الارب الاول بقلمي :- زينب الموسوي .
بَسم الله الرحمن الرحيم
اتمنى التصويت والتعليق بين الفقرات
فعـليك السـلام أبـي مـني فإني مُت شَوقًـا، والله خير وأبقَى
صياح وهوسه وغلط عركه علينه عمي يجرني مناااا وامي تجررررني مناااا واني بنص لأكدر اعوف عمامي ولأكدر اعوف امي شتم ومسبه اباوع ع خواتي يبچن ويعيطن عمي يفشر على امي وامي تبجي وصياحح جدو ابو امي جاسم ويه جدو ابو ابوي عَبد الرحمان،
جدوو جاسم :- البنات يعيشن يم امهن مالكم حق تاخذوهن هنه يريدن امهن اسألوهن اذا داجذب .
محط الانضار صارت علينه اني وخواتي ينتضرون كلمه من عدنا ينهي الخلاف والمشاكل ؟
نجي نحجي القُصه وليش وليش؟
ابوي وامي ولد العم زواجهم كان اجباري من
طرفين امي عانت بحياتهه هواي وتعذبت من ابويه
ابويه مفقود من 2006 امي تركتناا وعاشت
يم اهلها
واحنه بقينه بيت جدي رحمان قهر ومذله
ومحطوطين بين نارين يااما عمامي الي ربونه
وكبرونه ياأما امي الي تعبت علينا
مالنه حق ناخذ اي قرارت حياتنه مو بيدنه - وعايشين على امل من رب العالمين يطلعنا من هل الفوضويه ،
- جدي عَبد عنده ثمانيه أولاد وخمس بنات
ابويه كان الجبير اولاد عمامي كلهم صغار
امي محرومين من شوفتهه ورغم بيت جدو طالب بصف بيت جدو ..
جاسم طبك حايط ع حايط بس مع هذا منشوفهه وممنوع تجيب اي شي النا ولاتاخذ منهه اي شي
كلنه چنه بيت واحد بيت جدوو كلش جبير عمامي متزوجين كلهم عماتي ثلاثه مزوجات وحده ميته ووحده يمنه بنفس عمر اختي الجبيره
چنه صديقات واخوات ولاعبالك عمتنه شقه وضحك اختي الصغيره عايشه يم
واني واختي واخوي يم عمامي
اختي صغيره جتي وره ماانفقد ابويه مشافته خطيه ولا احنه شفناها من آجت للدنيا هيه يم امي،
نـرجع إلى الماضي ...
- طلعت للحديقه ضايجه وكلت اطلع اشتم هوه غمضت عيوني ورجعت بيه الذاكره لذاك اليوم الي انكلبت بي حياتنا رأسآ عل عقب
چنه اني وأخويه نلعب بالبستان الي كدام بيتنا چان ابويه مأجر بيت يمنطقه مفتوحه عباره عن بساتين وزرع المنطقه جانت البيوت بيهاا قليله بينماا امي كاعد تحلب البقر وأختي تنضف البيت ؤاني وهُزام دنلعب كبي توكي، وهزام بس يزاغل باللعب
- هزام والله انته كاعد تزاغل دادوس على الخط وبعدين تؤخر رجلك!
- وخري انتي متعرفين تلعبين اني مدزاغل
