(3)
" မောင်... "" မမ နိုးပြီလား။"
"အွန်း..."
" မမ ကြိုက်တဲ့ ပါစတာ ချက်ထားတယ်။"
"မမရေချိုးလိုက်အုံးမယ် မောင်။"
"ဟုတ်ပါပြီဗျာ။"
မမရေချိုး ပြီးချိန် အဆင်သင့်စားလို့ရအောင် လိုအပ်တာ ဆက်ပြင်ဆင်ပေးပြီး မမ ကိုထိုင်စောင့်နေလိုက်သည်။
ရေချိုးခန်းထဲမှာတော့ ကိုယ့်ကိုကိုယ်မှန်ထဲ ပြန်ကြည့်ရင်း အဆင်ပြေမှာပါဆိုတဲ့စကားကိုသာ ထပ်ခါတလဲလဲ ရေရွတ်နေတဲ့ တယောငယ် တစ်ယောက်
အဆင်မပြေရင်ရောဆိုတဲ့အသိတွေကိုထွေးပိုက်ရင်း မောင့်ကိုလည်းအားနာနေမိသည်။တဖက်ကဖေဖေ့ရဲ့ရည်မှန်းချက်တွေကိုလည်း အကောင်ထည်မဖြစ်ဖြစ်အောင်ဖော်ရမယ်ဆိုတဲ့အသိနဲ့ မွန်းကြပ်နေတဲ့စိတ်ကို ရေအေးတွေနဲ့ ဖုံးလွှမ်းရင်း"မောင် dryer ဘယ်နားထားလဲဟင်။"
"မမ အပေါ်က အထပ်မှာရှိတယ်။ လာ မောင်ဘဲသုတ်ပေးပါ့မယ်။"
မမကို ဆိုဖာပေါ်ဆွဲခေါ်လာရင်း လက်ထဲက တပတ်ကိုလှမ်းယူကာ မမကိုဆိုဖာ ပေါ်မှာထိုင်ခိုင်းလိုက်သည်။
"မမ နဲ့မောင်ယူပြီးရင် မမဆံပင်တွေကိုမောင်ဘဲသုတ်ပေးမယ်။မမအတွက်မနက်စာကိုမောင်ဘဲလုပ်ပေးမယ်။"
မောင်ပြောတဲ့စကားကြောင့်တယောငယ် ရဲ့ စိုးရိမ်မှုတွေက ပို၍တိုးလာသည်။
မောင်က သူမအပေါ်အရမ်းအားကိုးအားထားသည်။ မျှော်လင့်ချက်တော်တော်ထားသည်။မောင့်ကိုသနားမိသည်၊ တဖက်ကဖေဖေ့ရဲ့မျှော်လင့်ချက်တွေကိုလည်း မစွန့်လွှတ်ချင်။" မောင်။"
"ပြောလေ၊ မောင်နားထောင်နေတယ်။"
"မမပြောစရာရှိတယ်၊ ဒီမှာ ခဏလာထိုင်။"
"မမ ခေါင်းမခြောက်သေးဘူးလေ။"
" ရပါတယ် ဒီမှာခဏလောက်လာထိုင်။"
မမ မျက်နှာပေါ်မှာ တည်ကြည်တဲ့အရိပ်အရောင်တွေတွေ့တာကြောင့် မောင်လည်း ဆက်မပြောတော့ဘဲ မမဘေးက ဆိုဖာခုံမှာ၀င်ထိုင်လိုက်သည်။"မမ ဧရာ၀တီတိုင်းကိုသွားရမယ် မောင်။"
"ဟင်"
"မမဒီမှာဘဲအလုပ်၀င်မှာမဟုတ်ဘူးလား။"
မောင့်နှလုံးခုန်သံတွေဟာ ပုံမှန်ထက်ပို၍မြန်ဆန်လာခဲ့သည်။မမဘယ်လိုအဓိပ္ပာယ်နဲ့ပြောနေတာလဲဆိုသည့် အတွေးတွေနဲ့
"မမ တောင်းပန်ပါတယ်။"
YOU ARE READING
တောရိုင်းပန်းတို့မညိုးစေချင်။
Actionဝေးကွာရခြင်း... ထိုဝေးကွာရခြင်းကို ချစ်ရတဲ့သူကဘဲ ရွေးချယ်ခဲ့တဲ့ နောက်ပြန်မလှည့်ခြင်းတွေ... ဖခင်ဖြစ်သူ ရဲ့ရည်မှန်းချက်နဲ့ တောရိုင်းပန်းတွေကို မညိုးစေချင်ခဲ့တဲ့ တယောငယ်ဆိုတဲ့ ဆရာ၀န်မလေး... ဘယ်လောက် ဘဲ ဝေးမဲ့လမ်းတွေလာပါစေ ချစ်ရသူအတွက်ဆို ပင်လယ်ကိုလည်း...