"အာ ဟုတ်ကဲ့ ဟုတ်ကဲ့ သင်ပါဗျ သင်စရာရှိတာ ဆက်သင်ပါ"
ယောင်လည်ဝေ့လည် လုပ်လိုဟန် ရှိသော မျက်စိရှေ့က ပုဂ္ဂိုလ်ကို ကိုယ့်မှာ ဧည့်ခံဖို့ အချိန်အားမရှိ။တစ်ဖက်ပြူတင်း၀သို့ တစ်ချက်ကြည့်၍ သားစာရေးနေသည်ကို မြင်ရပြီးချိန်တွင် အတန်းထဲက ကိုယ့်ကလေးအုပ်စုကို ပြန်၍ အကဲခတ်ရသည်။ရှာခိုင်းထားသည့် မှတ်စုများ ပြီးစီးသွား၍ ထင်ပါ၏။အတော်များများ Highlighterများ အဖုံးပြန်ပိတ်ပြီး တချို့ဆိုလျှင် တီးတိုးတီးတိုး ခေါင်းချင်းဆိုင်၍ စကားတွတ်ထိုးနေကြပြီ။ဆရာရှိနေ၍သာ အသံမထွက်ကြခြင်း။
"ကဲ အားလုံးပဲ outlineထုတ်ခိုင်းထားတာတွေ ပြီးပြီလား"
"ပြီးပါပြီ ဆရာ!"
"ဒါဆို Page Number 245ကို သွားမယ်။Audio tape 6.9ဟုတ်တယ်နော်"
"ဟုတ်ပါတယ်"
"အိုခေ ဒါဆိုရင် ဆရာက Person Aနဲ့Bရဲ့ Coversationကို ဖွင့်မယ်။သေချာနားထောင်ပြီးရင် အောက်မှာ ပြထားတဲ့ Matchingမှာ အနီးစပ်ဆုံးတူတဲ့အတွဲကို မင်းတို့တွေက ချိတ်ပေးရမယ်။ကဲ အားလုံးပဲ အာရုံစိုက်ပါ။ပြီးသွားမှ ဆရာ သားက မကြားလိုက်လို့၊သမီးက မကြားလိုက်လို့ဆိုတဲ့ ဆင်ခြေမျိုး မကြားချင်ဘူး။"
"ဟုတ်ကဲ့!"
"Are you ready?"
"Ready,teacher!"
"Fine.Let's get started!
Track No.6.9.
How to...."
တိပ်Recorderကိုယူ၍ ခလုတ်ဖွင့်မည်ပြုသည့်နောက်တော့ တိတ်ကျသွားသည့် အခန်းတွင်းက လေထုနှင့်ထပ်တူ ယောင်လည်ဝေ့လည် ရပ်နေသော ပုဂ္ဂိုလ်မှာလည်း အခန်းထဲကနေ၍ ခပ်သွက်သွက်ထွက်သွားတော့၏။
"ဟိ"
"မိန်းကလေးတွေ စာထဲ အာရုံစိုက်မယ်"
ထွက်သွားသော ဆရာဖြစ်သူ၏ မချိုမချဥ် လေငန်းဖမ်းသော မဲ့တဲ့တဲ့မျက်နှာကို တပည့်ဖြစ်သူ မြီးကောင်ပေါက်မများက အကျအန လိုက်ကြည့်၍ ဟိုထိုးဒီဆိတ် တခိခိရယ်ကြသည်။ကျန်ကလေးများ စာထဲ အာရုံမရပါဘဲ အနှောင့်အယှက်ဖြစ်မည်ကိုစိုး၍ ခုံကိုတစ်ချက်ပုတ် မာန်မှ ကုပ်ပုကာ စာအုပ်ဆီ မျက်လုံးပြန်ရောက်၏။
မိတ်ဆက် (2)
Start from the beginning
