စင်္ကြန်လမ်းကြားလေးဟာ မီးအလင်းရောင်မှိန်ဖျော့ဖျော့။လုဟယ့်ရန် အုတ်နံရံမှာ ရပ်၍ နံပါတ်တစ်ခုကို နှိပ်လိုက်သည်။ဆယ်စက္ကန့်ခန့် ကြာညောင်းသော် ဖုန်း၀င်သွားခဲ့၏။
ရင့်ကျက်သိမ်မွေ့သော အမျိုးသမီးသံတစ်သံက ဖုန်းလိုင်းတစ်ဖက်ကနေ ပျံ့လွင့်လာသည်။
" အပြင်မှာ လျှောက်ကစားနေတာလား "
" အင်း "
" ဟယ့်ဝေ့ ပြန်လာပြီဆို ၊ သူက မင်းကို အပြင်မှာကစားဖို့ နေ့တိုင်း ဆွဲခေါ်သွားလောက်တယ် "
" သူ ပြန်မလာခင်ကတည်းက ကျွန်တော်နဲ့ယွင်ချီ မကြာမကြာ အပြင်ထွက်လည်ကြပါတယ် "
" မင်း မနက်ဖြန်နေ့လယ် လုအန်းရှန်ကို လာမှာမဟုတ်လား "
အိုမီဂါက နူးညံ့စွာ အသက်ကို ရှူထုတ်နေသည်။
" မနက်စောစောကျ ငါ့လေယာဉ် ဆိုက်လိမ့်မယ် "
" လာမှာ "
လုဟယ့်ရန် စကားတန့်သွားပြီး ဆက်ပြောလာသည်။
" ဆေးလိပ်တွေလည်း သောက်မနေနဲ့ဦး "
" မတတ်နိုင်ဘူးလေ ၊ ငါမှ မဖြတ်နိုင်ပဲကိုး "
အိုမီဂါရဲ့အသံက ခြေကုန်လက်ပန်းကျနေဟန်။
" ငါ အိပ်ရာ၀င်တော့မယ်။ မင်း အိမ်ကို စောစောစီးစီး ပြန်ဦးနော်။ Good night "
" Good night "
ဖုန်းချပြီးသည့်တိုင် လုဟယ့်ရန်က နေရာတွင် ရပ်နေဆဲ။ထိုစဉ် အယ်လ်ဖာနှစ်ဦးက သူ့ထံ ဦးတည်ချဉ်းကပ်လာကြသည်။
လုဟယ့်ရန် ရပ်နေသည့်နံဘေးတွင် သူ စောစောကထွက်ခဲ့သော အဆောက်အအုံဘေး၀င်ပေါက်ရှိ၏။အယ်လ်ဖာတစ်ဦးက ယင်းတံခါးပေါက်ကို ပိတ်ရပ်ထားကြောင်း လုဟယ့်ရန် မျက်လုံးထောင့်ကနေ လှမ်းမြင်လိုက်သည်။
မြို့တော်အနောက်ဘက်၏ ပရမ်းပတာအခြေအနေတွေကို ယခု သူ ပိုသဘောပေါက်လာရသည်။
သူ့အနောက်မှာက နံရံ။အယ်လ်ဖာသုံးယောက်ဟာ လုဟယ့်ရန်ကို ဘယ်ရောညာရောကနေ ပိတ်ဆီးထားကြသည်။ဤသုံးယောက်က ဒီလိုအခြင်းအရာမျိုး၌ အင်မတန် ကျွမ်းကျင်ကြသည့်ပုံပါပေ။သူသာ ထိုအယ်လ်ဖာသုံးယောက်ကို စိန်ခေါ်ယှဉ်ချနိုင်မည့် အရည်အချင်းမရှိလျှင် လွတ်မြောက်ဖို့က မဖြစ်နိုင်။
YOU ARE READING
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .