بسم الله الرحمَن الرحيم
توكلنا على الله ♥
البارت 22 بقَلمي : زينب الموسوي ✨🔥
البارت 7000 كلـمه تقريبا تعويض چُبير كلشء
﴿لَّا مَلْجَأَ مِنَ اللَّهِ إِلَّا إِلَيْهِ﴾
------------------------------------------------------------------------------------------------------------------------------------------------------------------------------------------------------------------------------------------------------------------------------------------------------
بسرعه تلاحكت روحي وابتعدت صار المي على جتفي وهوه نازل على ايدي فرفحت روحي تفرفح عطت متألمه كلش
حجت دموع بدموع تمثل الخوف
: والله والله مادري مانتبهت اسفه اسفه والله زلكت الجدريه من ايدي ماقصد والله
توني داعيط بيها قاطعني جره
عمي سامر راصدني عل الحايط ويريد يشك الدشداشه مالتي من يم جتفي حتئ يشوف الحرك لزمت ايده ابجي واحجي بخوف ،،
بريانا :- لا الله عليك عمو عيب والله عيب مابيه شي هسه اروح للغرفه اشوفها شبيها
سامر :- ولج بنتي خلي أشوفها الدشداشه راح تلزك عل الحرك
منطاني مجال احجي شك الدشداشه من يم جتفي باوع عليها شلون مايع الجلد وصايره حمره انه جنت بعدني ماحاسه بالوجع حيل لان. ببدايتها شافها وعيونه كامت اطلع شرار عاط بدموع . ..
سامر :- اانتي ثوله لخاطر الله ثوله شبيج متشوفين البنيه كدامج من راحت تريدش تغسل تفطنتي يايه
: غافيه وتمشي منتبهتلي من جبت التمن اريد ابزله وهيه واكفه يم السينك
سامر :- ههيه غافيه وتمشي توها كاعده من النوم انتي مو كاعده ومصحصحه شجاج
دموع :- يوووووه كتلكم منتبهت شبيكم قابل شصارلهاا ماتت خوما ماتت يومين ثلاثه اطيب لاتسووها عليه ليله سوده
باوعتلها وحجيت بحده وألم ،،
بريانا :- حلمي بعد مناا وغاد تشوفين ليله بيضه
بلعت ريكهاا وسرعان ماتحولت ملامحها للخوف بس شافت الكل اجه طلعت من يمنا بسرعه راحت تركض فوك
التموو عليه كلهم عماتي وعمامي ونسوانهم يتسألون شصاير جاوبهم أسامه اخذني من ايدي هوه وامي طببوني للصاله مدولي فراش كدام الكونفيرا حچه أسامه بحنيه
سامر :بابا نامي هنا وحطي ايدج عل المخده كبال الهوه بلكي يخف الوجع شواي عليج بين ماندور دهن حرك
اؤمت راسي بموافقه نمت بمكاني وسويت مثل مكال خليت ايدي عل المخده كبال الهوه وايدي الاخ عل راسي وقابضه جفي حيل من الوجع نزلت دموعي بألم روحي فايره من العصبيه والوجع قسمت بداخلي الف قسم انو مراح افوتلهياا واذا مندمتتها عل الساواته انه مو من ضهر ابوي طالعه
