سهم رد: هلا؟
؟؟: عندك مريض ياسهم
سهم: مين المريض ؟
؟؟: يحتاج عمليه جراحيه
سهم: طيب شفيه ؟
؟؟: قلب ياسهم تكفى طلبتك انه يرجع بخير تكفى
سهم: ابشري والله بس وين انتم
؟؟: فالديره
سهم: تمام من وين اخذتي رقمي؟
؟؟: الدكتور عطانياه او الصح انا طلبته رقمك ومارفض عطاني
سهم: طيب انا ماسك خط الحين ل الرياض ومعاي اهلي انشاءالله بكره اجيكم
؟؟: طيب
سهم: لحظه شسم المريض ؟
؟؟: سامي
سهم: سامي ايش ؟
؟؟: سيف فهد آل الحثلين
سهم انصدم : طيب طيب
-
وصل الجميع على الساعه ٢ فاليل الجو كان بارد جداً نزلوا من سيارتهم ونزلوا اغراضهم وتركوها ف الحوش
ف سياره ابو عبدالعزيز
لف اويس : مين النايم ؟
عبدالعزيز: رؤيا بالله قعدها بروح اشيل
اويس : طيب
راح اويس ل السياره وهمس : رؤيا تسمعين ؟؟
هز ووجهها تقدم وضحك: تبين كف ؟
رؤيا فتحت عيونها : خير
رؤيا: عصبيه اخت عزوز قومي الناس دخلوا بيتهم وناموا وانتي لحالك بالسياره
رؤيا قامت بفزه : تستهبل! اخذت شنطتها ودخلت وصادفت عزوز بالحوش : عزوز!!
عبدالعزيز: هلا صحيتي ؟
رؤيا : اويس يقول مافي غير انا بالشارع
عبدالعزيز: اي نعم بس انا وهو وتراك منتي بالشارع حول الباب شوفي المسافه
لفت ورا تشوف ورجعت بتعب : انتم يهالاثنين بي لكم كفوف
عبدالعزيز عقد حواجبه بضحك وخلفها اويس: كفوف اجل طسي نامي لا اخليك تنطفين معي !
رؤيا: تخسي وطلعت فوق
اما عبدالعزيز و اويس رجعوا يكلمون شغلم
اويس: لي حنا ننظف دايم؟
عبدالعزيز: احس مافيني نوم اسحب الهوز نلعب بالماء
اويس تقدم: يلا
سحبه ويغسلون الحوش شافتهم الخادمه: خير مودير رجع رجع
عبدالعزيز: اتحدام تمسكيني
اويس: امسكيه بعطيك ٥٠٠
الخادمة مير : اي امسكه لك انا اصبر مودير
وراحت مير تركض ورا عبدالعزيز وماتدري انه سريع من يوم كان صغير محد يقدر يلقحه عشان كذا تحداها اويس رجعت بلهفه وعطش : اويس جيب مويه لف ورا شاف الكرتون عطاها مويه وجلس : قدرتي تمسكينه؟
مير: سريع كثير هذا مايقدر يمسكه جب ٥٠٠
ضحك اويس بقوه : ضحكتيني امسكيه بالاول!
مير: قلت لك سريع بس هذا حق تعب انا
اويس : خوذيها من امي وضحك ومشى يشوف عبدالعزيز الي منسدح بالحوش على جو القمر وانسدح جنبه وهمس: اشتقت لبيت جدي وجدتي ؟
عبدالعزيز: اي والله يوم البنات مايتغطن عننا ونلعب مهم بس حتى لو رجعنا احس مايكون مثل اول !
اويس : اخ اشتقت ل الديره بعد
عبدالعزيز : اجل شرايك نقولهم نروح الديره ؟
اويس: اي والله صادق بس يمكن يخلونا على اسبوع بعدين تخلص اجازتنا
عبدالعزيز: عادي تروح وترجع ويمكن نسكن ف البيت هم رجعوا بس عشان ذكريات جدي وجدتي
اويس: بعد اشتقت للمزرعه والادهم والسهم
عبدالعزيز: اي والله صادق وحشتنا الديره
جاء سهم : مانمتو؟
اويس وعبدالعزيز نطقوا سوا: لا مانمنا
سهم: حتى انا شمسوين بالحوش مير تشطف المسكينه
اويس: عبدالعزيز...... قاله الموضوع
سهم: ضحكني مو صاحي
اويس: اي والله
سهم: دام الساعه ٤ نفطرر؟
عبدالعزيز: قدام
سهم: بس حنا قاعدين بشوف دنى
عبدالعزيز و اويس: وانا بشوف خواتي
سهم: ذكرى !
