ကောင်းတာတော့မဖြစ်နိုင်။
"ဂယူဗင်း နင်ပြောတဲ့ ကောင်လေးလေ"
မောမောနဲ့ ၀င်ထိုင်သည်။မျက်နှာကိုကြည့်ရတာတော့ သိပ်ပြီး အဆင်မပြေတဲ့ အမူအရာမဟုတ်။
