غفرت الذنب دام الخطا منك ياملاذي

١٩

*لا أبيح القراءة من دون لايك*
*استغفر الله العظيم *
_____
لا أبحث عن منفى يُنافس امان عينيك ، ف هي أول الأقدار و القضاء وخاتمتي..
______
نجد: قال لي اقولكم ان طلعة فارس هو الي وراها وإنكم ابحرتو ب بحر الشر من كشفتم أوراقكم وطلب مني اقول لك عزام لاتطلع إلا معك سلاح ان أعداك كشفو انفسهم

عزام ب غرابه: مافهمت شي ليه قال كذا وش يقصد

علي وهو ناسي وجود نجد :يمكن بعد الي صار مع ال.

نجد بسرعه:ليه وش صاير معاكم علموني

امجد بوهقه: مو صاير شي

نجد بشوي حده:إلا صاير شي وشي كبير (لفت ل علي وقالت بصوت مهزوز) رجيتك ي علي قل لي وش صاير لاتزيد نار قلبي بناتي وش صار فيهن وليه ماني شايفتهم وينهن فيه تكفى قل لي وريح قلبي

علي ومو قادر يخبي اكثر قال ل نجد عن الي صار ل الوتن والي مرت فيه وانها تمر حاليا ب انهيار وصدمه نفسيه رغم نضرات عزام الغاضبه انه قال لها كل شي بدال ما يلفق اي كذبه عشان مايخلونها تخاف اكثر على البنات او يطيحون من عينها زوجتهم بناتها وماقدر يحمونهم

نجد دخلت ب موجة بكاء حاد : يعني ال هه وتن صار هه فيها كل هذا هه وانتم هه ماقلتو لي شي هه ليه ما علمتوني هه ليه خبيتو علي هه وش ذنب الوتن يصير فيها هه كذ هه ا الي مرت فيه محد هه يتمناه

قرب منها امجد وخذها لحضنه : وربك ي امي محد جاها ولا سواء لها شي وخالقك انه الموت ابعد عليه من المنام الي صار لها محد كان متوقعه والصدمه الي هي فيها الحين علي قال انها من ابوها لان هو الي سواء لها كذا واذا مو م صدقتني هذا علي اساليه

لقت نجد بنضراتها ل علي الي مباشرة قال لها محاوله انه يطمنها على الوتن:الحمدلله الوتن مافيها شي بس كون مساعد هو الي رماها عشان ينقذ نفسه اثر فيها وحز بخاطرها ماكنت ولا حنا كنا متوقعين انه يوصل ل المرحله هاذي من الدنائه واذا حابه الحين نروح لها

عزام وهو يوقف : حياك ي امي تعالي نروح لها تو بلغت ملاذ انك هنا وقلت أنا بنطلع لهم ت تطمنين على البنات وعلى الوتن

وقفت نجد وهي تحاول تسيطر على شهقاتها وطلعو من الشقه متجهين لشقة امجد و الوتن ومن شافوها البنات ارتمى داخل حضنها مع دخول نجد موجة بكاء جديده ملاذ وهي تحاول تهدي أمها: أمي مافينا شي الحمدلله وهذا هي الوتن نايمه

نجد بسرعه وتوتر:طيب يلا خل نروح لها اكيد الحين تصحى ماتلقى احد عندها وتخاف

علي ب محاوله انه يهديها شوي: امي حاولي انك تهدين الحين الوتن مصدومه نخاف تشوفك خايفه عقلها الباطن يجسد لها امور ماصارت وترجع تنهار من جديد