بسم الله الرحمـن الرحيم ..
الارب الرابع الحمدالله والشكر لله .
لا تنسون التصويت والتعليق لطيف مثلكم 💜.
اهان عليكم الآن نسياني
وقد كنت اقرب من حبل الوريد لكم؟
الآن اصبحت المذنب
وباي ذنب اقترفتُ
احببتكم حب يعقوب ل يوسفٍ
واحببتوني حب اخوتهِ الاثنا عشرَ
اعاتب المن يناس؟ذكريات الراحوا!
بسم الله الرحمن الرحيم ..
- تقربت اكثر وفتحت الباب وچان انصدم بالشفته
عيوني غوركت من الدموع بس مخليتهه تنزل حبستهه بعيني واحسه مو دمع انما بركان بعيوني وباوعت امي ..
:- الي جنت احسهه مضلومه وانضلمت لاوالله ابوي المضلوم اريد اصرخ اريد ابجي زين ليش بس ليش
احنه شفنه المر ببيت امي يمه ماحنيتي علينه ولاحاولتي تعيشين معانا هسه عرفت سبب رفضج ورفضج ترك الوضيفه عفتي اطفالج بالنار علمود شنو علمود هاذ ؟؟
فزتتني من صفنتي امي ولاماعرف تستاهل بعد اكلها يمه لو ماكلها نطقت وكالت وعلامات الخوف والارتباك باينه على وجهاا بارتباك
- هااا يمه بريانا شجابج جتي داتقرب مني
عفتهه وطلعت اركض فتحت الباب وطلعت
اركض وهيه تركض وراي
- يمه بس اوكفي خلي احاجيج يمه فدوه اروحلج بس اوكفي
- مارديت عليها وركضت لحد مطلعت من المستشفى اركض ومادري شنو الي دييصير اني شنو شداسوي افكار توديني واجيبني مامنتبهه لأي شي
ركضت وعبرت الشارع ومادري اذا جان اكو سياره اولا عبرت اركض بدون ماانتبه وفجأة فززني صوت هورن السياره جاي بأتجاهي سريع !
وهوه يدك حيل بالهورن ضرب بريك حيل وكعت بالكاع بنص الشارع وبيني وبين سياره شعره وكعت ومادري شكو شصار صافنه طلعني من افكاري صوت ابو السياره
- هااا عمووو خوما صار بيج شي
- هااا هااا مادري لا عمو مابيه شي
ابو السياره :- زين عمو غير تنتبهين على الطريق والسيارات ادكلج هورن ماتسمعين شبيج عمو صاير وياج شي ؟
- لا لا عمو ماكو شي اني اسفه مانتبهت
ابو السياره :- لا عمو عادي كليلي اهلج وين
اوديج عليهم ؟
-دجاوب واجانه صوت واحد مرتبك وخايف اني اني اهلهه اني راح اخذها
ابو السياره :- هاا عيني اني اعتذر منك مجنت اقصد والله اني جاي سريع وهيه تركض المهم الحمدلله مصار بيها شي !
