بعد مرور ساعتين الي ثلاث كانوا ببيت ال خالد يشوفون فجر صحى ولالا نطق أبو فجر : خلاص مابه شي روحوا
أبو ذكرى: الولد صحى ولالا ؟ وشفيك كذا
سهم بصوت مسموع: لأنه يدري ان عياله أذيه الله يهديهم وخرج سهم وخرجوا وراه العيال يضحكون سلطان: أعجبني سهم
سهم بغمزه وكتفه ينزف: أعجبك ؟
مشوا يدخلون البيت بدون أبائهم الي جالسين يعتذرون عن طيش العيال وكأنهم مراهقين للان
عبدالعزيز: ياربي ضحك ضحك مو طبيعي
اويس: أنا معد تشيليني الأرض
جلسوا بالحوش ونطق سهم : كتفي ينزف ملاحظين ولا ؟
سند : أوف أوف قم قم نوديك المستشفى بوش ضربك ؟
سهم : خلاص تعودت أنا دكتور أعالج نفسي مايحتاج بخنجر
رواف الي بدأ يحب سهم نطق بعفويه : عله للمرض الكلب
سامي: ايوا يادكتورنا معاك شي نساعدك فيه ولالا ؟
سهم: أنا بروح الغرفه ابدل وإنت رح جب لي عده اسعاف حقتي بالسياره وهاك المفتاح
راح سهم دخل البيت وذكرى كانت واقفه عند المرايه تمشط شعرها وتسولف مع دنى
دنى : ايوا مالقيتي تمشطين شعرك االا هنا ؟
ذكرى: حلوه المرايه والله وداخل مافي نور زين أخذت المرطب تحط على شفايفها وراحت دنى وخلتها وتبخ ذكرى من العطر وشهقت اول ماشافت رجال وراها طويل وضخم عرفت انه سهم من كتوفه ولفت : ايوا شبغيت كحلت عيونك ؟
سهم: عزالله كحلت عيوني
كانت لابسه مخور بينك وطرحه على كتوفها وتقدم لها من استنشق ريحة عطرها ويحلف مو عطر هذا سحر كيف كذا الريحه حلوه ونطق: أخ ياريحه العطر
ذكرى : اشفيها؟
سهم بهدوء :حلوه
ابتسمت له ولفت بالمرايه وناظرت له من وراها كان ودها تتصور معه لكن لفت انتباهها من شافت كتفه ينزف نطقت بعلو صوتها وحواجبها معقده : سهم !! وشو هذا !!
جاء سامي ونطق سهم: محارمنا حطها ورا وأخذ من سامي علبه الإسعافات ونطق وهو يضحك: ماودك انتي تعقمينه يدي الثانيه مقدر أحركها
ذكرى بتفكير واستغلت الفرصه مادام مافيه احد ودخلت الغرفه معه فصخ ثوبه وجلس بتعبت ونطق؛ اخ
ذكرى : ايوا بتقولي شصار ولا آكب المعقم عليك واخليك تصيح
سهم بضحك : اصيح ؟ كان من اول مادخل الخنجر بكتفي صحت
ذكرى بعفويه : وشذا ياربي حبيت بطل سكتت شوي وتكمل : بطل وينقذني كل شوي ولا أنا أنقذه ؟
كان سهم يسمع سواليفها وهو مُغرم بسواليفها ولهجتها ونُطقها المختلف عن نُطقه سهم: كملي كملي أحلامك واجد
ذكرى وهي تلف الشاش : أظن جاك النوم ؟
سهم بضحك: لا سواليفك تجيب النوم
ذكرى بعصبيه وهي تلف على يده :وجع اجل ليه مملك علي طلقني بسرعه
لف سهم عليها بنظره هاديه : أووه شكل شغلنا طويل مع دلوعه أبوها و أمها
ذكرى بنطقها الطفولي الي كان يأسر قلب سهم بقوووه نطقت : ايوا دلُوعه ماما وبابا أش عندك أنت ؟ آش تبّغى ؟
سهم وهو اعلن للجميع انه ذايب وخفيف عند ذكرى جداً: يابنت الخيال رِفقاً بي
ذكرى وهي خلصت من لفت يده وتجمع الأغراض وانحنت تجيب الشاش الطايح وجت نسمه هوا من الشباك وانتشرت الريحه بالغرفه كلها سهم : تعالي احضنيني داويني انتِ علاجي ودواي ومسكني وبيتي وحياتي وقلبي
سكتت شوي تناظر وتقدمت تضمه ولاتوقعت بيوم بتكون جريئه كذا تقدم يمسكها من خصرها ويضمها لصدره بقوه وشدت على رقبته من ورا كان يستنشق الريحه كان ذايب ل آخر حده ناظر مبسمها الي متلهف له وحيل يبي يروي ضماه ويبي يروي حُبه وقلبه بس مسك نفسه وانحنى يقبل شامتها الي عند عيونها تحت خدها بالضبط ارتجف الي بداخلها بقوه من قُبلته الهاديه وخر شعرها عن خدها ونطق وهو حاضنها وعيونه بعيونها ورأسه على رأسها ونطق:
وأه منّ عيِنينٍ ناظرت بِك وهامت بِك ل أخّر نفس في عُمرها و أحبتكِ حتى المّماتِ .
