يمه قد شفتي مثل حب الفيصل للشهد "

Part 6

اللهم صل وسلم على نبينا محمد 🤍

عند شهد جالسه تشرب شاهي بالمجلس وتهوجس قطع هواجيسها صوت امها وهي تقول: ما قلتي لي وش صار معك اليوم بالمدرسه.
اتسع مبسم شهد وقالت لها كل اللي صار مت طقطق للسلام عليكم.
ام شهد وهي متعودة على مصايب شهد وتعرف كيف تعقل رغم(إنه ما ينفع معها لا طب وطبيب)
قالت : الحين البنات اللي انتي ذابحتهن وش مسويات لك.

شهد:قولي وش ماسون شافني اكلم حميدان ولد زينب عند البقاله ويقولن اني حبيبته واني اطلع معه واكلم عيال ولااا! تحسبينهن وقفن على تسذا يتهمني بشر*في وع*رضي .

____________________
تعريف بسيط
حميدان ولد زينب عمره 14سنه طويل طول شهد تقريباً يتيم الأب يعتبر شهد نفس اخته ويمون معها بس بحدود.
زينب ام حميدان صديقة ام شهد حايليه ساكنه بالحفر عشان شغلها ارمله تعتبر شهد مثل بنتها.
____________________

ام شهد: انا بنت ابوي بنته زين سويتي فيهن عديمات التربية، المديرة يوم إنها بس تهاوشك ورا ما شافت خطأهن.
شهد: يمه البنات بنات عز ومنصب و المديرة مسكينه خايفه على شغلهاا بس والله إنها ماقصرت عطيتي إجازة اسبوع كامل وقالت لا تجين إلا وامتس معتس.
ام شهد: اييه خيره عشان ترتاحين من وجيهّن الودره ودامك اسبوع مانتي مداومه بنروح للجنوب مع عبيّد هاليومين.
شهد: لازم أروح للسوق ابي اشتري ملابس.
ام شهد: طيب بعد الغداء روحي عشان نمشي بكره ان شاء الله.
شهد: طيب، دقايق وارتفع صوت الأذان معلن صلاة الظهر قامّن يصلّن ولما خلصو تغدّن وراحت شهد لغرفتها تريح شوي عشان تروح للسوق بعد العصر.

في بيت الجد خالد.
كل عيالهم مجتمعين، الجدة سلطانه: ياخالد وش صار على اللي قلت لك.
الجد خالد: ارسلت واحد للحفر يشوف الوضع.
ابو نادر: وش السالفه يابوي.
الجد خالد: امك شاغله عمرها.
الجدة سلطانه: بنيتي ياخالد بنيتي.
ابو بتول: قصدك شهد؟؟
الجدة سلطانه استهل دمعها، أما الجد خالد قعد يستغفر ماهو قادر يلقى بنته ولا يواسي زوجته.

نرجع للحفر
شهد دقت على السواق عشان تروح للسوق.
بالمول دخلت شهد راحت لمحل فساتين توق دخلت للمحل ماشافت توق وكملت تشوف اللي يعجبها طاحت عينها على فستان ازرق توب وله نفشه خفيفه من تحت نسقت جاكيت فرو ابيض أخذته عشان تحاسب وكان فيه بنات عند الكاشير انتظرت شوي وبدأت تتفرج على الفساتين شافت جومبسورت احمر كمه طويل راحت تشوفه من قريب لما وصلت جتها توق: ياهلا ومرحبا انا اقول المحل منور اثرّتس هنا.
شهد: النور نورتس ياحبي.
توق: أعجبك؟
شهد: فيه ازرق؟
توق: غثى غثيتيني بالازرق شوفيه احمر يهبّل لايق عليتس وش تبين بالازرق.
شهد ضحكت بصوت عالي: ههههههههه لا بارك الله فالكتمان، شسوي احب الازرق الاحمر كريهه.
توق: والله انتي الكريهه، فيه وردي الازرق غير متوفر.
شهد: يعععععع وردديي مره وحدة، الاحمر اهون .
توق: ايوه هذا الزين ماهو الازرق. راحت تجيب مقاس شهد.
شهد: ماحبييت ):
توق: اخذتي كعب.
شهد: لا مايحتاج. حاسبت وطلعت كملت تمشى بالمول وشافت محل عطور وراحت له بدأت تتفرج على العطور جاها
الموظف وقال: هلا اختي اقدر اساعدك بشيء.
شهد: ايه ابي عطر بس ناسيه اسمه.
الموظف: طيب وش لونه؟وكيف شكله؟وفيه شيء مميز بريحته؟
شهد: لونه احمر ملكي و ريحته خشب الصندل والعود وزهرة البرتقال  . انذهل الموظف من فخامه العطر بدأ يدور العطر اللي تبيه شهد ويعرض لها العطور ....

