What's wrong? ( Completed )

Ep - 27

' ဘာတွေ ကြောင်ကြည့်နေကြတာလဲ? တရုတ် ပြန်လည်း နေစရာ အိမ် ရှိတယ်။ မပူကြနဲ့ ...။'

ဟုန်လုံ ဆရာ ရိပေါ် ရဲ့ စကားကြောင့် စိတ်ထဲတွင်တော့ သူတို့ရဲ့ အခုပုံစံက လမ်းဘေးမှာ နေရမှာ ကြောက်နေတဲ့ ပုံစံ ဖြစ်နေလို့လား လို့ အသံတိတ် ပြောနေပါသည်။ သူက ပြင်သစ် နိုင်ငံသားတောင် ဖြစ်နေပြီလေ။ တရုတ်မှာ ဘယ်လို သွားနေတတ်မှာလဲ?

ထိုစဉ် ...

' ဘာလို့လဲ? ချက်ချင်းကြီး !!!!.'

ရိပေါ် အသံ ထွက်လာတဲ့ ရှောင်း ဆီကို အကြည့်ပို့လိုက်ပြီး ...

' ဘာကိုလဲ ???.'

ရှောင်းကျန့် မသိချင်ယောင်ဆောင်တာ လိုလို ...၊ တကယ် လိုလို နဲ့ ပြန်မေးလာတဲ့ ကိုကို ကြောင့် နှုတ်ခမ်းစူလာရသည်။

' ဘာကို ... ဘာ ရမှာလဲ? တရုတ်ကို ချက်ချင်းကြီး ကောက်ပြန်မယ့် ကိစ္စကို ပြောတာ။'

' ပြန်ရမယ်။ ပြန်မှ ရမယ်။ ခုန ဟိုကောင် မင်းကို ကြည့်သွားတဲ့ မျက်လုံးကို မမြင်ဘူးလား။'

' သူ့ဘာသာ ပေါက်ထွက်အောင် ကြည့်တော့ရော ဘာဖြစ်လဲ? အသား ပဲ့ ပါသွားတာမှ မဟုတ်တာ။'

' ကိုယ် မကြိုက်ဘူး။'

ရှောင်းကျန့် အဲ့လို ခပ်တည်တည်ကြီးနဲ့ ပြောခံလိုက်ရတော့လည်း ကျေနပ်ပြီး ရုပ်က စပ်ဖြီးဖြီး ဖြစ်သွားပါတယ်။

' လေးလေး ကျနော် ဒီနှစ်အတွက် ကျောင်းမပိတ်သေးဘူးလေ။ လေးလေး ပဲ ပြောတာ ဒီနှစ်တော့ ပြီးအောင် ဒီမှာပဲ တက်သွားဆို ...။'

' ဝမ်ဟော်ရှင်း ... ငါ မင်းကို အခုပဲ ပြောပြနေတာလေ။ မင်း နားမလည်ဘူးလား ...။'

' ဒါပေမယ့် အခုကလည်း စာမေးပွဲဲတောင် ဖြေခါနီးနေပြီ။'

ရိပေါ် အဲ့တော့လည်း ဘာပြန်ပြောရမှန်း မသိပဲ ခါးမှာ လက်နှစ်ဖက် ထောက်ပြီး စိတ်ရှုပ်တဲ့ မျက်နှာ နဲ့ တစ်ဖက်လှည့်သွားသည်။

ရှောင်းကျန့် ဟော်ရှင်း ကို ခေါင်းတစ်ချက် ညိတ်ပြလိုက်ပြီးမှ အပေါ်တက်သွားဖို့ ခေါင်း ထပ် ဆတ်ပြလိုက်သည်။

ဟုန်လုံ နဲ့ ဟော်ရှင်း သူတို့ရဲ့ အုပ်ထိန်းသူကြီး မသိအောင် ခြေဖော့ပြီး အပေါ်ဘက်ကို အမြန်တက်လာခဲ့လိုက်ကြသည်။