بِسم الله الرحمن الرحيم .
البارت 21 ، 4610 كلمه
بقلمي :: زينب الموسوي
لاتنسون التصويت والتعليق قلبي 🩶🫂.
مـاغَثـني چذبـهم وحَقدهم ألغـَاثنـي يـصلون
_________●__________●___________٠
ك
عدت الصبح بريانا ماكو بالدوام واليوم أبويه يرجع هوه وامي بالبيت ولازم نتواجد هناك قبل لايجي ويدري بينا بايتين يم خوالنا كمت عل ايلاف اكعدها
ميرال::اايلاف كومي اكعدي خلي نروح للبيت قبل مايجي ابويه وتلاص علينا
حجت بنعاس وهيه تلف الغطه عليها تغطي رأسها،،
ايلاف :- امممممم مريال عوفيني نايمه روحي أنتي
بهل الأثناء طب جارش للغرفه باوعلنه وضحك اشرتله بيدي اش ضحك وهز رأسه التفتت عل ايلاف وحجيت
مريال :ولجج كوومي يوليييي ولج سمعت شخطت سياره برا اخاف هوه يولي والله يذبحنا إذا يلكانا هنااا
ايلاف :يمعوده دعوفيني لخاطر محمد شكد خوافه هسه قابل وذا ذبحنا نروح شهداء شحلاتها ارجعي نامي ولاتخافين منه وآنه. بضهرج
باوعت لجارش ضحك سوالي حركه بأيده بمعنئ اصبري
هزيت راسي راح للصاله جاب خيزرانه جدي واجه ركعها بالباب حيل تنحنح وكال بصوت عالي وخشن
جارش:ايلاف شعندج هناااا
ماحسيت الا ايلاف كمزت عل طولها وتفرك بعيونها وتحجي
ايلاف :والله يأبه كلنا لامي راح انبات هنا والله مامسًوين شي
فتحت عيونها وتفاجأت من شافت جارش كدامهاا انفجرنا ضحك عليها كعدت بالكاع وحاطه أيدها عل كلبها وكالت
ايلاف :نعلا علا يومك جارش خرب يومك خريت بمكاني الا شويه بلا هاي سالفه تسويهاا بيه
متنا ضحك عليها كال جارش وهوه يضحك
جارش :خابرج مااخاف وانه بضهرج ونروح شهداء ومدري شنو وين راح هاذ الحجي
ايلاف :يمعود دسكت جذب وابلاش شدعواكم صدكتو بيه
متتتت ضحك تبرغثت تبرغث بالكاع باوعلي جارش هز ايده وكال
جارش :كومن كومن خلي نتريك راح نروح هسه غير. تودعونا
بلعت ريك واحس الغصه وصلت زردومي كلت بخنكه،
