ကလပ် အပြင်ဘက်တွင်
' ယွီ့ကျင်း ဘာလုပ်လိုက်တာလဲ ...။'
' ဟွန်း !!!.'
ယွီ့ကျင်း ရှဲန့်မု ရဲ့ အမေးကို ချက်ချင်း မဖြေပဲ နောက်ကို ပြန်လှည့်ပြီး တစ်ချက် ရယ်ရင်း ...
' အဲ့ဒီ ရှောင်း ကို တကယ် ယောကျာ်းပေးစားမလို့လေ။'
' ဘာပြောတာလဲ ...။'
' ကဲပါ ... လာ ပြန်ရအောင်။ အခု လာချင်တဲ့ ကလပ်ကိုလည်း လာရပြီမလား ...။'
ရှဲန့်မု သူ့ကို ဆွဲခေါ်တဲ့ ယွီ့ကျင်း နောက် ပါသွားရင်း ခုန ဝမ်ရိပေါ် ကိုင်သွားတဲ့ ပုလင်း ထဲကို ယွီ့ကျင်း ဘာထည့်ခိုင်းလိုက်တယ်ဆိုတာ သိချင်နေပါသည်။
~~~~~~~
ဖဲဝိုင်း တွင်တော့ ရှောင်းကျန့် တစ်ယောက် သောက်ချင်နေတဲ့ ဝိုင် ကိုလည်း သောက်ရပြီး၊ ဝိုင် သောက်လိုက် ဖဲ ပွတ်လိုက် လုပ်နေရတော့ အချိန်ကိုလည်း မေ့သွားပါတယ်။
' ဝမ်ရိပေါ် ...။'
ရိပေါ် ဝိုင် သောက်နေရင်း သူ့ကို ခေါ်လာတဲ့ မုလုံ ကြောင့် ဘာလဲ ဆိုပြီး ခေါင်းဆတ်ပြလိုက်တော့ ...
' ငါ့မှာ ကြေးပြားတွေ မရှိတော့ဘူး။ မင်း ငါ့ကို ထပ်သွားပြီး လဲ ပေးလို့ ရလား ...။'
ရှောင်းကျန့် ကြားလိုက်ရတဲ့ စကားကြောင့် မုလုံ ကို ကြည့်လိုက်ပြီး ...
' မုလုံ ... မင်း အဲ့လို ပြောပြောနေတာ ဘယ်နှစ်ခါတောင် ရှိနေပြီလဲ ...။ မနိုင်တော့ရင်လည်း တော်လိုက်တော့ ...။'
မုလုံ မသောက်ဖူးတဲ့ ဝိုင်တွေ ဝင်ထားတာရော ပိုက်ဆံက သူ့အရင်းထဲကပါ ရှုံးသွားတာရောကြောင့် အခု ရှောင်းကျန့် ကပါ ဝင်ပြောလာတာကြောင့် စိတ်က ဆတ်လာပါတော့သည်။
' မတော်ဘူး။ ငါ့ပိုက်ဆံတွေ အကုန် ရအောင် ပြန်ယူမယ်။ ဝမ်ရိပေါ် မင်း သွားမလဲပေးရင်လည်း မာလု ကို ပေးပြီး သူ့ကို သွားလဲခိုင်းလိုက် ...။'
ရိပေါ် ကဒ် လည်း မထုတ်ပေးသေးပဲ ရှောင်း ကို ကြည့်တော့ ခေါင်းခါပြလာတာကြောင့် မုလုံ ကို ဘာမှပြန်မပြောတော့ပဲ ဒီတိုင်းပဲ နေ နေ လိုက်သည်။
YOU ARE READING
What's wrong? ( Completed )
Fantasyမှားတာက မင်းရဲ့ ဖြစ်တည်မှု က စ မှားတာ ... မွားတာက မင္းရဲ႕ ျဖစ္တည္မႈ က စ မွားတာ ... Story no.18 Crd cv photo