نطقت ذكرى بحُب من بارت أغنيه تحبها : وشلون مغليك وأنت الذيّ علمّتني حُبك ياهاجسيّ عشّقي عَيُونك .
سهم : احبك لحد الهيام
ذكرى: وأنا احبك لحد الممات
تركت حضنه وطلعت لغرفتها انسدحت من فرط المشاعر الي تحس فيها ضحكت بصوت فرحان ودخلت فراشها ونطقت: داخل بطني فراشات تسمعون ؟ بطني فيها فراشات والله احس دقايق واطير
دخلت دنى عليها : بسم الله من تكلمين ؟
ذكرى وهي تضحك : نطلع ؟
دخلت ميان ولمى والعنود ورؤيا ورنا ووسن وجلسوا
ونطقوا جميع : وين تطلعين ؟
ذكرى: نروح بقاله اي شي ؟
دنى : بطنها فراشات
فهموا عليها وضحكوا كلهم قامت تبدل ملابسها ونطقت وهي تطلع لها شورت وبدي : أقول نرقص ؟ مدامهم راحوا ؟
رؤيا: عندك سماعه ولا ترقصين بالقدر؟
ضحكت ذكرى : ياحبي لك جبتها فتحت شنطتها تطلعها وبدوا يشغلون أغاني وراحوا يغيرون ملابسهم
لمى: احس تنفست أف محب البس جلابيه
رؤيا وههي تهز : أيوا شرايكم بهزي ؟
ذكرى تهز معها : والله هزي احلى ماتعرفين !
العنود : انا هزي حلو !
ذكرى: ورينا
العنود قامت تلف الطرحه عليها وتهز وكانو كلهم يرقصون تعبوا شوي وطفوا الأغاني يوم أذن العشاء وانسدحوا على السرير كلهم رنا : أف تعبت
وسن: أنا بطني بتنشق اول مره ارقص كذا
ذكرى الي كانت متعوده على الرقص من وهي صغيره : ياحليلكم كنت ارقص تحت النخله وسهم يصفق لي
انفجروا يضحكون كلهم ويتسدحون بالأرض من قوه الضحك ويتخيلون المواقف قامت ذكرى وشعرها متكهرب فوقها شافوا المنظر وهي تصارخ عليهم : وجع يابنات وجع ليتني ماتكلمت لفت تشوفهم يدخلون نوبه ضحك مره ثانيه ولفت تشوف نفسها بالمرايه شافت علبه مويه جنبها وصبت على يديها ومسحت شعرها وهي معصبه حجمها صغير وحركات طفوليه والي يشوفها مايقول عمرها ٢١ أبدا يتوقع عمرها ١٧،١٨
نطت من على السرير وهي تنطق وتنطق: ياحيوانات قوموا قوموا بسرعه بس وأنتم تضحكون قامت تخليهم يتخيلون الموقف ويرجعون يضحكون فتحت الدرج تغير ملابسها ولبست تيشيرت وسروال ونطقت : أنا طالعه وتركتهم وخلت الباب مفتوح مشت تسوي قهوه وغنت : بس أناظر في عيونه واعرف الي صار لي واني لاشفته أضيع وكملت تعيد نفس البارت صبت القهوه بالزمزميه على دخول سامي شافها سامي وحلّل النظره لفت من حست في احد يناظرها وهي ع بالها سهم نزلت الزمزميه ونطقت: سه شهقت وحطت الحجاب عليها ونطقت: وجع ان شاءالله ماتستحي انت وتناظر بعد شق يشق عيونك
سامي ب احراج: مادريت انك موجوده كذب سامي وهو وده يشوف مين ذكرى الي يسولفون فيها إنها حب طفولة سهم توقعها شي عادي لكن أنبهر جداً أنها ملاك فعلاً واسم على مسمى ذكرى يعني بتصير لك ذكرى هالانسانه .
