-
ام سهم : ي امنه ماودك نطلع بهالحوش ؟
امنه (ام ذكرى): والله امشي ماعندي مانع
اخذوا قهوه وصحن حلا وطلعوا بالحوش وجلسوا بالحديقه نطقت ام سهم : وش بتسوون بالبيت وشغل ابو ذكرى
امنه نتهدت ونطقت : والله ماندري يمكن ذكرى تمسك الشغل يمكن ينتهي وضع الشغل والحمدلله بنيتي موظفه وتقدر والبيت يمكن نبيعه ويمكن لا
ام سهم: تدرين عاد لاتبيعون البيت انتي اسكني عندي هنا والبيت خلوه ل احفادك وذكرى من هالذكريات مثل ذكرى السهام ..
ضحكت امنه : اي والله ذكرى السهام على هالطاري يقولون ذكرى من السَهم تصُوبت فَالقّلب للأبّد عسّى نشوف احفادنا ي ام السهم .
ام سهم ب ابتسامه عريضه: اي والله نشوفهم ان شاءالله وبيني وبينتس احس ان دُنى حامل .
ضحكوا جميع ونطقت ام ذكرى: شلون عرفتي هي قالت ؟
ام سهم: لا مدري احس ماقالت سألتها تقول ماما من وين تشوفين حتى اعراض حمل مو موجوده
امنه : اجل شلون تبين تعرفين انها حامل وهي ماعندها اعراض داخلها بطنها ؟
ضحكت ام سهم وضحكوا جميع ونطقت : اقول اعلمتس بالصريح؟
امنه بحماس: اايه!
ام سهم: القدر موكل بالمنطق غدينا نشوفها حامل
ضحكت امنه ونطقت : افا يانوير عزالله منتي صاحيه وضحكت وضحكت معها امنه .
-
"بيت عبدالاله"
تقدم يضمها من ورا ويبوسها مع عُنقها ودفن وجهه بحُضنها ونطق: اخ كيك يسوي كيك ؟ كيف كذا ؟
ضحكت دُنى: ايوا كيك يسوي كيك ؟ شفت شلون
لفها عليه وغمس اصبعه بالخليط وذاق طعمه ونطق: اوف حلو!! مره! مثلك
ضحكت دُنى من ناظرته يمّيل جسده وحني رقبتّه وسرق قُبلته على مبسمها بهدوء توردت ملامحها من شافته يقبلها بادلته القُبله .. اخذها تترك الي بيدها مشى يقبلها مع عُنقها لحد م انسدحت على السرير همس لها: مايصير الوصل؟
ناظرته بصدمه وخجلت منه من انحنى يقبّلها بكُل رقته وتبادله القُبل ....
-
"بالكوخ .. بيت سهم"
جالسين يفطرون اخذت الفرواله تاكلها ثم اخذت التوت تاكله كان يناظرتها اخذت جوالها ترفعه على وجهها وقصت التوت واخذته تحط على شفايفها وخدودها ك بلاشر ..
كان يناظرها ويتأملها كيف حركاته جداً جميله طفوليه تأسر القلب تنهد وهو ينطق : تحطين على شفايفك توت ؟ ليه؟
ناظرته وهي تكشر وتكمل تاكل توت : اقولك شي ؟
سهم: اييه؟
ذكرى ب ابتسامه : ياحبيبي هذا احلى ميكب طبيعي حركت شعرها وهي تنطق : بالله مو حلو؟
سهم مُغرم ل أخر درجه وهو يتأملها ووقف ويمسك يدينها وياخذها معاه ل حد ماناظرت نفسها وهي واقفه عند البحر نطقت بترجي : سهم لا تكفى
ضحك سهم ونطق: كذا بتعذبيني ! والله انتي احلى عذاب لازم تسبحين معي
فصخ الشال الي عليها كانت لابسه فستان باللون الموف قصير فوق الركبه علاق خيوط اخذ يدها وهو ينط معها بالبحر تعلقت فيه من خوفها كان محاوطها من ورا يده على خصرها وهي محاوطته من ورا رقبته وراسها على راسها وترجف : تكفى اخاف طلعني مقدرر
ضحك وهو يناظرها ونطق: اموت انا بالمّبسم العذب !
رجفت خلاياها من نطق كذا وضحكت بخجل وهي تبعد شعرها عن عيونها ناظرته يحني نفسه ل اجل يقُبلها رجع شعورها مثل المره الأولى وكأنه يسرق انفاسها منها شدت على رقبته من ورا وبادلته القبُل سحبدها لحد ماصارت لاصقه فيه وهم في وسط البحّر وقفت توخر عنه ونطقت بصوت مهزوز: سهم تكفى خل نطلع على الاقل من البحر !
سهم : بطلعك بس عشان ماتموتين علينا!
ضحكت بخوف وهي ماسكته وتمشي معاه لحد ماطلعت معه ناظرها وهو يتأمل كفه بكفها سحبها لعنده ومسكها من خُصرها وهو يركض معها لحد مادخلوا الكوخ ضحكت بخوف وهي تناظره ونطقت: اوف مابغيت احس اني بردانه!