عبدالعزيز: شفها انت
سهم: بشوفها هي ودنى
العيال: تم
-
طلعوا العيال وانتشروا ف البيت دخلوا
سهم دخل غرفة دنى شاف ذكرى موجوده وتراجع بخطواته نظت دنى: شبغيت؟
سهم: بنجيب فطور ودكم تفطرون معنا تروحون ونحجز لكم طاوله او تجلسون بالبيت ونجيب لكم ؟
دنى لفت ل ذكرى: شرايك كذا ولا كذا
ذكرى: مين معنا؟
دنى: البنات ياسهم يجون؟
سهم: م ادري راحوا اخوانهم لهم وانا جيت اشوفك انتي وذكرى
ابتسمت ذكرى من نطق اسمها وتحسه غريب من فمه غير ابتسمت ونطقت: امم شوفوا البنات انا ماتفرق معي لو تجيبون ونجلس هنا افضل يادنى ولا بخاطرك ؟
دنى: مدري ودي اطلع وبنفس الوقت لا حنا كنا بننام بس جيت انت
سهم: خلاص ناموا لا اضيع فلوسي
ضحكت دنى: خير وش بتجيبون طيب ؟
سهم : مدري بنروح ونشوف على ذوق اويس
نطقت ذكرى: لا انتبهوا اويس ذوقه مخيس
ضحك سهم : عجلوا تأخرتوا ينادوني !
دنى همست ل ذكرى: تبين من فطيره الفلافل ؟ شرايك؟
ذكرى: تم عادي
دنى لفت ل سهم: جب لنا من فطيره الفلافل بوكسين وببسي اهم شي ولا تطولون تذكروا في بطون جوعانه
سهم: اربع وعشرين ساعه جوعانه
دنى: وانا بنت ابوي تعال جاي اوريك
ركض سهم وهو يضحك
دنى: اص سد فمك لايقومون والله ان قام ابوي يعلمك الفطوو يخليك تاكل بطانيه
ضحك سهم: رشاش روحي روحي
دخلت دنى الغرفه على ذكرى وشافتها تتثاوب نطت عليها: تنامين ياويلك
ذكرى نطقت: ليه يناديك رشاش؟
دنى: مدري بس يقول يلبق لك لانك تهبدين اي شخص ابحثي ب قوقل تحمست اعرف
دخلوا قوقل واكتبوا رشاش ناظرت دنى وجه ذكرى وفطسوا ضحك : يمه شوضعه
دنى: كيف يعني ذا يسرق ولا ايش
ذكرى: مصارعي
وضحكوا كلهم
-
"عند العيال"
سهم: شصار معكم
اويس: انت شصار معك
عبدالعزيز: انا اخواتي نايمات و اويس بعد
سهم: لقيت دنى وذكرى قاعدات وقالوا جيبوا لنا مانبي نروح
عبدالعزيز: خلاص تم
لفوا فجاءه يشوفون اويس : يمه
عبدالله: يمه وجع فطور بدوني ؟ يلا امشوا
سهم واويس وعبدالعزيز يناظرون بعض بصدمه سهم: من قالك تجي؟
عبدالله: ياحليلك الوضع برد ومافي مكيف وغرفتي شباكها على الحوش وفاتحينه وصحيت على منبه وسمعت سوالفكم اخذت شور دافي ولبست وحمدلله لحقت يلا من يسوق ؟
سهم: جني
عبدالعزيز: خلوا سهم يسوق نبي سيارته كبيره وتكفي
اويس واقف بالشارع: يالبى الكزس الاسووود
سهم: عشان اسوق انا؟ وضحك
عبدالله وهو يضحك: ايي اي
ضحكوا كلهم وركبوا متجهين للمطعم دخلوا وحجزوا طاوله همس عبدالله: فطوركم على حسابي
عبدالعزيز: عاش ولد العم
عبدالله: الحين اغير قراري
نط اويس: لا لا
ضحكوا كلهم اما سهم كان يراقب ومبتسم جاه اشعار فتح جواله من نفس الرقم الي دق عليه فاليل: السلام عليكم ورحمة الله وبركاته
انا الي كلمتك متى ناوي تجي اخوي حالته تعبانه حيل حاول تكون موجود بكره الله يجزاك خير
رد سهم: وعليكم السلام ورحمة الله وبركاته
بإذن الله بكره و اعتذر عن التأخير
ارسلها
لف لهم كلهم يناظرونه : شفيكم؟
عبدالله : مين؟
سهم: امم الصدق بقولكم
التموا كلهم يسمعون سهم بإنصات : تعرفون احد سيف فهد آل حثلين؟
عبدالله: سامع فيه!
