عشقي السري

جفاء

على مائدة الفطور يراقبها بلهفة .. ينتظر إشارة .. كلمة
يشبع عينيه من ملامحها التي بات يعشقها،
لما هي صامتة هكذا؟! لم تنظر إليه ولو للمحة عابرة..
عينيها منتفخة، هل بكت ، ولم؟!
ألم تقل لصديقتها بأنها تحبه، ما الخطأ الذي اقترفه

- حبيبتي إيف شبك شو زاجك، بكيانة شي ؟ إذا في أي شي زاعجك بتخبريني أنا متل أمك

- ماما رنا لا تخافي عليي أنا منيحة بس متوترة شوي اليوم عنا مذاكرة عملي وسهرت لادرسلا

- طيب حبيبي، بس دائما تذكري إني حدك هون، شو ما زعجك بالدنيا أنا وابني مجد رح تلاقينا سند الك تمام !

- تهز رأسها بموافقة وصمتت

ينهض مجد ويتجه لمكتبه ويقول لايف
- ايف اذا خلصتي تعالي عالمكتب

تنهض إيف وقد عزمت الأمر على أن تضع الحدود بينها وبينه فهي لا تحتاج شفقته، تدخل وتغلق باب المكتب بعد أن أشار لها بذلك وتقف بعيدا عنه

- خير سيد مجد ( وعينيها موجهة نحو المكتب لا تقوى على رفعها ومواجهته )

يقترب منها مجد ويمسك يديها ويقربها منه ويقول
- بتوقع بعد الي صار مبارح فينا نستغنى عن كلمة سيد مو
( تبتعد بحزم وترفع رأسها وكأنها مستعدة لخوض حرب )
- لا مافيني استغنى ، وبدي وضح شي، انو الحديث الي سمعتو أيٍّ كان، كان بصيغة المزح والضحك وأنا ما بعني فيه أي شي ( يرفع حاجبيه وكأنه يقول، هل تصدقين كلامك حتى أصدقه أنا؟؟! )
ومهما كان، حضرتك ما كان لازم تسمع هيك شي .. بيقولو لا تسمع شي ما لازم تسمعو مشان ما يزعجك!!!

بعدين افترض الي سمعتو صح!! هي الحركات الي عم تعملها وبالنسبة إلك سخيفة ويمكن متعود عليها ... هيي كلشي بملكو انا من تجارب عاطفية .. يعني قبل ما تجرب قوة تأثيرك عليي، بدك تحسب أنا مشاعري وين رح تروح...بدك تفكر أنا كيف رح عاني! بدك تحسب أنو اذا كانت نظرتي إلك إعجاب، فأنت صرت عم تعلقني فيك ...

قبل ما تضحك عليي وع ردات فعلي لمجرد عرفت إني بحبك ... فكر بإني إنسانة من لحم ودم وبتحس وقلبا ممكن ينكسر بتصرفاتك

هالشي الي انت معتبرو مزح ويمكن عم تتسلى بردات فعلي ع لمسة إيدك وعاملني مسخرتك ... كنت احسب حساب دموعي وخيبة قلبي الي عم يتعلق فيك

أنا كلشي بملكو هون يا سيد مجد كرامتي، كرامتي الي عاملها تسلاية عندك

- بس !!! ( يصرخ ليقطع سلسلة حديثها الغبي )اسكتي ولا حرف
يأخذ نفس يحاول تهدئة نفسه به ويجلس خلف مكتبه
- اقعدي
- بدي روح عالجامعة
- اقعدي( يصرخ )
لتنفذ فورا ما أمر به
- ( يصمت دقيقة يفكر قبل أن يتحدث وهي ما زالت مطرقة رأسها للأسفل حاجبيها معقودين بحزن وكبرياء وشفتها تهتز تحاول مقاومة البكاء )

- أول شي مشان موضوع استراق السمع أنا كنت ع برندة غرفتي الي هيي حد المكان الي قعدتو فيه .. والشي الي سمعتو بالغلط مو قاصد اسمعو
بس من جهة انو الشي الي سمعتو ما عجبني هالحكي مو صح لأن الي سمعتو عجبني وكتير ( ويبتسم باستفزاز ! )