دخلت دنى: عذه لو شافه سهم شق عيونه شق
كملت ذكرى تحط الفناجين وطلعت حلا ونطقت : أف برجع الخُبر مليت
رؤيا: أنا طقت كبدي برجع اي هندي يقول انه رايح الخُبر ركبت معه والله م أقول لا
سكتت دنى من رن جوالها وكان مكتوب بالانقليزي "❤️My" قامت من عندهم ودخلت الغرفه وردت : هلا عبود
عبدالإله: اطلعي عند ممر القمر بسرعه
دنى: وش عندك ؟ لازم أجيك ؟
عبدالإله: لااززززم
دنى : انتظر اجل
قفلت الجوال وبخت عطر وحطت روج خفيف وشوي بلشر تحسن وجهها واخذت جلالها وحطته على رأسها وتلثمت كانت عيون دنى مثل عيون سهم حاده وحواجب كثيفه ورموش كثيفه سوده وكل من يشوفها يدري أنها أخت سهم مثل اطباعه بالضبط وصلت ممر القمر وجت شافت بوكيه ورد بالالون الأزرق وبنص الورد خاتم من كارتير نطقت بفرح وعيونها قلوب: عبوودي !!
عبدالإله: امريني ؟
دنى: قلبي أنا احبك مره
عبدالإله: وأنا احبك بعد مالي حضن ؟
تقدمت دنى تضمه بقوه وناظرته : ياخي وقسم انك أجمل شي شكراً مره على الهديه يروحي
عبدالإله: أنا لك للأخير يابنت خالد
ابتسمت دنى له ونزل ينحني لها ويعطيها بوسه على خدها ومسك يدها واخذت بوكيه الورد تمشي معه كانت أيديهم بيدين بعض وبوكيه الورد بيد دنى كأنو يمشون بممر القمر ومن كثر الحُب كانهم على غيمه مو على ارض ابداً .
•
وماذاّ قيلَ في حُب وقع بيّن القلب و الروُح !
أصبحّت القلبّ لِقلبي ، والروَح لي روّحي ، والعُمر لِعُمري أُكلمه يسهىَ بي التفكير بِك وأنت معي ،
وابتسامتي لا تُفارقني إذا سألوني عن ايّ حُب أتحدث! أخبِرُهم بِأنه لايوجد حُب بعد حُبك ، وقلب بعد قلبك وروح مِثل روحك ، وعيون مِثلك عيونُك ، وإبتسامه مِثل ابتسامتكّ ، لِذا أن وقع
الحُب أخذ معه الرُووح والقّلب لِذا آحبك بِكُل شي فيني على زّلكمَ أن يُبين .
•
يوم جديد بدايه جديده بعد مارجعوا الخُبر وانتهت الاجازه بالنسبه لهم الكل رجع للخُبر
-
الساعه ١٢ الظهر
صاحين يجهزون الفطور بكل روقان همس أبو عبدالله : ايوا ياعبدالله ليه ماجيت ؟
عبدالله: دقيت على العيال قالوا ماتسوى الجيه
أبو عبدالله: كان سلمت على عمك وتعرفت على عياله
عبدالله: لا يايبه ماودي
أبو عبدالله بعصبيه : شلون ماودك ؟ ؟؟
عبدالله: قصدي ان تو الوقت زوجتي والده وأنا رايح وتاركها واهلها كلهم معك صعب الوضع مره!
أبو عبدالله سكت ولف على عبدالإله: متى ناوي تحدد زواجك ؟
عبدالإله: اممم
أبو عبدالله: مو لعبه يوم تقول اممم عجلل!!
