الصباح
صحت مالها خلق ايشي فتحت جوالها ارسلت رساله ل صاحبتها "عبير" كان موضوع الرساله : مالي اجي المكتب بالله قولي ل لندا تلغي كل اجتماعاتي .
ردت عبير بعد ثلاث دقايق : ابشري ، ودك اجيك ؟
ذكرى: امم شرايك بكره بروح اليوم بيت عمامي
عبير: تمام
قفلت جوالها وقامت تتسبح وتتجهز بحكم ان الوقت متأخر ومفروض رايحه من الظهر
-
بعد مرور ساعتين الي ثلاث الكل مجتمع وجالسين بالدكه كلهم سوا نطق ابو سهم: نبي نروح الديره
لمى: يوه ياجوكم مابوه احد بالديره
ميان: صدق والله من بعد موت جدي وجدتي الله يرحمهم ماعاد لها طعم
ابو سهم: عمكم داق علي !
لفوا كلهم وهم ناسين ان عندهم عمه اسمه "سيف " اصلا! كمل يناظر نظراتهم ونطق : بكره الصبح نمشي نمسك خط وسلام عليكم طلع تاركهم كلهم يناظرون بعض مصدومين
على دخول عبدالله وسوسن ونطق: مساء الخير شعندكم ؟
ام عبدالله: هلا والله ب ابو السهم
ابتسم عبدالله : اي ابو السهم وين سهم؟
ناظرته ام سهم: بالمطبخ مدري شقاعد يسوي
مشى عبدالله متوجه للمطبخ دخل عليه وناظره يسوي ستيك تقدم ونطق: امم وش هالريحه الحلوه! ياشيف سهم فزت ف كل شي الا حبك
ضحك بعلو صوته من القهر الي فيه ونطق ب : اخ ياحبٍ مافزت به
ضحك عبدالله : اي والله
مشى ياخذ الصحون ويوزعون على طاولة الطعام ومعهم العاملات وكان يسولف عبدالله وسهم عن الشغل قاطع تفكيرهم للي دخلت ونطقت: عبدالله انت الطباخ؟
ضحك عبدالله: لا سهم
ناظرت نظره بحده : امم اوكي
طلعت تاركتهم همس عبدالله: قويه
صفقه بالمنديل : وجع
عبدالله: والله توجع !
سهم: احسن
دخلوا كلهم غرفه الطعام ياكلون ويتلذذون ب اكل سهم ماعادا هي الي طلعت عند الاحصنه تقدمت داخل وهي مفصخه عبايتها وكل شي ونطقت بعلوا صوتها: ياالأصيل اخذوا حبيبي مني ترضى اخذ حبيبتك منك ؟
كانت تسولف له عن حالها .
قام من الطاوله يلحقها ووقت يناظرها وراها وهو يشوفها تمسح على الخيل وتتكلم معه ميل راسه يتأملها لف من شافت ظل ومشت له وقفت عنده من جاء اويس متوجه لمكان الخيول سحبها مع ذراعها بقوه لين طاحت فحضنه بظلام كان يسمع صوت انفاسها وهي تسمع صوت انفاسه كانت حاطه راسها على قلبه وتسمع دقات قلبه ابتسمت بخوف مسكها يضمها له ونطق: انا بقولك شي واسمعيني تكفين !
ذكرى : اسمعك
سهم: اصبري يطلع ذا الشاوي
عند اويس كان يمشي ورا سهم بس فجاءه مالقا له اثر طلع من الاسطبل متوجه لجلستهم
-
سهم : بفتح جوالي وبعطيك شي تقرينه
ذكرى بتعقيده حواجب : وش؟
سهم كان يلف بالجوال ويدور الصوره الي لقاها ف جوال ابوه ويدور ونطق: افف مالقيتها
ذكرى بعناد: وشهي !
سهم: صوره لي ولك بس بوريك يمكن تحنين علي !
كان يلف بالصور ولفت شي بال ذكرى سحبت جواله من يده وشافت الفستان الموف الي قبل فتره من يوم التحرش صرخت بقوه وقفل فمها سهم : اصص وش فييكك!!