سهم: ولده مريض والي تكلمني اخته او امه اضن موب الاب
اويس : اسألها من انتي
سهم: غبي انت كيف اسألها بس هي قالت لي من وين و اسم ولدها وعايشين ف الديره بكره بطلع لهم اشوف الحاله تقول حرجه مره
عبدالعزيز عقد حواجبه: شسمه المريض ؟
سهم: خالد سيف
عبدالعزيز: مألوف الاسم قد سمعت عمامي يتكلمون عنه
سهم: وش دار الحديث عنه؟
عبدالعزيز: مدري حادث و ايش ماسألت قوموني
ضحكوا بصوت خفيف ولفوا على قدوم الطلب
الي تكون من جميع الفطورات والطبخات منها البيض والفول والفلافل وال.....
-
دنى: اف طولوا جوعانه
ذكرى: كم صارت الساعه ؟
دنى: ٧ وشوي
ذكرى: قومي نطلع للحوش نتمشى
دنى: اوكي
قاموا كلهم وطلعوا للحوش واحلسوا على الفرشه ويتسدحون عليها ويناظرون الغيوم الي واضح انه في مطر
ذكرى: احب الغييوم
دنى: من مايحب الغيوم؟
ذكرى بضحك: انتي
فزوا على فتحت الباب ولفت ذكرى وسحبت العصا ودنى وراها
ضحك على اشكالهم : مسوين بتصربوني يعني؟
هربوا داخل وتقدم نزل الاكل بالصاله : هاكم وطلع
دنى مكشره: ليه تشوف ذكرى؟
سهم: ماشفت فجاءه شفت شمس غطت عيوني
دنى: ماشاءالله ياحلوك شكرا
سهم: لا داعي انا رايح انام وراي طلعه بكره
دنى بأستغراب: وين؟
سهم: ل الديره عندي مريض صحيني المغرب عشان اكون شبعان نوم واعالجه وارجع
دنى اومئت براسها: طيب
راحت واخذت الاكل ودخلت غرفتها : ذكرى
ذكرى: هلا؟
دنى: يلا جاء قومي
قامت ذكرى بتعب وجلست : افف جوعانه صدق باكل وبنام
دنى: اي يلا
ذكرى: يمه كلهم ناموا باقي حنا
دنى بضحكه: ايي خلصي يلا
ذكرى: خلصت حمدلله
دنى: وانا بعد الحمدلله اذا صحينا وش بيسون البنات؟
ذكرى بضحكه: بينهبلن قولي سهم جاب لنا وحنا ماندري
دنى: بقول كذا بس النمسه ميان ورؤيا ولا العنود ووسن ورنا عادي
ضحكت ذكرى: اي ذولا عادي سوسن عبدالله جاب لها؟
دنى: مدري احس اي
خلصوا ونظفوا مكانهم ودخلوا الحمام اكرمكم الله يفرشون اسنانهم ويخلصون وانسدحوا جنب بعض بالسرير تقشعرت دنى: اخ برد
ذكرى: اي مره احس بيروح الجو الحلو علينا الساعه 10 اكيد نصحى متأخر اخ
دنى وهي مغمضه: جاني النوووم
سكتت ذكرى وناموا كلهم ..
-
الصباح صحى على المنبه ومنزعج فتح جواله اتصالات من الدكتور زفر بتعب: اف اف
قام اخذ شور سريع طلع فتح درجه سحب شنطه وكب نص الملابس بدون ترتيب وتعطر وطلع على دق جواله
الدكتور راكان: وينك ياسهم!