عبدالأله : يبه شفيك معصب ! خله بعد شهر اصبر اكلمها و ارد لك خبر
أبو عبدالله بقل صبر : ياربيي جايب عيال فاهمين وخبول أنت حط التاريخ و اسئلها إذا يناسبها ولألا؟
عبدالأله بتورط: طيب طيب يبه خل بعد شهر على مابال نجهز الوضع ونحجز القاعه وكذا يعني على مابال نجهز
آبو عبدالله: الفلوس جاهزه ياولد ومهرها وعطيتها وخلاص ماباقي شي الباقي على أمك وخواتك يجهزون ويضبطون والشقه فوق جاهزه بجنب شقه عبدالله
عبدالإله: اي يبه الله يعطيك العافيه خلاص بعد شهر على مابال هي تجهز بعد !
آبو عبدالله: اخلصوا اخلصوا قام ترك الأكل وطلع عند أبو خالد يتقهوى عنده .
-
العصر يراسلون بعض بالجوال يتفقون على جمعه يجتمعون ك بنات عم يحبون يجتمعون بشكل دايم والسفره حلا وقهوه ف كانوا يقولون كل وحده تجيب صنف ندخل محادثتهم .
ميان: أنا بجيب ورق عنب
لمى: متى الجمعه ؟
ذكرى: اليوم باليل
لمى : اماا
ميان: يلا انقلعوا بنظف دولابي
العنود: طسي
دنى: تجون الجمعه عندي ؟
ذكرى: تم
لمى: ماعندي مشكله
رؤيا: شجيب ؟
ميان: الي تبين
رنا: بجيب لكم كيك بسويه
العنود : مدري وش اجيب بشوف بطلع الحين
دنى: خلاص طيب بجهز لان بكره الجمعه بطلع ل السوق
-
" عند العيال "
عبدالله: أقول باسهم أخذت إجازات كثير كنت ناوي ترجع دوامك ؟
سهم يشيش وحاط شماغه على كتفه : والله شلون تبيني أعالج ورجلي توجعني وجنبي يوجعني شلون بالله ؟
اويس : يعني دكتور ويعالج وهو مرضان يحتاج احد يعالج له
ضحكوا كلهم خزه سهم ونفث الدخان من انفه
عبدالعزيز بطفش : ياعيال الجدول فاضي وشذا قوموا نتهاوش نسوي شي
سهم : وأنت ماتبي إلا هواش
عبدالإله يلعب بجوال : هوشه ؟
سهم : انطم انطم مافي هوشه
عبدالله: هذا متجهز اي هوشه يبيها
عبدالإله يعدل جلسته: الصدق طفش مرره طفش وشذا حنا ليه رجعنا وخلينا الشيبه هناك ؟ من جاء أصلاً ؟
عبدالله: محد جاء غير خواتي وخوات اويس وذكرى بس
سهم بضحكه : أنا بقوم أشوف الحُب
فطسوا العيال ضحك
عبدالله: هيه اركد يالطيب توك توك على الورق
سهم وهو لاف : شدخلكم أصلاً جايني النوم
عبدالعزيز: رح رح خل البيبي ينومك
وقف عند رأسه وضربه ومسك أذنه بتهديد : انطم نشوفك بكره تهاتي(تهلوس أو تسولف فيها كثير ) بالحب وينها وينها
عبدالعزيز براحه يتنهد ل اجل هالحظه نطق: وينها وينها قلب عبدالعزيز وعيونه
ضحكوا العيال اويس : ياخي تضحكوني وربي
عبدالله: أنت على اي شي تضحك ومن تضحك يضحكون كلهم
سهم : اويس قلبه رهيف اي شي يضحكه الله يسعده المهم رايح سلام
طلع من المجلس ودخل البيت ماكان به احد بيت أبوه الكبير بحكم ان اكبر الإخوان البيت الي ينامون فيه وقت مايجتمعون وساكنين فيه قليل يروحون لبيوتهم نطقت: سهوومييي
سهم بتعب: شتبين وش سهومي بعد
من السهم ل سهومي بيبي أنا ؟
دنى : اه منك لاجاك النوم تصير حمار ماتستوعب
سهم جلس على الكنبه : ايوا اشتبين ؟ تبين وش طلب أكيد !
دنى: صح عليك بعدين قم قم خربت الكنب من الصبح نضبطه أنا ومير
سهم وقف : بالله ؟ امانه تستعبطين تقوميني بعد ؟ تبين احوس لك البيت الحين !
