غفرت الذنب دام الخطا منك ياملاذي

١٢

اهلا بمن وصل ارضي ومرحبًا بمن ارضى بؤس الحديث عبق معطر ب أزهى المعاني هلا أرضيتم من أهل السواد اسفل عيناها مسكنًا؟

اغمروني حبا احبتي واهلو علي السعادة اتمو الامر وانشرو كتاباتي ..

لاتنسو اللايك والكومنت أحبابي اغمروني حبً وتقديرًا للجهد..

__________

" لو أبصَر الإنسان ما خفيَ لهُ من لطفِ ربه، لاستلذّ بالبلاء كما يستلذّ بالعافية " .

__________

جالس يمشي ب الصحراء وعلى وجهه ابتسامه ويقول لنفسه:ايه ي مشاري سنين وانا هنا بضنك ماقدر اطلع بعد ماحفظت المكان هين هين وحرمتي ل ترجع لحضني ووقتها ورني وش بتسوي انت وبدور

وبعد مرور يومين على خط سيره الي اقل مايقال عنه مهلك لجسمه ولنفسيته وخوفه من ان رجال مشاري يلقونه حاول يمشي بسرعه لاكن وين وهو مايدري هو وين ومحاربته لجوعه وعطشه ومحاربته لضوء الشمس الي اذا عيونه بحكم انه سنوات عايش ف ضلمة هالكه لاكن ماعقه شي لازم يوصل مهما كلفه لازم يوصل وبعد ساعات دخل الرياض وفرح انه وصل لوجهته ونسى التعب الي مر فيه وبدا يسأل الناس عن شركة عزام وكان يتجاهل نظرات الناس القرفانه من شكله ماهتم لهم وعلى اذان الظهر وصل لضالته لاكن تردد يدخل او لا

فارس:لو دخلت وطلع مع ابوه لو دخلت وردني أو سوا شي يهدني وش اسوي وين اروح وانا حتى هلي مادري وين أرضهم وسماهم حسيبك الله ي مشاري على الي سويته فيني

بعد مرور دقايق قرر يدخل والي مكتوب بيصير

السكيورتي بقرف:وين وين

فارس:عزام موجود

السكيورتي:اسمه طويل العمر او على شكلك ذا قل عمي عزام وين مو حاف بعدين انت واثق اني بدخلك وذا شكلك ؟

فارس ب اعصاب منهلكه من التوتر:انت مالك دخل وش ابي بعزام قل لي هو هنا ولا لا بعرف جاوب

السيكورتي:وش يهمك اذا عرفت

فارس بغضب:انا زوج اخته قلي مديرك هنا ولا لا

السكيورتي بضحك:والله انت زوج اخته  وذا شكلك قل غيرها

ماتغيرت نضرات فارس الحاده الي خلت السكيورتي يشك بكلامه ونطق :وش اسمك طيب عشان ابلغ المدير

فارس شوي ارتاح: مابغيت قول له فارس محمد ال***

بعد مابلغ الموضفين الي بدورهم وصلو الاسم لسكرتير عزام الي انصدم من الاسم وركض على مكتب عزام الي طالع فيه بغرابه وقال:حمد وش فيك داخل كذا صاير شي؟

حمد بصدمه باينه على وجهه:نسيبك فارس على الباب

وقف عزام بصدمه:وش تقول انت

حمد:هذا الي يقولونه

عزام بعصبيه:ليه واقف دخله بسرعه

طلع حمد يركض لباب الشركه يشوف هذا فارس او لا بينما عزام رجوله ماسعفته انه يبقى واقف ورمى نفسه على الكرسي واتصل على علي الي ماخذ وقت ورد عليه: هلا عزام