_________________
عند رحاب
بعد ما نزلت شهد عند بيتها قالت للسواق يمر البقاله قبل بيتها عشان تاخذ أغراض للبيت نزلت وأخذت لها سناكات وشبسات ومشروبات غازية حاسبت وطلعت، نزلها السواق عند بيتها وراح دخلت تبدل ملابسها سوت لها اندومي اكلته وصلت الظهر ونامت .
تسريع الأحداث >>>>
قامت على أذان المغرب وضّت وصلت اللي فاتها راحت تتّروش وتسوي لها سكن كير لبست روب ابيض قصير نزلت للمطبخ وهي تسمع اميمه طالب وتتمايل عل ألحان الخيزرانه ارتفع صوتها وهي تقول
لا لا يالخيزرانه بالهواء ميلوكي لا لا وإن ميلوكي مالت الروح معاكي
بدت تسوي لها اكلات خفيفه وهي تتمايل على الألحان أخذت الأكل للصاله وهي تتابع افلام رعب.

عند شهد
مالقت العطر اللي تبيه طلع لها الموظف 10عطور تقريباً .
جاء صاحب المحل على اساس يشوف الوضع المبيعات والعطور الجديدة .....
شاف شهد وآسرته عيونها قال بصوته الجهوري: السلام عليكم رد الكل عليه اما الموظف اللي عند شهد كان مشغول ولما عرف صاحب الصوت بلع ريقه ورد السلام .
المدير: فيه مشكله؟؟
شهد: ايه ابي عطر بس مالقيته.
المدير: وش هو العطر اللي تبين؟
شهد: مدري ناسيه اسمه .
المدير شاف العطورات اللي على الطاوله واستغرب من شكلها ، دخل واحد معه زوجته(واضح انهم عرسان) المدير قال للموظف يروح لهم وهو بيكمل مع شهد بدأ يسألها عن العطر ومواصفاته ومميزاته وريحته ،بعد الاسئله العميقه عرف العطر اللي تبي (راح لرف العطور الملكية ولقا العطر اللي تبي) أخذه وسألها اذا هو ولا لا(مع انه متأكد انه هو)
أخذته شهد منه و تلامست يدها بيده ناظرته شهد وهو مبتسم عرفت نيته وطيرت عيونها فيه بدأت تتفحص العطر وقالت : ايه هذا هو باخذه.
قال المدير: غالي!!
شهد: انا ما سألتك عن سعره قلت باخذة يعني باخذه .
راحت للكاشير عشان تحاسب أخذه وحطه بكرتونه وحطه بكيسه
قال: الحساب 7770ريال. انصدمو كل الموجودين من سعر العطر. أما شهد مدت صرافتها بكل ثقه عشان تدفع كان الكاشير بيتكلم بس اسبقته شهد وهي تسحب صرافتها وقالت: اوه نسيت هذي موقفه طلعت صرافتها السودا ودفعت ........

_________________________
اي استفسار الخاص مفتوح
لو سمحتوا تصويت و فولو و كومنت🤍