دنى زفرت بعصبيه :يالسهم ياماني قايله رح جب لي حلا البنات بيجن بسرعه
سهم : مالي خلق خليهم يجيبون ل... قاطعه دخول عبدالإله من نطق : يوهه الحين ذولا معصبين وش بيصير قوه زايد قوه
سهم : أقول انطم
دنى بعصبيه : انطم أنت بعد عشان م أحطك تحت هالطاوله صرخت بعصبيه تفور من داخلها : واحددد يرووووح يجيببب حلاااا يالحيوانات
سهم صدع رأسه منها ونطق بعصبيه : ورب الكعبه إذا ماسديتي فمك يصير شي مايعجبك
عبدالأله لف ل دنى : وش تبين أنا اجيب لك ؟
دنى : حبيبي لا سهم يجيب أنا قلت سهم يعني سهم و غص... دخلت ذكرى وهي تناظرهم بصدمه بلعت ريقها من تواجد سهم ونطقت : أومايقاد شصاير ؟ هنا
سهم قام بدون صوت وطلع غرفته
وعبدالإله طلع يجيب حلا ل دنى
دنى برفعه ضغط وقهر من سهم : شفتي هالمتخلف شلون قبلتي فيه أصلاً ؟ صاير تبن مايستوعب وبس معصب .
ذكرى: شفيك عليه انتظري يمكن فيه شي المهم أنا اطلب لك ياقلبي
دنى : عبدالإله راح يجيب
ذكرى: عادي أنا بطلب ....
طلبت ذكرى صحن حلا وقت وصول الطلب اتصل عليها المندوب ولبست عبايتها كان طالع سهم من غرفته شافها ولحقها اول ماشافها تسولف مع المندوب عن الدفع مايدري هو غار أو هو معصب للأن من رجع الخُبر وهو يحس بتغير بحاله ونفسيته وتعب بشكل غريب ومرهق ومايحب يسمع اي صوت مشى عندها تقدم سحب يدها ونطق وعيونه حمرا بصوت عالي : من سمح لك تطلعييينن ؟؟؟؟
ذكرى بعصبيه وعلى طول تنفعل نطقت : من أنت أصلاً عشان تجي وتقولي كذا بتمريض وخر عني !!
المندوب نزل الحلا ومشى طلعوا العيال على الصراخ والصوت سهم بعصبيه : لاترادديننن!!
ذكرى بنفسه النبره والحده : ياحبيبي من أنت عشان ما اراددك رح نم بس متخلف رفع يده سهم بلحظه وحده وضربها على وجهها بيده الثقيله انهمرت دموعها على خدها ومسحتها وهي تناظره بكل حُقد على تصرفه الي بنسبه لها بايخ جداً وحقير جاء عبدالعزيز وصرخ بقوه : ياكلب تمد يدك على بنت الناس هذي قوه ؟ هذي قوه الحييين !!
سهم وعيونه حمرا وبصراخ : ماااللككك دخللل انت وخررر
مشت ذكرى وعيونها حمرا وفتحت الباب وركبت السياره ودعست بقوه ومشت لبيتهم
عبدالله بعصبيه : سهم وش تحس نفسك سلامات وش ذا تضربها قدامنا صاحي انت ؟ منت سهم انت؟!
سهم ناظر فيهم : مالكم داخل تسمعون مالكم دخل !
مشى متجاهل الكُل ودخل جناحه وفصخ تيشيرته وأخذ روبه وأخذ شور بارد وطلع نشف شعره الي بدأ يطول ودقنه الكثيف نشف شعره وخلص ونفض فراشه وقت ماجلس على السرير نزف جنبه صرخ بقوه وعصبيه ضرب الكمادينه الصغيره وانكسرت الاباجوره وفصخ تيشيرته مره ثانيه ورجع يعقم الجرح ويلف الشاش ويلبس تيشيرته وينسدح ينام ..
