يمه قد شفتي مثل حب الفيصل للشهد "

Part 2

اللهم صل وسلم على نبينا محمد 🤍

في مكان ثاني بعيد عن المدرسه  في الرياض تحديداً بيت الجد خالد

الجدة سلطانه : تكفى يا خالد والله إن عيني ما تذوق المنام كل ليلة اتخيل شكلها ومن تشبه هي تاكل؟ هي تشرب؟ هي تدرس؟ هي تنام مرتاحة؟
الجد خالد: اهدي يا سلطانه اختس من يوم راحت للحفر واخبارها منقطعه عنا ولا نعرف شيء عنها.
الجدة سلطانه والدموع بمحاجرها : 16سنه 16سنه وانا محرومه من ضناي يا خالد يرضيك؟؟
الجد خالد: لا والله ما يرضيني مير ماهوب بيدي، لاكن ابشري باللي يجيب لتس خبر عنها .
سحبها لحضنه وهو يمسح دموعها بطرف شماغة .

دخل عليهم ابو ياسر وابو عبدالله: السلام عليكم، اخباركم؟ كيف حالكم؟
الجدين: وعليكم السلام، الحمدلله.
الجدة سلطانه: يالله حييهم.
ابو ياسر ، ابو عبدالله: الله يحييتس ويبقيتس يالغالية.
الجد خالد: ماشاء الله جايين ماعندكم شغل.
ابو عبدالله: افاا يبه ماتبينا.
ابو ياسر: يمه شوفي زوجتس مايبينا.
الجدة سلطانه: نععم ورجالي ماهو ابوك يا خساره التربية.
ابو عبدالله: ماله دخل يممه بس واضح ابوي مايبينا.
الجد خالد: اخس يالكذوب اجل انا مابيكم،  انا لو مابيكم كان حين دخلتم رديتكم، مير واضح انك انت واخوك تدورون الزله.
الجدة سلطانه: ابو طبيع مايجوز عن طبعه.
الجد خالد هز راسه تأييد لكلام ام عياله، وابو عبدالله منصدم من ابوه وأمه اللي يقصفون ولا يبالون.

الجد خالد: مريت الحلال يا محمد .
ابو ياسر: ايه يبه.
الجد خالد: كيف الحلال فيه جديد فيه حليب!!
ابو ياسر: فيه حول خمس ولّد اما الباقي ماشفته قلت اجيكم بعدين امرهن، لأن ابو لافي عازمني على تمايم(عقيقة) احفادة و بمرح فالمزرعه الليله.
الجدة سلطانه: اييه ماشاء الله، ناظرته بنص عين وهي تقوله إلا على طاري الأحفاد ماودي تزوج الشيبان اللي عندكك.
ابو ياسر: إذا بتزوجين شايبتس زوجتهم. قالها وهو يقوم بيطلع،
الجدة سلطانه أخذت فنجان القهوة وهي ترميه عليه وصقع بالجدار وانكسر :تبيني ازوج ابوك يالخسيس .
ابو ياسر: امزح يا حلوه اللبن.

الجد خالد وابو عبدالله ميتين ضحكك على شكل ابو ياسر(محمد).
الجد خالد :خليه يا سلطانة قلبي .
استحت الجدة سلطانه. دخل عليهم مازن منخلع من محمد اللي طلع وهو يركض وابوه  وأخوه  اللي ميتين ضحك، جاي من الشركه تعبان مهدود حيله :السلام عليكم
الكل:وعليكم السلام.
مازن : الله يديم الضحكه  ردو عليه: امين ،  المهم انا بروح انام لاتقوموني على الغداء  إن قمت تغديت وإن ماقمت لأحد يقومني.
الجدة سلطانه استغربت هدوء مازن : وش فيك يا وليدي .
مازن: مافيني شيء بس اليوم اشتغلت واجد ومهدود حيلي ابي انام.
راح لغرفته دون يسمع اي رد له 12ساعه مانام ويبي يرتاح.

هناك شمال الرياض في بيت بطلنا

رجع فيصل من الدوام مستانس لأنه خلص شغلة بدريي دخل البيت من الباب الخلفي  عشانه جاي بدري ويمكن حريم اخوانه جالسات بالصالة، دخل غرفته اخذ له شور عالسريع ولبس بنطلون اسود واسع و تيشيرت احمر عليه كتابة بالاسود تعطر ومشط شعره ناظر المرايه لمدة وهو يبتسم قال بروقان : الله تو زان يومي.

نزل للصاله ومالقى احد غير نجد بنت اخوه عبدالعزيز جالسه عند التلفزيون(عمرها4سنوات) قال بصوت عالي :هلا هلا بنجد الاحباب هلا.
فزت نجد يوم سمعت صوته راحت تضمه :هلا عموو.
فيصل: هلا بنجد العذية هلا بحبيبة عمها ،وش ذا الزين  قامت نجد تدور بفستانها الازرق: عموو جبتلي حلاوة .قالته بطفوليه وهي تحط اصبعها بفمها .
طلع من مخباته مصاصة كبيرة وعطاها .قربت منه وعطته بوسه أخذها لحضنه وهو يبوسها بكل مكان و يدغدغها صوت ضحكها بكل البيت .
جت ميري وقالت ل فيصل :بابا
ناظرها فيصل ونص شعره على عيونه :هاا وش تبين؟
قالت ميري بهيمان: انت مره هلو .
فيصل :نعمم
ميري :بابا ماما سوي قداء بهوش يبغى انتا ييجي .
فيصل :طيب  .
راحت وبعد دقايق جاء عبدالعزيز وقال :ماودي تجي تتغدا.
فيصل وهو يبوس نجد اصبر بحلي شوي.وكمل يبوسها .....

اليوم مروقه وروني تفاعلكم
_________________________
اي استفسار الخاص مفتوح
لو سمحتوا تصويت و فولو و كومنت🤍