عشقي السري

أهواكَ بلا أَمَلِ

تقدمت إيف تدعو الله ألا يكون هذا الوسيم هو العريس .. فكيف لقلبها أن يطاوعها ولا يدق له! كما أوصتها أمها، وهو فيه من الجمال والكمال ما يطيح بالعقل ويسحر القلب.
ذهل مجد من جمال عروسه وشعر بالشفقة عليها .. كيف لفتاة بهذا القدر من الجمال أن ترهن نفسها لزواج مزيف كما حالهم ... نهايته طلاق!!

- ما شاء الله ... تبارك الرحمن ... والله يا أبو حسن إيف طالعة لأمها متل القمر.. نيالك فيها وبأمها ( لتغمز عزيزة)

يضحك الجميع وتحل لحظة سكون فيقول مجد

- عمي أبو حسن اجينا أنا وماما لهون وكلنا أمل فيك أنو ما تكسفنا بطلبنا (( وينظر لأمه .. للحقيقة هو طلبكم أنتم ))
أنا طالب إيد إيف ع سنة الله ورسولو .. وبوعدك اذا صار نصيب حطا بعيوني وتعيش أميرة ومدللة متل ما هية عندك

- ( يرفع أبو حسن رأسه بافتخار ) والله يا ابني انا مارح لاقي متلك لبنتي لو بلف الدنيا كلها.. وسمعتك سابقتك بالطيب والأخلاق والكرم .. أبوك الله يرحمو كان من خيرة الناس ووالدتك أصل الطيب والشرف .. أنا بتشرف فيك وطلبك مجاب ومية أهلا وسهلا فيكن

- منقرأ الفاتحة لكن ع نية التوفيق

- بارك الله فيك يا عمي ، من بعد اذنك اذا فيني احكي مع العروس.

- طبعا ابني .. إيف دلي مجد عالبرندة يا بنتي، أهلا وسهلا أم مجد طمنيني كيف......

----------

شارد بجمالها الفتان .. وهي مخضبة الوجه تنظر لأصابعها التي تلفت من كثر الطقطقة !!
- قالتلي أمي أنك شاطرة وحلمك تصيري دكتورة
( شاطرة!!! هل أخبره أحدهم أنه على وشك خطبة طفلة بالصف الأول الابتدائي .. هل سيعطيني شوكولا يخبئها بسترته!! حسنا سيد مجد )
- اي .. أنا شاطرة كتير طلعت الأولى عالصف وباخد علامات تامة عطول ( تناظره بابتسامة بلهاء على شفتيها )
- برافو ايف .. ايف أكيد بتعرفي كل الوضع بس رح احكيلك شي يضل بيننا .. أنا بحب صبية و...

- إذا هالشي رح يأثر على علاقتك بهالصبية أنا مستعدة فركش كلشي وعلى مسؤوليتي ( أجابته بتصميم وكبرياء )
- ممكن خلص حكيي! ( يكز على أسنانه و يأخذ نفس عميق ويعيد النظر إليها ) انا خبرتا بهالموضوع .. بس كمان لازم حطك بالصورة .. رح تكوني هنيك قدام الناس بنت خالتي ،و

- بوعدك أنك ما تحس بوجودي أبداً أنا بس بدي كفي دراستي سيد مجد ورح...

- بدك تضلي تقاطعيني !!( يناظرها بدهشة، ثم يتحدث بلطف) أنا ما بدي ما حس بوجودك .. إيف بدي تفهمي اني رح كون أخ لالك وسند .. مارح تكوني ضيفة لاء، رح تكوني وحدة مننا .. أخت الي وبنت لأمي ( ابتسمت وتخضبت وجنتيها وقد أخجلها لطفه وأذابتها رزانته وبحة صوته ! )

وبدي تفتخري بحالك ع طول أنو عندك حلم ورح توصليلو وشو ما بتحتاجي رح تلاقيه قدامك .. تمام!
- شكرا كتير سيد مجد .. الله يقدرني ردلكن هالجميل
- بترديه بس تاخدي شهادة الطب وتختصي .. وأنا مارح ارضا بغير هيك
- بوعدك ... وشكرا كتير