-
عند ذكرى . دخلت البيت فصخت لبسها وجلست على سريرها كل ماتتذكر الموقف تنهار اكثر وتنهار حست نفسها كريهه كرهت نفسها وكرهته معها بعد مو قادره تنفي الي صار مو قادره تبعد الي صار لي كل شوي تتذكر الموقف مو قادره تنساه ابداً .. مشت عند الدولاب تفصخ ملابسها وتلبس بجامعه وتمسح الميكب لفت على دق جوالها فتحت الجوال كانوا البنات يدقون كلهم يدقون حست نفسها ثقيله ل اول مره جسدها ثقيل وحرقه من تحرقها من داخل ردت على دنُى ومن جاها صوتها الخايف : هلا ؟
دُنى بعصبيه : ياحيوانه ليه ماترديين!! وسهم انا اعلم ابوي عليه مسوي نفسه
ذكرى بقهر: ياخي لاتجيبين طاري اسمه كرهته كرهتته خلااصص قفلي على الموضوع واذا بتعرفين اخباري انا بخير وبنام ومقفله كل البيبان (ماكان بالبيت غير ذكرى اهلها بالديره )
دنى بقهر على حال ذكرى : يا امي انتي خلاص اكرهيه ماقلنا شي وانا بعد بعلم ابوي عليه وانتبهى لنفسك
قفلت ذكرى الجوال بدون رد وحذفت جوالها ومسحت دموعها ونامت تنهدت بضيق من الي تشعر في ابداً مو قادره تستوعب الي صار لها وكيف تغير كذا بسرعه
-
"ترجيع احداث الديره "
جالسين اخر فطور بالديره و الاجازه بالحوش ببيت جدهم
ابو سهم : ايوا ياعيال روحوا انتم حنا بنجلس عند عمكم ابو سيف
ام سهم : انتبهوا ل انفسكم نحلقكم بعد كم يوم زين ؟
ام ذكرى لفت على ذكرى : نامي عند دُنى وسهم عندكم هناك
ذكرى اومئت براسها بمعنى طيب
ام ذكرى : اذا رجعتي روحي البيت نزلي الاغراض ذول وارجعي لهم
ذكرى : لا اظن بنام بعدين اذا صحيت اجيهم
ام ذكرى : قفلي الابواب كلها زين ؟
ذكرى : طيب
ابو سامي : والله عاد ودي تجلسون لكن المرات الجايه خذوا اجازات وتعالوا نطلع للعزبه
ام سامي بحُب: والله انا مستانسه على هالبنيات
رؤيا : ياعمري انتي نجيكم ان شاءالله
لف اويس يناظر رؤيا وهي تتكلم يناظر تعابير وجهها البريئه جداً وطفوليه ارتعد (ارتجف) من جسمه وناظر سهم الهادي بينهم اول مره يشوفون سهم مايشارك معهم وساكت لاحظوا عليه من بعد هوشتهم اويس : سهم
لف سهم معقد حواجبه : خير ؟
عبدالعزيز: اوف سهم شعندك ؟
سهم بعصبيه نزل دخانه : لاحد يكلمني !
اويس: وش لاحد يكلمني ي اخر حبه شايف نفسك؟ انت ؟ بس معصب ساكتين عنك لنا يومين
قام سهم بلحظه غضب وخنقه وصرخ بوجهه : ياكلبب وقسم لو ماسديت فمك لا العن سابع جد لك
دفه اويس وصرخ عليه : انطم ولا كلمه يامريض
سهم خزه وجاء بيصرخ على دخول ابوه من نطق: خير سهم انهبلت وش هالحركات !
سهم بعصبيه فك ازارير ثوبه وجبينه معرق نطق : ماسويت شي وامسك ولد اخوك ذا عشان ما اتوطى ببطنه
ابو سهم : يلا امشوا حركوا للُخبر
سحب شماغه واخذ شنطته وحطها بالسياره وناظر ب ذكرى : ماني راجع معك
ذكرى استغربت : ليه ؟
سهم صرخ : ماتستوعبين !! قلت ماني راجع
ذكرى من صراخه انفعلت : خذ خذ شنطتك واذلف عساس انا ابيك تجي معي متخلف
ناظرها سهم بعصبيه واخذ شنطته ومشى عند عبدالأله فتح الباب ونطق : بجي معك اذا معك احد من خواتك خلهم يروحون مع ذكرى
سكت بدون مايجادله قدام خواته لف على ميان ولمى ونطق: روحوا مع ذكرى
استانسو البنات هم يبونها وجتهم من الله نزلوا وركب سهم وحط شنطته ورا
ذكرى: احسن والله انكم جيتوا بدال هالمتخلف
لمى: اي والله !
ميان : صدق احسن انا كنت ابيها من الله يلا يلا امشي كوفي قبل نمسك خط
ذكرى : تم
.
.
.
(نجمه ،تعليق ، انستا sssu3g)
