ကျောင်းထိန်းသိမ်းရေးလူကြီးပိုင်းများအားလုံး ရှိနေကြသဖြင့် ကျိုးကျင်းဇယ်ရော ရွှီဆွေပါ ယဥ်ယဥ်ကျေးကျေးဖြင့်သွားရောက်နှုတ်ဆက်လိုက်ကြသည်။ ကျောင်းအုပ်ကြီးမှာ ကျိုးကျင်းဇယ်ကိုလှမ်းမြင်လိုက်သည်နှင့် ချက်ချင်းလှမ်းခေါ်နှုတ်ဆက်လိုက်ပါသော်ငြား နံဘေးနားတွင်ရပ်နေသည့် ရွှီဆွေ၏အလှည့်တွင်တော့ ရုတ်တရက်ငြိမ်ကျသွားပြီး နာမည်စဥ်းစားမရဖြစ်နေချေ၏။
ထိုအခါ အတန်းပိုင်ဆရာမက စကားလမ်းကြောင်းကိုဆက်၍
"သူ့နာမည်က ရွှီဆွေ...အဲ့တုန်းက ကျွန်မတို့အတန်းရဲ့အလိမ္မာဆုံးကောင်မလေး ၊ တက္ကသိုလ်ဝင်တန်းစာမေးပွဲတုန်းကလည်း ဒုတိယလေ...ကျိုးကျင်းဇယ်ရဲ့နောက်မှာပေါ့"
ကျောင်းအုပ်ကြီးက ထိုအခါမှအမှတ်ရသွားခဲ့ပြီး သူ့ခေါင်းသူ ပုတ်လိုက်၏။
"ဆရာ့ဦးနှောက်ကိုကြည့်ကြပါဦးဗျာ...မှတ်မိပြီ မှတ်မိပြီ ၊ ဒါကတော့ ဒီကောင်လေး အရမ်းဆိုးခဲ့တာတွေကိုပဲ အပြစ်တင်ရတော့မှာပဲ...ကျောင်းထဲမှာနေ့တိုင်းရန်ဖြစ်ပြီး ပြဿနာရှာနေတဲ့ကောင်လေးဆိုတော့ မမှတ်မိလို့ကိုမရတော့တာ"
ကျိုးကျင်းဇယ် လှစ်ခနဲပြုံးလိုက်ရုံကလွဲ ခွန်းတုံ့ပြန်ပြောမနေတော့ချေ။
"ဒီကောင်လေး မဆိုးဘူးလို့ပဲပြောရမယ်..ကောင်းတယ် ကောင်းတယ် လမ်းမှန်ကိုဖြောင့်ဖြောင့်မတ်မတ်လျှောက်သွားနိုင်တယ်"
ကျောင်းအုပ်ကြီးက စတိတ်စင်ဘက်သို့တစ်ချက်လှည့်ကြည့်ပြီး ရယ်ပြုံးပြုံးဖြင့်ဆက်၍
"ဂျူနီယာညီလေး၊ညီမလေးအတွက် စင်ပေါ်တင်ပြီး မင်းရဲ့အောင်မြင်မှုအတွေ့အကြုံတွေအကြောင်း သုံးလေးခွန်းဝေမျှပါလား"
ကျိုးကျင်းဇယ်မှာ ဘောင်းဘီအိတ်ကပ်ထဲ လက်ထည့်ထားရင်းပင်စကားဆိုလိုက်သည်။
"မလုပ်ပါရစေနဲ့ ၊ ကျွန်တော် အထက်တန်းတုန်းကဖြင့် ဂိမ်းဆော့လိုက် ရည်းစားထားလိုက်နဲ့ပဲအချိန်ကုန်နေတာ ၊ ကျောင်းအုပ်ကြီး ကျွန်တော့်ကိုသွားပြောခိုင်းမှ ပိုမှားနေမယ်နော်"
ČTEŠ
ဖွင့်ဟဝန်ခံခြင်း [ ဘာသာပြန် ]
Romance--ကောင်းကင်ပြင်ကြီး ခြားနားထားမှန်း သိနေတာတောင် ချစ်ခြင်းမေတ္တာတွေကို နေ့တိုင်း စာအိတ်လေးထဲ ထည့်ထားတုန်းပါပဲ--
Chapter 94 ( Ending)
Začít od začátku