اللهم صل وسلم على نبينا محمد 🤍
بعد مارجعو البنات للمدرسة دخلو من نفس المكان اللي طلعو منه، كل وحده طرقّت عباتها وحطوها عند زاوية الباب عشان محد يشوفها ثواني وطلعن بعض بنات المتوسط استغربت رزان طالعين قبل وقت الطلعه كانت بتتكلم بس قطع كلامها صوت الجرس معلن الانصراف استغلوا الوضع ودخلن ياخذن شناطهن
استاذة نصرة شافت شهد و رحاب نازلات بشناطهن بس بدون العباية: يابنت انتي وياها وين عبيّتسن ، رحاب قمطت العافية شهد بصوت عالي: بالشنطه استاذه.
استاذة نصرة: ماشاء الله الشنط فاضية مافيها شيء (تقصد انه واضح إن الشنط مافيها شيء)
ناظرتها شهد بنص عين وقالت: نضفي نظاراتك زين.
وراحت وتركتها
استاذة نصرة كانت بترد عليها بس شافت شلت بنات بأول متوسط معهم مشروبات غازية ويستهبلون بلبس الطرحه والعباية وراحت تسفل فيهم.
طلعو البنات وركبت شهد مع السواق حق رحاب وراحت للبيت طول الطريق كانن يسولفون وش تلبس شهد بالعرس و وش تسوي بشعرها والسواق كان مستمع صامت مركز بالطريق لأنه يعرف لو تكلم بتجلده شهد .
وصلت شهد للبيت وعلى جيتها طلعت ام ماجد من بيتهم تعكر مزاج شهد من شافتها ام ماجد: ماشاء الله يابنيتي الله يحفظك من العين .
شهد : آمين، دخلت البيت وسلمت بصوت عالي ام شهد ردت عليها السلام كملت شهد: وش لونتس يا شيخة الشيخات .
ام شهد: الحمدلله، هلا يامي هلا غيري ملابسك وتعالي .
قربت شهد وباست راسها:حاضرررر.
راحت تبدل ملابسها لبست بنطلون احمر وتيشيرت ابيض علية صوره عنكبوت من وراء ونزلت للمجلس وجلست عند امها .
شهد: ايه وش علومتس يالغالية ، وش عندها ام العلوم جايه.
ام شهد: هههه جايه بعلومها اللي تسر واللي ماتسر.
شهد: احح وش عندها.
ام شهد: علمن ماهو زين مير اقدعي اقدعي.
شهد وهي تصب لها شاهي: قولي قولي.
ام شهد : جايه تخطب لولدها السلقه.
شهد: كل عيالها سلق بس اي واحد.
ام شهد: ظافر.
شهد: يووووه ،الله يعين اللي بتاخذه.
ام شهد: تبيك انتي له.
شرقت شهد: نعععم انا خير تبي تزوجني شايبها، وش قلتي لها.
ام شهد: معليك منها ماهو انا ازوج بنيتي ل ثلاثيني، قلت لها اني ماني مزوجتك الا اذا تخرجتي من الثانوي ومن الحين لذا الوقت لأحد يكلمني.
شهد: يمههه خير ليه بعد الثانوي والجامعة.
ام شهد: والله يا بنيتي راح اكثر من اللي بقى مدري متى بفرح فيك.
شهد: يمه لا تقولين كذا .
عم الصمت بالمكان شهد خافت من الفقد وأم شهد تذكرت اختها.
_______________
تعريف بسيط:
ام شهد:
مرزوقه طيبه وحليله ماتزوجت ولا عندها عيال ساكنه بالحفر لإن كل املاكها هناك اخت الجده سلطانه ،قرايبها كلهم بالرياض بس ساكنه عند اخوها عبيد (اخوها بالرضاعه)
_________________________
اي استفسار الخاص مفتوح
لو سمحتوا تصويت و فولو و كومنت🤍
JE LEEST
يمه قد شفتي مثل حب الفيصل للشهد "
Algemene fictieشهد عاشت طول حياتها بالحفر عند خالتها اخت امها لاكنها ماتدري سربوتية وداشرة و زاحفة لاكنها تعرف الصح من الغلط (عفواً هي تتعمد الغلط) ماتعرف شيء اسمه حب و في ليله من ليالي حفر الباطن الغائمه تلتقي ب بطلنا فيصل وتغير شخصيتها 360° درجهه