سهم اخذت الروب يحطه عليها ويحاوطها من ورا دخلوا الغرفه ونطق: شربتي نص مويه البحر صح !
ذكرى بعصبيه: شرايك يعني!
ضحك سهم على عصبيتها وهو يطلع لها ملابس ونطق: خوذي البسي وتعالي
ناظرته ونطقت: مابتلبس انت؟؟
سهم : لا برجع اسبح
ذكرى : اوك
طلع وقفل الباب عليها وفصخت ملابسها ودخلت تاخذ شور ونطقت بنفسها: صدق يجّذب ! الله يبعد عنك عيون الحسّاد ياحبيبي ..
-
.. بعد مرور اربع شهور ..
ام سهم : كيفك ي امنه مستانسه هنا ؟
امنه ب ابتسامه : اي والله الحمدلله بنيتي هنا وانا مستانسه طول م اشوفها مستانسه الله يخليها لي ويفرحني فيها يارب
ام سهم ابتسمت غصب : اي والله ياحلوها هالذكرى وواضح تطري عليها ذكرى ابوها بس سهم مو خليها الحمدلله بس هالفتره احسني ناقده على سهم مدري كنه يتضايق وتجيه رسايل بالجوال ماشكيتي ؟
امنه عقدة حواجبها : اي والله غريب ؟ يوم ياكل يقوم من الطاوله ويرد يرجع معصب ويبتسم غصب
ام سهم ب ارتباك من تذكرت ... : الله يستر ليكون هذاك
فهمت ام ذكرى عليها وتغير وجهها بمعنى مو ناقصنا اكثر مشاكل ..
-
"في بيت سوسن "
كانت تناديه وتنطق سوسو تعال كان واقف عند التلفزيون وبيده لعبه ناظرها وابتسم وصارخ بلحظه لفت عنه هو سحب السوني وطاح بالارض شهقت اول مالفت وقامت اخذت سهم بحضنها ونطقت : يمه صار لك شي ؟؟
ضحك وهو يقول: نو
ضحكت من نطق وتعلم للكلمه لانها كل مايبي يسوي شي تقول نو ..
رفعت السوني وشافت مافيها شي ورجعتها ونطقت: لو صار فيها شي بابا بيضربنا اثنينا اخذته تغير ملابسه وتتسبح هي بتطلع عندهم اليوم مسوين عشاء بمناسبه خلصت العده امنه (ام ذكرى)
-
رجع ياخذ جواله ورد بكّل عصبيه: قسم بالله اذا انذلفت ولا عاد شفتك ترد والله مابيني وبينك غير الموت تسمعني ! يا انا يا انت!
نيّار : اقول ماتذكرني عجيب والله ؟ تحسب اني بخليك اخوي توفى من قهره على امي واخوي الثاني ضايع
ضحك سهم: وشدخلني انا فيكم وبحياتكم جاي هنا تطبق علي ؟ رح دور انت شتاتك و امورك ولا جاي معك عصابه حدك السجن
نيّار : نشوف ان ماشفت دمك على يدي فلا اكون نّيار .
سهم ضحك ب استهتار : منت نيّار اصلاً
قفل الخط لف نيّار بقهر وضَرب يده بالطاوله لين ماصارت تنزف قهر ونطق : نياااف!!
نياف جاء يركض : وش تبي ؟؟
نيّار : سهم لازم يموت ! تفهم لازم !
نياف ضحك على جنب : اذبحه ولا عاقبه
نيّار : وشلون ؟؟
نيّاف : سهله !
نيّار ضحك وضحك نياف من فهموا مقصد بعض .
-
"جّناح سهم "
اليوم في عشاء لماما وش البس فستان اختار معي
جاء سهم بعد ماخلص مكالمته جلس بجانبها ونطق: اي شي تلبسينه حلو
ذكرى: طيب اختار لون فستان اشرت ب اصبعها هذا الاحمر او هذا الكموني او هذا الموف
ضحك سهم على جنب : اي شي بتلبسينه قلت حلو بس الاحمر بذات عندهم لا تلبسينه
حطت يديها على خصرها ونطقت : ليه ان شاءالله خلاص بلبس الاحمر
تقدم سهم لها وهو ينزل يدينها وحط ايده عند خُصرها ويده الثانيه على ظهرها وميل نفسه يبوسها مع عُنقها ونطق: من اول مره بوستك هنا يوم اويس ..قاطعته تحط يدها على فمه ونطقت : تكفى كل مااتذكر الموقف انحرج مره حيوان اويس !
ضحك سهم : اخ احبك مره واغار عليك ترا ! لو احد يمدحك غيري انا اموت من الغيره
ابتسمت بخفيف وهي طول الاربع اشهر مع سهم كان مايوضح لها والحين فرحت كثير انه صار يوضح لها كل شي وصار يتكلم معها عن اي شي ويخصوص انه اعترف لها بالصريح انه يحبها حُب تملك رفعت نفسها اكثر ومّيلت نفسَها له من انحنت تطبع قُبله على مبسمه شد عليها يبادلها القُبله الوصل .....
-