سهم: جاي اصبروا
راكان: يلا عجل علينا بنمشي
سهم: تروحون كلكم ولالحالي بترسلوني!
راكان: مدري قال الدكتور روح انت بس لانك تتحمل خلص لايموت المريض
سهم: يلا طالع اخرتني انت وطفى بوجهه
نزل بالصاله شاف محد قاعد قال : فرصه عشان اودع احد
وطلع وركب سيارته متوجه للمطار ..
-
"الظهر بالمجلس"
ابو سهم: وين الناسس!
ابو عبدالاله: قل وين الفطور قوموا نطبخ حنا
ابو عبدالعزيز: انا بنوم اطبخوا وباكل معكم
ابو سهم: قم بس قم
ابو عبدالعزيز: مالي خلق
ابو ذكرى وهو يضحك: ياحليلك قوموا يلا
قاموا كلهم ودخلوا المطبخ يضبطون فطور لهم وخلصوا وحطوا دخل عليهم اويس: ماشاءالله بدوني
ابو عبدالاله: وينك انت ؟
اويس: نايم
عبدالاله: اجل اسكت
اويس ضحك: تضرب بالعالي ياعم
ابو اويس: امش امش قدامي
اويس يضحك: شعندك يبه انت بعد شفيكم علي وين العيال !!
ابو سهم: رح شفهم والحرمه النايمه ليه ماتقوم
اويس عقد حواجبه على دخول عبدالاله: منهو!
ابو سهم: من غيره سهم!
فطسوا ضحك على كلامه
عبدالاله: بروح اشوفه واجي افطروا لاتنتظرون
راح فوق فتح الغرفه شافها حوسه الملابس بالارض وواضح طاير همس: عنده عمليه ولا ايش؟
طلع يركض يخبرهم: سهم موب هنا !
ابو سهم: شلون موب هنا؟
عبدالاله: مدري دخلت الغرفه مكركبه وحوسه
ابو سهم : اصبر بدق
دق عليه وصله اتصال وهو بالمطار عند الشنط رد : هلا يبه؟
ابو سهم: وينك فيه!
سهم: عندي مريض بالديره رايح له وبجي ان شاء الله
ابو سهم: اها طيب ليه ماقلت خوفتنا
سهم بضحكه: يلا مع السلامه
ابو سهم: درب السلامه
قفل وهم افطروا وهو طلع
-
"العصر"
قاموا البنات والامهات يسوون فطور وافطروا
ام ذكرى: وين دنى وذكرى؟
لمى: نايمين
ام ذكرى: روحي قعديهم بالله
لمى : ابشري ر
راحت لمى دخلت الغرفه ثلج وصرخت عليهم نطوا كلهم ذكرى: خير خير!
دنى: الله يشلك
لمى: عوذه امهاتكم تقول قوموا افطروا وترا البيت توه قاعد قوموا بسرعه
ذكرى: كم الساعه ؟؟
لمى: ٤ الا بتصير خمسه
شهقت ذكرى ونطت من السرير على طول الحمام
دنى وهي دايخه: شفيها
لمى: مدري ! قومي انتي
دنى: يلا
-
بعد دقيقتين طلعت ذكرى وفتحت جوالها وردت
: هلا ؟
؟: وينك قلتي بتجين انا عند مكتبك
ذكرى بتردد: اا راحت علي نومه اعذرني
؟: وش الي راحت عليك نومه انا هنا جايك تساعديني ويصير كذا !
ذكرى ب استنفار: طيب جايتك ! انتظر عند المكتب خل محمد يدخلك
؟: طيب
قفلت وزفرت : يع مريض!
لبست بسرعه وطلعت لهم
ذكرى: انا طالعه
ام ذكرى: تعالي افطري !
ذكرى: ماما مقدر
طلعت على طول شغلت سيارتها وراحت ..
-
عند سهم
وصل ونزل طلب فطور افطر وطلع يكمل طريقه وصل بعد ساعتين دخل المستشفى وقف عند الاستقبال: دكتور سهم؟
سهم: هلا اي عندي مريض
.: امش معاي اوديك غرفته بالعنايه
سهم: يلا
دخل سهم وشافه تلخبطت مشاعره كانه شايفه من زمان ويعرفه همس: وش عنده؟
.: يحتاج تدخل جراحي ف رجله صار عليه حادث
سهم: اح يمكن مايقدر يمشي مره ثانيه !
