(33)
အမျိုးသမီးနှစ်ဦး ရဲ့ ကော်ဖီ ခွက်တွေက စားပွဲ ခုံပေါ်မှာ နေသားတကျ ငြိမ်သက်နေသည်။
ဒေါ်ယုယဟန် နှင့်ဒေါ်ရတီလှိုင်း...
" ပညာရေး၀န်ကြီး ဖြစ်ရင် တို့ကို မမေ့ရဘူးနော် ဒေါ်ရတီလှိုင်း။"
ထိုစကားကိုကြားတော့ဒေါ်ရတီလှိုင်းက အားရစွာရယ်လိုက်ပြီး
" 96 ထဲက သူငယ်ချင်းတွေ ကိုဘယ်မေ့နိုင်ပါ့မလဲ၊ နာမည် အရင်းခေါ်တာ သူစိမ်းဆန်လိုက်တာ။"
" ယူက တို့ကိုမေ့သွားမှာစိုးလို့ပါ။"
" ဒီမယ် အပျိုကြီး... ကျွန်မတို့ သူငယ်ချင်းဖြစ်တာ ဘယ်လောက်ကြာပြီလဲ ရှင်နော်။"
ဒေါ်ရတီလှိုင်း ရဲ့စကားကြောင့် ဒေါ်ယုယဟန် က ရီမောလိုက်ပြီး သောက်လက်စ ကော်ဖီ ခွက်လေးကို စာပွဲပေါ်တင်လိုက်သည်။
" ဟုတ်သား၊ ယူ့သမီးလေးရော အဆင်ပြေရဲ့လား။"
"ပြေပါ့ရှင်၊ သူ့အဖေရဲ့ ခြေရာ တစ်ထပ်ထဲဘဲ။ စိုးရိမ်တာက သမီးအကြောင်းမီဒီယာတွေမှာ ပျံ့သွားရင် ..."
"အို ... သမီးက ကောင်းတာလုပ်တာဘဲဟာ၊ ယူ၀င်ပြိုင်မယ်ဆိုတာရော သမီးသိရဲ့လား။"
" သမီးကိုတော့မပြောရသေးပါဘူး၊ တို့ ပညာရေး၀န်ကြီးဖြစ်ဖို့ ဆိုပြီး သမီး ကိုချနင်းတယ် ဆိုတဲ့လူတွေရဲ့ပါးစပ်ကိုကြောက်တာ၊ ဘာမှမသိရှာတဲ့ သမီး ကို စိတ်အနာတရမဖြစ်စေချင်ဘူး။"
" မပူပါနဲ့ရှင်၊ အဲ့သတင်းတွေတတ်လာရင် တို့ ကူရှင်းပေးမှာပါ။"
" ရှင့်ကိုဘဲအားကိုးရမယ် သူငယ်ချင်းရယ်။"
"အခုလက်ရှိ၀န်ကြီး နေရာကိုဘဲအာရုံစိုက်...နော်။"
ဒေါ်ယုယဟန်ရဲ့ စကားကြောင့် ဒေါ်ရတီလှိုင်းလဲ သက်ပျင်းသဲ့သဲ့ ချနိုင်လိုက်ရသည်။
" ပြီးတော့၊ အခုတလော ယူ ကြာညိုနွယ်ရဲ့ မိဘတွေဆီသွားတာ လျှော့ရမယ် နော်။"
"အယ် ဘယ်လိုသိ..."
"ကျွန်မ ယူ့သူငယ်ချင်းပါ၊အခုထိ ရှင် မမေ့နိုင်သေးဘူးမလား၊ ပြီးတော့ အိမ်ရှေ့ခန်းက မိသားစုဓာတ်ပုံနေရာမှာ ရှင်မရှိချင်တဲ့သူ ရှိနေတာကို မကြိုက်ဘူးမလား။"
YOU ARE READING
တောရိုင်းပန်းတို့မညိုးစေချင်။
Actionဝေးကွာရခြင်း... ထိုဝေးကွာရခြင်းကို ချစ်ရတဲ့သူကဘဲ ရွေးချယ်ခဲ့တဲ့ နောက်ပြန်မလှည့်ခြင်းတွေ... ဖခင်ဖြစ်သူ ရဲ့ရည်မှန်းချက်နဲ့ တောရိုင်းပန်းတွေကို မညိုးစေချင်ခဲ့တဲ့ တယောငယ်ဆိုတဲ့ ဆရာ၀န်မလေး... ဘယ်လောက် ဘဲ ဝေးမဲ့လမ်းတွေလာပါစေ ချစ်ရသူအတွက်ဆို ပင်လယ်ကိုလည်း...
