في الرابع من أغسطس

5- لـحـظـة إدراك

صلي على نبي الامه 💛

-سـ اي سنه

همست بها مريم وهي مصدومة مما قالته ساره لتقول ساره وهي تمسك بحقيبه ظهر كبيره

-انا جبتلك حاجات ضروريه ممكن تحتاجيها هنا وكمان فيه كتاب عن العصر اللي انتي فيه ده

اخذت منها مريم الكتاب بعنف وهي تقول بغضب شديد
-ماشي يا خالي بقى واخدني فأر تجارب

ساره بخفوت/ مريم
لم تهتم بها مريم وتحدثت وهي تقلب في الكتاب وتبرطم بالكلام

-أما بلغت عنك وخليتهم يرحلوك على مصر بس لما ارجع بس

ساره بغضب: مــريــم
مريم بصراخ وغضب :عـــايـــزة ايــــه

أشارت ساره الي العائله والتي لا يفهمون اي شئ مما يحدث حتى آرثر وأوسكار لا يفهمون نصف الكلام الغريب هذا لترمش مريم عده مرات قائله

-اااا هذه ساره ابنه خالتي بت اتكلمي تركي ولا انجليزي وقولي اه

ساره: ها أجل أجل انا ابنه خالتها وكنت احضر لها هذه الحقيبه
فيولا: حسنا لما تصرخون هكذا

دفعت مريم ساره للخارج قائله: نحن نتناقش في كارثة قد حدثت اعذروني اريد ان اتحدث معها قليلا في الحديقة

نظر آرثر الي إلينور قائلا: لا تتركيها بمفردها مع تلك الفتاه قفي من بعيد وعينيكي عليهم
إلينور بطاعه: امرك سيدي

خرجت إلينور خلفهم لتجد مريم تصرخ بغضب في الحديقة بلغه لم تفهمها إلينور

-اااااه يا اني على اللي جرالي يعني ده كله مش حلم وانا خلاص اتحبست في زمن ديزني ده

ساره: اهدي شويه يا مريم ثم انتي متحبستيش دي سنه وهتعدي وانتي هترجعي لوحدك اعتبري نفسك في سفريه طويله

مريم بجنون: سفريه اي يا ساره انتي مش فاهمه حاجة الناس اللي جوا فاكرني أميرة من الدولة العثمانية اسمها مَرِيم توانسلان تقريبا انا كنت فاكره اني في حلم وده كله هيخلص بس دلوقتي لا... انا في مصيبتين مش مصيبه واحدة لو جات مَرِيم دي هيعملوا فيا اي

ساره بصدمه: دي فعلا مصيبه طب ما تمشي من هنا
مريم بضياع: فين هما دلوقتي معتبريني ضيفة لو مشيت هاروح فين انا معرفش حد في البلد دي ومعرفش حتى اتكلم بلغتهم ثم حتى لو مشيت فكرك صعب انهم يجبوني تاني دول العيله الملكية يعني نص ساعة بس يقدروا يجبوني من قفايا

جلست على المقعد الخشبي بضياع حقيقي
-اعمل اي دلوقتي

جلست ساره بجانبها: بصي انا معرفش انتي هتعملي ايه ولا هيحصل ايه بس اللي اعرفه انك قويه ومش ضعيفه وبلاش توقعي نفسك في المشاكل كفايه اللي انتي فيه انا دلوقتي همشي
مريم بفزع: تمشي تروحي فين