يمه قد شفتي مثل حب الفيصل للشهد "

Part 10

اللهم صلى وسلم على نبينا محمد 🤍

ام صيته جت على نهاية الكلام وسمعت آخر شيء
قالت بصوتها الصارم اللي يبين الثقة: السلام عليكم ورحمة الله وبركاته، من اللي مضيقة عليه حياته.
الكل: وعليكم السلام ورحمة الله وبركاته.
صيته: مدري عن اخوانتس ،ناظرت عمها فواز وابتسمت على جنب.
العم فهاد: اخوانها وش يصيرون لك .
صيته: مدريي.
نورة: نعم!!
ام صيته جلست على الكنبة اللي جنب الباب برزانه و راس مرفوع:ايييه اخواني ،ناظرت فواز وقالت: وش مسويه هالمرة وانا امتس.
صيته بنفس نبرة امها وجلستها :اوحيهم يبون عرسي قريّب.
[الكل كان يشوف كيف صيته تشبه امها بكل الشيء الصوت،الثقة،الكبرياء،الرزانه]شبة يخلي الجن والإنس يحسبون الف حساب
ام صيته: وانتي متى تبينه؟
العمة فايزة بخف دمها المعتاد:الأحد ولأ الاثنين ملكة بناتي قريّب لا يصير حولهن ههههه .
ابتسمت ام صيته على ظرافة اختها اللي طغى الشيب عليها.
صيته ضحكت بصوتها العذب ضحكة هزت جدران قصر آل حاتم :ههههههه المعرس للحين مالقيناه وانتم حددتم العرس ههه.
نورة  ناظرت  احفادها كلهم ورجعت تناظر صيته بنص عين:إذا تبين العرس المعرس موجود وعيال خوالتس قدامتس طبي وتنقيّ.
كانت صدمة العيال كبيرة ولا واحد منهم تخيّل ولأ حتى فكر
إن فيه يوم من الايام بتكون صيته زوجة واحد منهم.
صيته ناظرت العيال كلهم وقالت: انا بنت جميلة.
هزّت الكلمه آل حاتم كلهم خصوصاً خوالها.
فاطمة زوجة العم فهاد: وإذا بنت جميلة وش بتسوين؟؟
صيته بنبرة تشبة صوت امها بالحييل: جميلة ما أخذت من آل حاتم وبنت جميلة ما راح تأخذ من آل حاتم .
نزلت الكلمة مثل الصاعقه على كل الموجودين وخصوصاً الجد فلاح.
نورة بأستهزاء:ليكون بتاخذين من آل فارس.
صيته: انا م ااخذت من آل حاتم تبيني اخذ من آل فارس .

عند شهد
وقفت بقوة على الزفلت لدرجة إن ترك أثر الكفر على الطريق
رحاب: مجنوونه انتيي بتذبحينأ!!!
شهد كانت دوِّر جوالها بخوف وقالت: ياخي اسكتي شوي.
رحاب: نعععممم بتذبحيني وتبيني اسكت وش اللي خلاك توقفين كذا.
شهد لقت جوالها وبدت تفتح رمزه : صيته .
رحاب:وش فيها؟؟
شهد شافت الحواله اللي جتها وسكتت وملامح الصدمه عليها
رحاب أخذت جوال شهد وشافت قيمة الحواله 180000SAR
رحاب :والله إن تعطيني منها الخاينه .
شهد: وين نروح اول شيء.
رحاب: نروح للملعب اول عشان معي الكورة بعدين اقوى شوبينق.
شهد:let's go.
راحوا لطريق يودي لملعب على أطراف الحفر(شبه مهجور)
بعد 10دقايق وقفت شهد الشاص بعيد عن الملعب شوي أخذت جوالها وشنطة سوداء(المجزرة) موجودة من بالسيارة من قبل(لحّن تسميها المجزرة لإن دايم تصير مجزرة اذا اخذتها)
رحاب نزلت ومعها tag bag (محتوياتها: ماء،شاحن،مرطب شفايف، كريم،عطر،مشرط،شاش،معقم،اهم شيء بالشنطة شوكلت بنعرف ليه معها بعدين)ومعها كورة احتياط
راحوا جهة الملعب وشهد تضبط لثمتها بالشماغ رحاب شافت  الشنطة السوداء وقالت بصدمه: شهههددد وش ناوية عليه؟؟!!!!!
شهد بفهاوة: هاا وش فيه؟
رحاب جت وسحبت الشنطة منها بس شهد ماسكتها بقوة :تعرفين وش اقصد.
شهد: والله وبالله وتالله إن كل واحد يعترض طريقي ليأخذ جزاته لو إنه بحضن امه ، ما اكون اخت ذياب .
رحاب سكتت لإنها تعرف شهد اذا تناخت ب ذياب.
كملوا طريقهم للملعب
شغلت رحاب انوار الملعب وكان مغبر  واضح  محد جاه من مدة طويلة
اخذت الكورة ورمتها فووق وطاحت  بنص الملعب
تركت شهد الشنطة ورفعت طرف عبايتها
ركضت تأخذ الكورة قبل تطيح بالأرض وفعلاً نزلت على رجل شهد وبدأت تلعب فيها رحاب كانت تناظر الشنطة وهي تفكر بكلام شهد
صحت على صراخ شهد ما امداها تناظر  إلا والكورة مرت بجنبها.
شهد:مافيه وقت للهواجيس سرعه سرعه.
أخذت الكورة وبدأ اللعب بين الثنتين .