PLAYER | yoonmin | (mizo)

42.Playing

Jae Chang chuan thutnaa a phone dah chu ala mek a, "i phone kha min lo entir lawk teh Jae Chang", ka sawi zawh rual rual chuan a kut ami chu ka lathla nghal a.

"Enge ni a?", chhang lo in team ho thlalak chu ka enkual a, mahse ka mizawn tak ka hmu lo. "Enge i en a? Zawn nei i va ang ve?".

"Zawn nei lo e, thlalak ka kawl veloh ho ka enkual zuai anih kha", a phone peklet pah chuan ka ti a. Club kan kalzana min tibuaitu Chang Min leh kha ka hmelhriat pa khan inzawmna an neih ngei ka ring tlat ani.

Haw kawngah chuan kan titi phei a, zan inkhelh hi kan chingthar dun a, a zawngchhang tlak dawn hle in ka hria.

In ka thlen chuan eomma leh appa ka hmukawi leh phawt a, an lo mut tawh avangin thawm dim takin an room chu ka chhuahsan a.

Shower ka neihlai chuan Jimin ka ngaihtuah chhuak a, hmannia a thusawi kha chiang takin, ka beng ngei hian hriat ka duh. Jae Chang khan ngaihzawng ka ngaihven lo a ti maw kha...

A tuk zan hna ka bang chu chauh ana hle mai. Jae Chang chuan inkhelh puiah min rawn sawm a, mahse zanin chu ka hnial a. Ka telloa a peih bik loh avangin a ni pawn a thulh ve nghal a.

Chhuak tur chuan ka insiam zui nghal a.

***

"Jimin?", kawngka a rawn hawn veleh ka lo ti nghal, nuisangin lut turin min sawm a, Jimin rilru thatna em em chu ni engemaw zat ka be lo a, a feelings ka haider sak hnuah pawh puih ka ngaihna ah min pui hreh hauh lo in min la pui zel a, ka tan, a hmaa a awm ang bawk khan pangngai takin ala awm thei a, kei ni ila ka thei ve angem? Nge ni a pangngai ang taka ka hmuhlai hian a rukin nasa takin alo tuar reng zawk?

Cigarette ka zu tur chu Jimin chuan min lo dang vat a, zawhna mitmeng nen Jimin chu ka en ha a.

"Zu tawh suh chu ka ti dawt thei lo che hyung, mahse i pum anat thut thut thin kha, insum ve deuh la".

A sawi dik reng ani. Ka cigarette chu ka ak a, Jimin banah chuan vuanin ka lamah ka pawt hnai deuh a. "Ka lawm e, min ngaihtuah a".

"E-engmah nihloh kha", min nawrsawn a tum chu ka thut hnaih sauh a. "Hyung?".

"Ka tan i awm reng ang tih hi sawi ve rawh Jimin?", ka ti a, a mita ka en reng hnu chuan a hmui chu ka en leh.

"Aw hyung, i tan ka awm reng dawn lawm".

"Rei tak thleng i awm thei ngem? Engpawh thleng se..?".

"T-tehreng mai. Mahse tinge zawhna min zawh vak vak a?"

"A chhan chu.. Ka hre leh duh, Jimin, vawikhat chauh sawi leh rawh".

"Eng chungchang maw ka sawi ang Yoongi hyung?".

"M-min ngaina tih hi", chu thu ka sawi chuan a mit a chhing sawk a.

"I hre reng alawm hyung..".

"Dawt nge a tak tih ka hre hauh lo Jimin". Ka mit chu lasawn duhloin amah chu ka en tlat a.

"A dik alawm hyung. Kei hian k-ka duh c-che lawm, mahse ka t-thiamloh ani bik-", a sawizawh hma chuan ka fawp thut a, mahse nidang angin min chhanglet lo, a thungil at a, a mit pawh a meng tlat a.

"I thiamloh ani reng reng lo ania Jimin-ah..", ka sawizo chu ka va fawp leh ngat, mahse a inlahrang vat a.

"Mahse, mahse i rilru..".

"Kha chu ka kutah dah rawh, aw?", a mitah chuan ka en a, a rawn bu nghat a.

Pawnlama thawm rawn awm avang chuan kan hawiphei a, Jimin chu a thutna atang chuan a thawh a tum a, mahse ka vuan bet a. "Lo awm rawh, ka va en ange".