ذكرى: العـ العنووود !!
سهم عقد حواجبه ب استغراب وهو خايف من ذكرى تحسب انه ياخذ صورها او شي قطعت تفكيره من اشتغل المقطع وسمعت صوتها وصوته وهم يتهاوشون وشوي صرخت العنود ب متحرش متحرش
فزت بقوه و الابتسامه شاقه وجها ونطقت : سهمم بتفتك اخييراا! سهم : عطيني اشوف
اخذ يشغل الفديوا ويسمعه من نهايته لبدايته من فزت تضمه بكل قوه وتنطق : اخيراً
بادلها الحضن وهو مبتسم ونطق: كيف يصدقونا؟
ذكرى : انا عندي فكره !
سهم : وشهي؟
ذكرى : .... امش وراي
ابتسم سهم من خطتها الذكيه ومشى يتبعها بكل حماس ل اجل يفتك من الكذابه ذي
سهم قرب منها ونطق: وهديتي لي حيلي وانا حيلي قوي وميلتي ذارعي
ذكرى: الله اعلم بقلبٍ فيه الاشواق حيه
سهم ناظرها بتأمل وناظر القمر : أمانه ياقمر ياساري بالليل خذ سلام وصبه شوق في عين الذي عيني معنيها
وكمل ينطق : صابني بالعيون والحجاج الذبوحي واحمر المبسم الي مايعالج صوابه ..
ابتسمت ذكرى ونطقت: احس اني بريت احس اني ولدت من جديد احس اني حييت
قام سهم من عندها وهو مبتسم : قومي يلا
قامت معه متوجهه ووصلت الدكه ونطقت : سلام معي بروجكتر بشغل شي دام كلكم مجتمعين وبالاخص الحيه وناظرت العنود
بلعت ريقها العنود وناظرت سهم ولفت ذكرى
مشت ذكرى تشبكه بالجدار وتشبكه بالجوال وشغلت الفديو الي كان مدته ٢٠ ثانيه
شهقت ام اويس : ياغبرا!!
ابتسمت ام سهم : انا اوريتس افصخوا العقد بسرعه يعني الموضوع غصب ياخذك !!
صرخت بقوه وقالت: من طلع راس ذكرى يشم الهوا وانا حاجزتها لسهم وللحين ماغيرت شي ذكرى للابد تبقى ذكرى لي ولكل العيله وانا ادري ان نيتك من البدايه كذا
قامت من عندهم متوجهه لغرفتها حست بالاحراج من انكشفت قدام عمامها وبنات عمامها وعيالهم وابائهم ..
لفت له وحطت عينها بعينه وغمزت فهم مقصدها وعض على شفته السفليه يمنع ابتسامته مشى متجاهل الكل ودخل فراشه ينام نومه الراحه بعد الي صار له
-
ذكرى: ماما بابا نمشي؟
ابو ذكرى: انا عند الباب يلا
ذكرى: تمام
مشوا الكل لبيتهم مستعدين لبكره
-
صحى بكل نشاط ورجع لحياته القديمه رجع سهم الي بالقوس ولا يهتم اذا هي صح او خطاء طلع على طول ياخذ ورقه فصخ عقد وقع واخذها معه وطلع بيت ابو اويس فك الباب اويس ونطق: السلا عليكم هذي ورقه خل اختك توقع عليها
اخذ الورقه اويس ومشى يطق باب غرفة اخته فتحت له ونطق: سهم عند الباب وقعي عجلي
العنود شمقت بعيونها: يع ياليل عطني القلم اخذت القلم ووقعت وطشته على اويس ونطق: شين قوي عين
مشى متوجه ل سهم : هاك
اخذ الورقه ومشى متجاهل اويس الي واضح عليه وده يقول كلام كثير بقلبه مشى يرجع الورقه ويدخل بيته ونطق: طلقتها
ابتسمت دنى: سويت خير
ابتسم لها ونطق: اي عبود
ضحكت بعلوا صوتها من فهمة مقصده ونطقت: اقول اسكت ندري انك هايم قبلي
ضحك ونطق: الغريب اني ماتوقعت تحبين ياغليص
