عشقي السري

مقدمة

- صفاء هوة عامل متل ممثلين هوليود.. لا فشرو هوة أحلا بكتير .. طول وعرض ورجولة وشخصية بتحلم فيها كل البنات

ليفكر مجد بصمت من هذا الذي تتغزل به بكل هذه الأريحية ! أهي عاشقة !! يا لحسن حظك بعروسك المؤدبة يا مجد

- ولا تضحكي عليي بتجذبني برودتو!  بتحسيه براد متنقل، بتصدقي لهلا ما شفتو عم يضحك! وكل حكيو عملي وكأنو بيخاف من الدقيقة تمر بدون استثمار .. يعني بتحسي مافيه مشاعر .. حدا آلي فيه كل صفات الكمال الي بتتمناه أي بنت ! يعني حتى بتخيل اذا عمل علاقة مارح يبوس ولا رح يمهد رح يفتح سحاب البنطال يخلص المهمة ويكفي شغلو ..

لتعلو ضحكات الفتيات وتعلو دهشة من يستمع الحديث من على الشرفة !! يبدو أنه وقع بورطة بفضل أمّه الحنون!!