.: عشان كذا جابوك لانك شاطر
ابتسم سهم: طيب يلا طلعوه بنبدا عمليه صح مسوين كل شي التحاليل ؟؟
.: اي اي بس ينتظرونك
سهم: اجل يلا
-
عند مكتب ذكرى
دخلت عليها السلام عليكم
.: وعليكم السلام
ذكرى وهي حالسه على المكتب : شبغيت ووش صاير وعن ايش ادافع ثالث شي ادافع عن المظلومين لو كنت موب مظلوم ف تفضل برا
.: معك ريان سيف فهد آل حثلين
ذكرى عقدت حواجبه نطقت: كمل
ريان: انا جايك هنا عشان تساعديني وماعليك مظلومين ولا جايك عشان تدافعين عن مو حق لا الحق معنا لكن اخوي سامي صار له حادث وحاطين الغلط عليه الشي الثاني انا جيتك بعد من مدح الناس لك ومعرفتك فيك وهم رشحوني لك
ذكرى: اهلاً فيك والله بس دليل نحتاج
ريان: الدليل معي
ذكرى: اجل يلا نقول بسم الله ونبداء
ريان: اخوي سامي طلع من الاستراحه الساعه ٤ الفجر جاي للبيت بعد ما سهر مع اخوياه طبعاً اوضح لك اخوه هو الي مسبب الحادث وخويه الثاني علم عليه ف فديوا شوفي
كان محتوى الفديوا : دخل عبد الصمد تحت السياره وقاطع البريك
انصدمت ذكرى: مجنون!! ايش حصل ل اخوك ؟
ريان: اخوي الان فالعنايه المشدده وطلبنا دكتور يجي من الرياض ل الديره و الحين هو تقريباً وصل عنده واخوي في جروح ورجله ماتتحرك تحتاج تدخل جراحي
ذكرى: طيب ابشر باللي يطيب خاطرك بقرا الملف وكل محتواه واحتاجك بعد يومين نروح للمحكمه
ريان: يعطيك العافيه واتعابك بتجيك في حواله
ذكرى: بعد ماتخلص نشوف
طلع ريان وركب سيارته متوجه ل الديره عند اخوه
-
في البيت جالسين بالحوش
دنى: يع وين راحت ذي مارجعت للحين اذن العشاء
العنود: عندها شغل
دنى: ادري بس طولت
ميان: خلونا نطلب حلا ونسوي قهوه
لمى: على حسابك
ميان: تمام
-
"بالمجلس "
عبدالعزيز: سهم وين ؟
عبدالله: مدري
اويس: فالديره
نط عبدالاله: احلف
اويس: والله عنده مريض هناك
عبدالاله: اها
ابو ذكرى: عزوز عطني الدله
عبدالعزيز: سم عطني فنجانك
مد له ابو ذكرى الفنجان يصب له ..
-
طلعت من مكتبها والنوم في عيونها ركبت السياره تأففت بتعب: اخ متى بشبع نوم
بعد نص ساعه وصلت البيت دخلت على البنات لقتيهم يتقهوون همست: شبعانات نوم !
دنى: وينك ماجيتي طولتي تراك
ذكرى: مسكت ملف عشان كذا مره تعبانه بنام
دنى: انتي وسهم اليوم كل البيت يدورونكم او بالاخص انا من صحيت ادوركم
ضحكت ذكرى: ليه وينه ضايع بعد
لمى: رايح ل الديره
عقدت حواجبها : ليه ؟
العنود نطت : وين وليه ؟
لمى : بسم الله
دنى: اخوي تراه اصبروا انا اتكلم
نطت ميان: لا انا
وقاموا يصارخون ذكرى ب انزعاج وبصرخه وحده سكتتهم كلهم: خييير انتم خيرر راسيي مصدعع وتتكلمون انطمواا لاحد يسولف مبي اععرررف وينه خلاااصص!!
وطلعت لغرفتها
انصدموا من صراخها وجلست العنود: يع خل تذلف
لفت دنى بعصبيه : خير انتي بعد ! معتووها ولحقتها فوق دخلت غرفة ذكرى وهمست: شفيك ؟!
ذكرى: مالي خلق دنو اطلعي بنام