ضحكت وضربت فخذه : وجع
حركت شعرها بيدها بغرور : انا انحب بكل مافيني واسمي دُنى بالضمه يعني وش !! يعني الجمال والكمال والحسن واجمل وحده بالنسوان
سهم : من سويتي حركتك كذا وانا دريت ماعندك ماعند جدتي لف على صوت ابوه من ناداهم يجون يفطرون
تقدم يجلس على الطاوله ونطق ابوه: فصخت؟
سهم: اي اللهم لك الحمد حتى يبلغ الحمد منتهاه
ضحكوا كلهم ونطق ابو سهم: غريبه والله ماتوقعت حمدلله
سهم : حبل الكذب قصير
ابو سهم: صادق
لفت دنى: بابا
لف لها ابو سهم ونطق: امريني
دنى : مايأمر عليك عدو بس بسألك متى حدد عبدالاله؟
ابتسم ابو سهم: ياحظه عبود فيك والله قال بالوقت الي تبينه وصح بعد حول مهرك ٨٠ الف ف شيك انا اخذته منه
ابتسمت دنى : بيطلع بيت ولا كيف؟
ضحكت ام سهم: ياهبله اجل ماوزع جدك بيوت على كل عيال عمامك ؟
دنى: اها نسيت والله ماتوقعت
سهم: وين شقتي؟؟
ابو سهم: اجلس بالبيت انت
ضحكوا كلهم ونطق: انا بهرب للبحر
دنى: ياسمكه
ضحك وهو طالع من غرفه الطعام ركب سيارته وشبك اغنيه على السياره بلوتوث
"خبروه إني على وصله حـــــييت= و إن تفارقنا ترى موتـــي دنا
لــــــي حبيب يوم روّح ما سليت= يعلم الله تو ما ذقت الــــــــعنا
عبرتي هليتها حـــزن وبكيـــــت= يا ردى عمر الحسوفه ما جنا
ذقت من دنيا حبيبي وما إرتويت= جـنـة الدنيا حبـــــــيبي والمنا
عشت بأحلام الهوى ليـل وبنيت= كل أمالي تداركـــــها الفــــــنا
في حياتي ما ذكــرت إني شكيت= في هوانا ضحكـــــت الدنيا لنا"
ردد بصوته مع خالد عبدالرحمن لين وصل دوامه ووقع اوراقه وطلع للبحر .
-
ابتسمت من تذكرت الي حصل لها فرحت مره ماتعرف بس شعورها حلو مره ابتسمت بفرحه وقفت تتحرك بحماس وتنسدح على السرير بمجرد ماتتذكر الي صار لها ابتسمت تنهدت بفرحه ونطقت: ياترى وينك وش مخبي في يدينك؟ من مشاعر وحروف قامت تتجهز وتطلع لدوامها واليوم كله حُب ومشاعر سعيده تجهزت وطلعت نزلت تحت تقابل امها ونطقت: اليوم الوجه سعيد اعرف السر وغمزت لها ضحكت ذكرى ونطقت جت تضمها: ماما وش يعني حرام اصير سعيده نمت كثير نوم اليل يمدحونه
ضحكت ام ذكرى: اي يمدحون نوم اليل وضحكت مشت تركض تاخذ حبه زيتون وتلف بالتوست مربى كرز وتاخذ عصير وتطلع لفت : انا طالعه مع السلامه اشوفكم بعد المغرب بأذن الله
ردوا لها السلام ووصوها على نفسها وطلعت تقفل الباب وراها العامله ركبت سيارتها وتوجهت لمكتبها مستعده تحل جميع المشاكل بطاقه وشغف دخلت المكتب نزلت شنطتها وعلقت عبايتها وجت رندا لها ونطقت: قهوتك عزيزتي
ابتسمت ذكرى وكملت رندا: اليوم عندك زباين ماشاءالله والواضح كلهم عندهم مشاكل بعد م اختفيتي فتره تراكموا
اومئت براسها لها تطمنها ب اي وطلعت رندا تاركتها تتقهوى وتتلذذ بطعم قهوتها .
-
(ادري انه قصير لكن تعويض ) (أنستا sss3g)
