*لا أبيح القراءة من دون لايك*
*استغفر الله العظيم *
_____
"أخوض حربك على مبدأ الإحتلال ..أنا لا اقبل بالهُدن و السلام"
____
بعد ساعتين دخلت المخزن ب كل حذر ومعها عشره من رجالها لانها واثقه ثقه عمياء ب حسين وقفت قدام الكرسي الي جالس عليه عزام دون حبال
قالت بصوت عالي:حسين ذا كيف تاركينه كذا
جاها حسين وقال: ليه اربطه والحبال بتتلف على رقبتك انتي
بدور بصدمه : وش تقصد
مشاري من ورها: عساك مصليه ههه
بدور ب خوف ضاهر: وش تقول انت وكيف جيت هنا حسين لويت يدي ي الخاين أنا وش قصرت عليك
مشاري ب رواقان معتاد ك اسلوب استفزاز ل بدور: خلك من حسين وصيري معاي هذا أنا جيتك أنا وولدي وأبيك تشرحين له كيف ذبحتي امه اعز صديقاتك واذا حابه نسوي عرض بعد ماعندي مشكله تعرفين كم تهمه موجهه لك او لا
بدور وجبينها بدأ يعرق من التوتر الي طغى بصوتها: انت وش تقول هاه وش اقنعت الولد فيه (لفعت ل عزام) لاتصدق اي كلمه يقولها أنا امك وجالس يسوي فيها الشريف العفيف وهو مدنس ب الخطايا لاتخليه يقنعك اني مسويه شي ل احد انت تعرفني اخاف ربي و..
قاطع كلامها الواهم نوبة ضحك دخل فيها مشاري الي قال بعد ماقدر يسيطر على نفسه: عزام رجال ماينضحك عليه ي بدور لاتصدقين نفسك الاوراق انقلبت والخبايا انكشفت ولا بد مع الزمن والأيام ينقشع غطاء الدين الي شوهتيه وانتي حيه تمشي بين الحنايا وتلدغ وبعد ما ينتشر سمها تجي تواسي عزام عرف عن امه وكيف اخذتيني وعرف انك من اكبر تجار المخدرات ف المملكه وعرف بعد عن ماضيك الشريف دام أنا أسوق الشرف على قولتك ودام انك امه ليه قلتي ل حسين يجيبه لك لاجل تقهريني ب ولدي وتردين عيالك ل جناحك
بدور ب تبرير خالي الإقناع بسبب توترها وخوفها:ك كنت بقوله عنك و وعن افعالك الشينه و وانك اذيتنا كلنا واني ابيه يبلغ عليك
كان عزام يطالع بدور بصدمه كيف كانت اول مادخلت ونبرة الكره الي بانت بصوتها له وخوفها الان من ابوه قاطع سلسلة أفكاره كلام مشاري:ليه يبلغ ويتعب نفسه والشرطه برا تنتظرك ي مدام
بدور بخوف طاغي بدت الدموع تتجمع بعينها: عزام ابوك دمرني ودخلني عالمه عشان اصير صاحبة سو مثله أنقذني واسجنه خان وطنا و
دخل قائد الكتيبه الثانيه وقال بصوت مخيف: انتهت المسرحيه بدور معانا طلب قبض عليك وعلى جميع مخازنك الي اصبحت الان تحت امرنا ولا تمليكن اي حق عن الدفاع عن نفسك
आप पढ़ रहे हैं
غفرت الذنب دام الخطا منك ياملاذي
सामान्य साहित्यمدخل أوليس القدر مكتوب ؟ فمابال الحزن غلف عيناك ياملاذي!؟ _______________ إنتِ اول أسباب الحزن واول مفاتيح الفرح انتي دعوه حلت استجابتها من ربي لأجل تخفين غيم الحزن انتي ملاذ المحارب بعد النصر أنا ذاك المحارب ألي آنها معركته وجاي يبحث عن ملاذه
